ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಜನಸಂಖ್ಯೆಯ ಹೆಚ್ಚಳವು ಅಭಿವೃದ್ಧಿಗೆ ಮಾರಕ-ಯೋಗಿ ಆದಿತ್ಯನಾಥ್, ಉ.ಪ್ರ.ಮುಖ್ಯಮಂತ್ರಿ

ಜನರನ್ನೇ ನೀವು ಸಮಸ್ಯೆಗಳಾಗಿ ಕಾಣುವುದಾದರೆ ಕತ್ತೆಗಳ ಲೋಕದಲ್ಲಿ ಮುಖ್ಯಮಂತ್ರಿಯಾಗಬಹುದಿತ್ತು.


ತೈಲ ಬೆಲೆ ದಿನದಿಂದ ದಿನ ಹೆಚ್ಚಾಗುತ್ತಿದ್ದು, ಜನರು ಸೈಕಲ್‌ನಲ್ಲಿ ಓಡಾಡಿದರೆ ಆರೋಗ್ಯ ಹಾಗೂ ಆರ್ಥಿಕ ಲಾಭವಾಗಲಿದೆ -ಜಿ.ಎಂ. ಸಿದ್ದೇಶ್ವರ, ಸಂಸದ
ನೀವು ಓಟುಕೇಳಲು ಸೈಕಲ್ ಹೊರತು ಬೇರಾವುದೇ ವಾಹನದಲ್ಲಿ ತಿರುಗಾಡಿದರೆ ಜನರು ನಿಮ್ಮ ಆರೋಗ್ಯ ಕೆಡಿಸುವುದು ಖಚಿತ.


ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡುವುದು ಮುಗಿದು ಹೋದ ಅಧ್ಯಾಯ - ರಮೇಶ್ ಜಾರಕಿಹೊಳಿ, ಮಾಜಿ ಸಚಿವ
ಎಲ್ಲ ಅಧ್ಯಾಯಗಳ ರೆಕಾರ್ಡಿಂಗ್ ನಡೀತಿದೆ ಎಂಬುದನ್ನೇಕೆ ಮರೆಯುತ್ತೀರಿ?


ಪ್ರಧಾನಿ ಮೋದಿಯ ಸಮರ್ಥ ನಾಯಕತ್ವದಿಂದಾಗಿ ನಾವೀಗ ಹೊಸ ಭಾರತದಲ್ಲಿದ್ದೇವೆ - ಡಾ.ಸುಧಾಕರ್, ಸಚಿವ
ಹಳೆಯ ಸಂಪನ್ನ ಭಾರತ ಬೇಕಿದ್ದರೆ ಹೊಸ ನಾಯಕರನ್ನು ಕಂಡುಕೊಳ್ಳಬೇಕೇ?


 ಬಿಜೆಪಿ ಕಾರ್ಯಕರ್ತರು ಯಾವತ್ತೂ ಅಧಿಕಾರ ದಾಹಕ್ಕಾಗಿ ಕೆಲಸ ಮಾಡುವುದಿಲ್ಲ - ನಳಿನ್‌ಕುಮಾರ್ ಕಟೀಲು, ಸಂಸದ
ಅಧಿಕಾರಕ್ಕಾಗಿ ಬೇರೆ ಕೆಲಸವೇನೂ ಮಾಡಬೇಕಾಗಿಲ್ಲ, ಗಲಭೆಗಳನ್ನು ಮಾಡಿಸಿದರೆ ಸಾಕು ಎಂದು ಅವರಿಗೆ ಅರಿವಾಗಿದೆ.


ಸಾಮಾನ್ಯ ಕಾರ್ಯಕರ್ತರನ್ನು ಗುರುತಿಸಿ ಉನ್ನತ ಜವಾಬ್ದಾರಿ ನೀಡುವ ಏಕೈಕ ಪಕ್ಷ ಬಿಜೆಪಿ ಎಂಬುದಕ್ಕೆ ನಾನೇ ಉದಾಹರಣೆ -ಭಗವಂತ ಖೂಬಾ, ಕೇಂದ್ರ ಸಚಿವ
ಸಾಮಾನ್ಯ ಕಾರ್ಯಕರ್ತರ ಅಸಾಮಾನ್ಯ ದ್ವೇಷ ಭಾಷಣಗಳನ್ನು ಆಧರಿಸಿ ಗುರುತಿಸುತ್ತಾರಂತೆ.


ಯಡಿಯೂರಪ್ಪನವರು ಆರು ಸೂಟ್ ಕೇಸ್ ಹಿಡಿದುಕೊಂಡು ದಿಲ್ಲಿಗೆ ಹೋದದ್ದೇಕೆ? - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ತೊಂಭತ್ತ ನಾಲ್ಕು ಇನ್ನೂ ಇಲ್ಲೇ ಇವೆ. ನಿಮ್ಮ ಶಾಸಕರನ್ನು ಕಾವಲಿಡಿ.


