ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಆರ್ಥಿಕ ಅಪರಾಧ ಎಸಗಿ ದೇಶಬಿಟ್ಟು ಪರಾರಿಯಾಗಿರುವವರನ್ನು ಬೆನ್ನಟ್ಟಲಾಗುತ್ತಿದೆ - ನಿರ್ಮಾಲಾ ಸೀತಾರಾಮನ್, ಕೇಂದ್ರ ಸಚಿವೆ
ನಿಮ್ಮ ಶಕ್ತಿ ಸಾಮರ್ಥ್ಯಗಳೆಲ್ಲ ಸರಕಾರದ ವಿಮರ್ಶಕರನ್ನು ಬೇಟೆಯಾಡುವುದರಲ್ಲಿ ತೊಡಗಿರುವಾಗ ಬೇರೆ ಕೆಲಸಗಳಿಗೆ ಸಮಯವೆಲ್ಲಿದೆ?


ಬಿಜೆಪಿಯಲ್ಲಿ ಮೂಲ, ವಲಸಿಗರೆಂಬುದಿಲ್ಲ, ಒಮ್ಮೆ ಹೊಸಿಲಿಗೆ ಮೊಳೆ ಹೊಡೆದು ಸೊಸೆಯನ್ನು ಒಳ ಕರೆದುಕೊಂಡರೆ ಆಕೆ ಮಗಳಿದ್ದಂತೆ - ಬಿ.ಸಿ.ಪಾಟೀಲ್, ಸಚಿವ
ಎಲ್ಲರೂ ಹೊಲಸಿನಲ್ಲೇ ಮುಳುಗಿರುವಾಗ ಮತ್ತೆ ತಾರತಮ್ಯದ ಅಗತ್ಯವೇ ಏನಿದೆ?


ಮಾಜಿ ಸಚಿವ ಝಮೀರ್ ಅಹಮದ್ ಒಬ್ಬ ಗುಜರಿ ಗಿರಾಕಿ - ಎಂ.ಪಿ.ರೇಣುಕಾಚಾರ್ಯ, ಸಿಎಂ ಕಾರ್ಯದರ್ಶಿ
ನಿಮ್ಮನ್ನು ಖರೀದಿಸಲು ಬಂದಿದ್ದರೇ?


ರಾಹುಲ್ ಗಾಂಧಿ ಅಂತರ್‌ರಾಷ್ಟ್ರೀಯ ಮಟ್ಟದಲ್ಲಿ ಭಾರತೀಯ ಶಕ್ತಿಯನ್ನು ತೋರಿಸಬಲ್ಲ ಧೀಮಂತ ನಾಯಕ - ಅಭಯ್‌ಚಂದ್ರಜೈನ್, ಮಾಜಿ ಸಚಿವ
ಈ ಬಾರಿ ಒಲಿಂಪಿಕ್ಸ್‌ಗೆ ಕಳುಹಿಸೋಣವೇ?


ಬ್ರಹ್ಮ ಬಂದರೂ ಕರ್ನಾಟಕದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬರಲ್ಲ - ಕೆ.ಎಸ್.ಈಶ್ವರಪ್ಪ, ಸಚಿವ
ನಿಮ್ಮಂಥವರು ಹೀಗೆಲ್ಲಾ ಹತಾಶೆಯ ಮಾತುಗಳನ್ನಾಡಿದರೆ ಕಾಂಗ್ರೆಸ್‌ನಲ್ಲಿ ಆಶಾವಾದ ಚಿಗುರದೆ ಇರುತ್ತದೆಯೇ?


ದೇಶದಲ್ಲಿ ಹಲವು ಕಾಂಗ್ರೆಸ್‌ಗಳಿವೆ. ಈ ರಾಜ್ಯದಲ್ಲಿ ಡಿಕೆಶಿ ಮತ್ತು ಸಿದ್ದರಾಮಯ್ಯರ ಮತ್ತೆರಡು ಕಾಂಗ್ರೆಸ್ ಹುಟ್ಟಿಕೊಳ್ಳಲಿದೆ - ಆರ್.ಅಶೋಕ್, ಸಚಿವ
ನೀವು ಯಾವ ಕಾಂಗ್ರೆಸ್ ಸೇರಲಿದ್ದೀರಿ?