ರೌಡಿ ಕೋತ್ವಾಲನ ಶಿಷ್ಯನನ್ನು ಕಾಂಗ್ರೆಸ್ ಕೆಪಿಸಿಸಿ ಅಧ್ಯಕ್ಷರನ್ನಾಗಿ ಮಾಡಿದ್ದು ದುರಂತ -ಎಸ್.ರವಿಕುಮಾರ್, ಬಿಜೆಪಿ ಕಾರ್ಯದರ್ಶಿ

ನಿಮ್ಮ ಪಕ್ಷದಲ್ಲಿ ಅಂತಹ ಸ್ಥಾನಗಳನ್ನು ರೌಡಿ ಗುರುಗಳಿಗೆ ಮೀಸಲಾಗಿ ಇಡಲಾಗುತ್ತದೆಂಬುದು ಎಲ್ಲರಿಗೆ ಗೊತ್ತಿದೆ ಬಿಡಿ.


ಹಿಂದೂ ಯುವಕನೊಬ್ಬ ಹಿಂದೂ ಯುವತಿಗೆ ಸುಳ್ಳು ಹೇಳಿ ಪುಸಲಾಯಿಸುವುದೂ ಲವ್ ಜಿಹಾದ್ - ಹಿಮಂತ ಬಿಸ್ವಾಶರ್ಮಾ, ಅಸ್ಸಾಂ ಮುಖ್ಯಮಂತ್ರಿ
ಬ್ರಾಹ್ಮಣ ಯುವಕನೊಬ್ಬ ಶೂದ್ರ ಯುವತಿಯ ತಂದೆಗೆ ದುಡ್ಡು ಕೊಟ್ಟು ಯುವತಿಯನ್ನು ಶುದ್ಧೀಕರಿಸಿ ಮದುವೆ ಆಗುವುದು ಜಿಹಾದ್ ವ್ಯಾಪ್ತಿಗೆ ಬರುತ್ತದೆಯೇ?


ಕೆಲವರು ಬಿಜೆಪಿ ಅಲ್ಪಸಂಖ್ಯಾತರ ವಿರೋಧಿ ಎಂದು ಅಪಪ್ರಚಾರ ಮಾಡುತ್ತಿದ್ದಾರೆ -ಎಂ.ಪಿ.ರೇಣುಕಾಚಾರ್ಯ, ಶಾಸಕ

ಯಾರೇನೇ ಪ್ರಚಾರ ಮಾಡಲಿ - ಬ್ರಾಹ್ಮಣ ಅಲ್ಪ ಸಂಖ್ಯಾತರು ಅದನ್ನು ಒಪ್ಪಲಾರರು.


ಅರಣ್ಯ ಸಚಿವರು ಮತದಾರರಿಗಿಂತ ಹೆಚ್ಚು ಮರಗಳು, ಕಾಡುಪ್ರಾಣಿಗಳ ಬಗ್ಗೆ ಚಿಂತನೆ ನಡೆಸುತ್ತಿರುವುದರಿಂದ ಅವರು ಜನಪ್ರಿಯರಾಗುವುದಿಲ್ಲ - ಅರವಿಂದ ಲಿಂಬಾವಳಿ, ಸಚಿವ
ಮತದಾರರನ್ನು ಮಾರಿ ಹೆಚ್ಚು ಲಾಭ ಇದ್ದಿದ್ದರೆ ಅವರು ಆ ಕುರಿತು ಚಿಂತಿಸುತ್ತಿದ್ದರೇನೋ!


ಮನೆಯಲ್ಲಿ ಸಂಸ್ಕಾರ, ಸಂಸ್ಕೃತಿಯನ್ನು ಬೆಳೆಸಿಕೊಂಡರೆ ಉತ್ತಮ ಸಮಾಜ ನಿರ್ಮಾಣ ಮಾಡಲು ಸಾಧ್ಯ - ಕಲ್ಲಡ್ಕ ಪ್ರಭಾಕರ ಭಟ್, ಆರೆಸ್ಸೆಸ್ ನಾಯಕ
ನೀವು ವೇದಿಕೆಗಳಲ್ಲಿ ಪ್ರದರ್ಶಿಸುವ ಬೆಂಕಿ ಉಗುಳುವ ಸಂಸ್ಕೃತಿಯೇ?