ನಮ್ಮ ತ್ಯಾಗದಿಂದಲೇ ರಾಜ್ಯದಲ್ಲಿ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರಕಾರ ರಚನೆಯಾಗಿರುವುದು - ಎಚ್.ವಿಶ್ವನಾಥ್, ವಿ.ಪ.ಸದಸ್ಯ
ಈಗ ಆ ಸರಕಾರ ಅಲುಗಾಡುತ್ತಿರುವುದು ನಿಮ್ಮ ಅದೇ ತ್ಯಾಗದಿಂದ ತಾನೇ?


ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್‌ಸಿಂಗ್ ಕರ್ನಾಟಕಕ್ಕೆ ಬಂದು ಹೋದದ್ದು ‘ಬಂದ ಪುಟ್ಟಾ - ಹೋದ ಪುಟ್ಟಾ’ ಎಂಬಂತಾಗಿದೆ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ನಿಮ್ಮನ್ನು ನಿರಾಶೆ ಮಾಡಿ ಹೋದರೇ?


ನಾನು ಬುದ್ಧಿಜೀವಿಗಳನ್ನು ಧ್ವಂಸ ಮಾಡಲೆಂದೇ ಹುಟ್ಟಿದವಳು - ಕಂಗನಾ ರಣಾವತ್, ನಟಿ
ನಿಮ್ಮ ಅಕ್ರಮ ಕಟ್ಟಡ ಧ್ವಂಸ ಮಾಡಿರುವುದು ಬುದ್ಧಿ ಜೀವಿಗಳೇ?


ಪ್ರಧಾನಿ ಮೋದಿ ಪೌರುಷವಿಲ್ಲದ ಉತ್ತರ ಕುಮಾರನಂತೆ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿZA
ಪ್ರಶ್ನೆಗಳಿಗೆ ಉತ್ತರವೇ ಇಲ್ಲದ ಉತ್ತರ ಕುಮಾರ


ಕಾಂಗ್ರೆಸ್‌ನಲ್ಲಿ ಸಿದ್ದರಾಮಯ್ಯನವರೇ ಮುಂದಿನ ಮುಖ್ಯಮಂತ್ರಿ - ಝಮೀರ್ ಅಹಮದ್, ಶಾಸಕ
ಕರ್ನಾಟಕಕ್ಕೆ ಯಾರು?


ರಾಮನ ಹೆಸರು ಹೇಳುವವರ ಪಕ್ಷದಲ್ಲಿ ರಾಮಾಯಣ, ಮಹಾಭಾರತ ಎಲ್ಲವೂ ನಡೆಯುತ್ತಿದೆ - ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಕನಿಷ್ಠ ಆ ಪಕ್ಷ ನಡೆಯುತ್ತಾ ಇದೆ. ನೀವು ಪೂರ್ತಿ ಮಲಗಿದ್ದೀರಲ್ಲ?


ಸುಧಾರಣೆ ಎನ್ನುವುದು ತ್ಯಾಗದಿಂದ ಬರುತ್ತದೆಯೇ ಹೊರತು ಏಕಾಏಕಿ ನಾಯಕತ್ವ ಪ್ರಶ್ನೆಮಾಡುವುದರಿಂದಲ್ಲ - ಸಲ್ಮಾನ್ ಖುರ್ಷಿದ್, ಕಾಂಗ್ರೆಸ್ ಮುಖಂಡ
ತಾವೇಕೆ ಪಕ್ಷವನ್ನು ತ್ಯಾಗ ಮಾಡಿ ನೋಡ ಬಾರದು?


ರಾಜ್ಯದಲ್ಲಿ ಮುಖ್ಯಮಂತ್ರಿ ಸ್ಥಾನ ಖಾಲಿ ಇಲ್ಲವೆಂದು ಬೋರ್ಡ್ ಹಾಕಿಕೊಂಡು ಓಡಾಡುವ ಪರಿಸ್ಥಿತಿ ನಮಗೆ ಬಂದಿದೆ - ಜಗದೀಶ್ ಶೆಟ್ಟರ್, ಸಚಿವ
ತಕ್ಷಣ ಸ್ಥಾನವನ್ನು ಖಾಲಿ ಮಾಡಿ ಎಂದು ಕೆಲವರು ಬೋರ್ಡ್ ಹಾಕಿಕೊಂಡು ದಿಲ್ಲಿಯಲ್ಲಿ ಓಡಾಡುತ್ತಿದ್ದಾರಂತೆ.


ಯೋಗದಿಂದ ಜಗತ್ತಿನ ಎಲ್ಲ ದೇಶಗಳು ಒಂದೇ ಕುಟುಂಬ ಆಗುವ ಅವಕಾಶವಿದೆ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ನಿಮ್ಮ ವಿಧಾನ ಸಭಾ ಕ್ಷೇತ್ರದಲ್ಲಿ ಅದನ್ನು ಸಾಬೀತುಪಡಿಸಬಲ್ಲಿರಾ?


ಕಾಂಗ್ರೆಸ್‌ನಲ್ಲಿ ಕೂಸು ಹುಟ್ಟುವ ಮುಂಚೆ ಕುಲಾವಿ ಹೊಲಿಯುವ ಸ್ಥಿತಿ ಇದೆ - ಆರ್.ಅಶೋಕ್, ಸಚಿವ
ನಿಮ್ಮ ಸರಕಾರದ ಮುಖ್ಯಮಂತ್ರಿ ಹುದ್ದೆಗೆ ಅವರ ಅಭ್ಯರ್ಥಿಗಳೂ ಇದ್ದಾರೇನು?


ಸಿಎಂ ಯಡಿಯೂರಪ್ಪ ಸ್ಟಾರ್ ಲೀಡರ್, ಅವರಿಲ್ಲದೆ ಪಕ್ಷ ಮುನ್ನಡೆಸುವುದು ಕಷ್ಟ - ಎಂ.ಪಿ.ಕುಮಾರಸ್ವಾಮಿ, ಶಾಸಕ
ಹೌದು ಕಾರ್ಗತ್ತಲಲ್ಲಿ ಇರುವವರು ಸ್ಟಾರ್‌ಗಳಿಂದಲೇ ಮಾರ್ಗದರ್ಶನ ಪಡೆಯಬೇಕಾಗುತ್ತದೆ.


ಮೋಡ ಸೂರ್ಯನನ್ನು ಮರೆಮಾಚಲು ಸಾಧ್ಯವೇ? ಮರೆ ಮಾಚಿದರೂ ಕೆಲಕಾಲ ಮಾತ್ರ - ಸಿ.ಟಿ.ರವಿ, ಶಾಸಕ
ನಿಮ್ಮನ್ನು ಬಲ್ಲವರೆಲ್ಲ ನಿಮ್ಮನ್ನೇ ಮೋಡಕ್ಕೆ ಹೋಲಿಸಲು ಕಾರಣ?


ಅಫ್ಘಾನಿಸ್ತಾನ ಭಯೋತ್ಪಾದಕರಿಗೆ ಸುರಕ್ಷಿತ ತಾಣವಾಗಿದೆ - ಎಸ್.ಜೈಶಂಕರ್, ಕೇಂದ್ರ ಸಚಿವ
ಅಲ್ಲೂ ಅವರು ಸಂಸದರಾಗುತ್ತಿದ್ದಾರೆಯೇ?


ಯೋಗದ ಮೂಲ ಭಾರತ ಅಲ್ಲ, ನೇಪಾಳ -ಕೆ.ಪಿ.ಶರ್ಮಾ ಬಲಿ, ನೇಪಾಳದ ಹಂಗಾಮಿ ಪ್ರಧಾನಿ
ನೀವು ಹಾಗೆಲ್ಲ ಹೇಳಿದರೆ, ನೇಪಾಳ ಭಾರತದ ಅವಿಭಾಜ್ಯ ಅಂಗ ಎಂಬ ಅಭಿಯಾನ ಆರಂಭವಾದೀತು.


ಕಾಂಗ್ರೆಸ್‌ನಲ್ಲಿ ಈಗ ಮ್ಯೂಸಿಕಲ್ ಚೇರ್ ಆಟ ಆರಂಭವಾಗಿದೆ - ನಳಿನ್‌ಕುಮಾರ್ ಕಟೀಲು, ಸಂಸದ
ಆ ವಿಷಯವು ನೀವು ಜಗತ್ತಿಗೆ ತಿಳಿಸಬೇಕಾದಷ್ಟು ಗುಟ್ಟಿನಲ್ಲಿದ್ದರೆ ಅದು ಚಿಂತಾಜನಕ ವಿಷಯವೇನಲ್ಲ.


ಗೋತ್ರಗಳ ಆಧಾರದಲ್ಲಿ ಗೋತಳಿ ಅಭಿವೃದ್ಧಿ ಪಡಿಸಲು ರಾಜ್ಯ ಸರಕಾರ ಗಂಭೀರ ಚಿಂತನೆ ನಡೆಸಿದೆ - ಪ್ರಭು ಚವ್ಹಾಣ್, ಸಚಿವ
ಅಲ್ಲೂ ಕುಲ ಮಹಿಮೆಯ ಚರ್ಚೆ ಆರಂಭಿಸಲಿದ್ದೀರಾ?


ತುಳುವಿಗೆ ಪ್ರತ್ಯೇಕ ರಾಜ್ಯ ಬೇಕೆಂಬ ಬೇಡಿಕೆಯನ್ನು ಬೆಂಬಲಿಸುವುದಿಲ್ಲ - ಶೋಭಾ ಕರಂದ್ಲಾಜೆ, ಸಂಸದೆ
ತುಳುವರಿಗೆ ಎಂಆರ್‌ಪಿಎಲ್‌ನಲ್ಲಿ ಉದ್ಯೋಗದ ಬೇಡಿಕೆಯನ್ನಾದರೂ ಬೆಂಬಲಿಸಬಹುದಲ್ಲ?


ಬಿಜೆಪಿಯಲ್ಲಿ ಅಧಿಕಾರಕ್ಕಾಗಿ ಒಬ್ಬರ ಕಾಲನ್ನು ಮತ್ತೊಬ್ಬರು ಎಳೆಯುತ್ತಿದ್ದಾರೆ - ಎಚ್.ಮುನಿಯಪ್ಪ, ಕಾಂಗ್ರೆಸ್ ಮುಖಂಡ
ಕಾಲು ಮಾತ್ರ ಅಲ್ಲ, ಪಂಚೆ, ಚಡ್ಡಿ ಎಲ್ಲ ಎಳೆಯುತ್ತಿರುವ ಸುದ್ದಿಗಳು ಬರುತ್ತಿವೆ.


ಭಾರತ ಟೆಸ್ಟ್ ತಂಡಕ್ಕೆ ಸರಿಯಾದ ಮನಸ್ಥಿತಿಯ ಸರಿಯಾದ ಆಟಗಾರರ ಅಗತ್ಯವಿದೆ - ವಿರಾಟ್‌ಕೊಹ್ಲಿ, ಭಾರತ ಕ್ರಿಕೆಟ್ ತಂಡದ ನಾಯಕ
ಆಟಗಾರರಿಗೆ ಕ್ರಿಕೆಟ್ ಆಟದ ಬಗ್ಗೆಯೂ ಒಂದಿಷ್ಟು ಜ್ಞಾನ ಇದ್ದರೆ ಒಳ್ಳೆಯದಲ್ಲವೇ?


ಮುಂದಿನ ಬಾರಿ ಬೆಳಗಾವಿ ಲೋಕಸಭಾ ಕ್ಷೇತ್ರದಿಂದ ನಾನು ಅಥವಾ ನನ್ನ ಮಕ್ಕಳೇ ಚುನಾವಣೆಗೆ ಸ್ಪರ್ಧಿಸುತ್ತೇವೆ- ಸತೀಶ್ ಜಾರಕಿಹೊಳಿ, ಕೆಪಿಸಿಸಿ ಕಾರ್ಯಾಧ್ಯಕ್ಷ
ಇದುವೇ ನಿಮ್ಮ ಸಂಸ್ಕೃತಿಯಾಗಿದ್ದರೆ ಮತ್ತೆ ಚುನಾವಣೆಯೆಲ್ಲಾ ಯಾತಕ್ಕೆ? ನೇರವಾಗಿ ಪಟ್ಟಾಭಿಷೇಕವನ್ನೇ ಏರ್ಪಡಿಸಬಹುದಲ್ಲ?


ನಾನು ಮುಖ್ಯಮಂತ್ರಿ ಸ್ಥಾನದ ಸ್ಪರ್ಧೆಯಲ್ಲಿದ್ದೇನೆಯೇ ಎಂಬುದನ್ನು ಸಂದರ್ಭ ಬಂದಾಗ ಹೇಳುತ್ತೇನೆ - ಡಾ.ಜಿ.ಪರಮೇಶ್ವರ್, ಕಾಂಗ್ರೆಸ್ ಮುಖಂಡ
ನೀವು ಸ್ಪರ್ಧೆಯಲ್ಲಿ ಇಲ್ಲ ಎಂದು ಗೊತ್ತಾಗಿ ಬಿಟ್ಟರೆ ರಾಜ್ಯಕ್ಕೇ ಹೃದಯಾಘಾತವಾದೀತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top