ಭಾರತದಲ್ಲಿರುವ ಎಲ್ಲ ಮುಸ್ಲಿಮರು, ಕ್ರೈಸ್ತರು ತಲೆಮಾರುಗಳ ಹಿಂದೆ ಹಿಂದೂಗಳೇ ಆಗಿದ್ದರು - ಹಿಮಂತ ಬಿಸ್ವಾಶರ್ಮಾ, ಅಸ್ಸಾಂ ಮುಖ್ಯಮಂತ್ರಿ

ಹಾಗಿರುವಾಗ ಅಚಾನಕ್ಕಾಗಿ ಅವರು ಬಾಂಗ್ಲಾ ಅಕ್ರಮ ವಲಸಿಗರು ಆದದ್ದು ಹೇಗೆ?


ಕಾಂಗ್ರೆಸ್‌ನಲ್ಲಿ ಇನ್ನು ಮುಂದೆ ಹೊಸಬರು, ಹಳಬರು ಎಂಬ ಪ್ರಶ್ನೆಯೇ ಇಲ್ಲ - ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಪಕ್ಷವನ್ನು ದಫನ ಮಾಡುವುದು ಎಲ್ಲಿ, ಯಾವಾಗ ಎಂಬ ಪ್ರಶ್ನೆಗಳೇ ಮುಖ್ಯವಾಗಿರುವಾಗ ಇತರ ಪ್ರಶ್ನೆಗಳಿಗೆ ಔಚಿತ್ಯವೆಲ್ಲಿದೆ?


ಸಾಹಸ ಮಾಡದೇ ಸಾಧನೆ ಮಾಡಲು ಸಾಧ್ಯವಿಲ್ಲ - ರಾಘವೇಶ್ವರ ಸ್ವಾಮೀಜಿ, ರಾಮಚಂದ್ರಾಪುರಮಠ

ಆದರೆ ಸಾಧನೆಗಳು ಸಿಡಿಯಲ್ಲಿ ದಾಖಲಾಗದಂತೆ ನೋಡಿಕೊಳ್ಳಿ.


ನಟ ದಿಲೀಪ್‌ಕುಮಾರ್ ಅವರು ಒಳ್ಳೆಯ ಕುಟುಂಬದ ಮಕ್ಕಳು ನಟರಾಗಬಾರದು ಎಂದಿದ್ದರು - ನಾಸಿರುದ್ದೀನ್ ಶಾ, ನಟ
ಕೇವಲ ನಟನೆಯ ಸಾಮರ್ಥ್ಯದಿಂದ ದೊಡ್ಡ ದೊಡ್ಡ ಅಧಿಕಾರದ ಹುದ್ದೆಗಳನ್ನು ಪಡೆದವರನ್ನು ಅವರು ಬಹುಶಃ ಗಮನಿಸಿರಲಿಲ್ಲ.


ಬಿಜೆಪಿ ನನಗೆ ಕೊಟ್ಟಂತಹ ಅವಕಾಶಗಳು ಬಹುಶಃ ರಾಜ್ಯದಲ್ಲಿ ಬೇರೆ ಯಾರಿಗೂ ಸಿಕ್ಕಿಲ್ಲ - ಡಿ.ವಿ.ಸದಾನಂದಗೌಡ, ಸಂಸದ
ವೀಡಿಯೊದಲ್ಲಿ ಈ ವಿಷಯವೂ ಉಂಟೇ?


 ಕೊರೋನ ಸೋಂಕು ತಗ್ಗಿದೆ. ಆದರೆ ಜನರ ನಡವಳಿಕೆ ನೋಡಿದರೆ ಭಯವಾಗುತ್ತದೆ - ನರೇಂದ್ರ ಮೋದಿ, ಪ್ರಧಾನಿ
ಹೌದು ತಮ್ಮ ಹಂತಕರ ಬಗೆಗಿನ ಅವರ ಅಭಿಮಾನ ಇನ್ನೂ ಸಂಪೂರ್ಣ ಕುಂದಿಲ್ಲ.


   ಮುಂದಿನ ಮುಖ್ಯಮಂತ್ರಿ ಯಾರು ಎಂದು ಚರ್ಚಿಸುವುದು ಯುವ ಕಾಂಗ್ರೆಸ್‌ನ ಕೆಲಸವಲ್ಲ -ರಕ್ಷಾ ರಾಮಯ್ಯ, ಯುವ ಕಾಂಗ್ರೆಸ್ ಅಧ್ಯಕ್ಷ
ಅದು ಎಂದಾದರೂ ಅಧಿಕಾರಕ್ಕೆ ಬರಲಿರುವ ಪಕ್ಷಗಳು ಚರ್ಚಿಸಬೇಕಾದ ವಿಷಯ.


ಮೇಕೆದಾಟು ಯೋಜನೆಯ ಬಗ್ಗೆ ಕೇಂದ್ರ ಸಚಿವರ ಗಮನಕ್ಕೆ ತಂದಿದ್ದು, ನ್ಯಾಯ ಒದಗಿಸುವ ಭರವಸೆ ಕೊಟ್ಟಿದ್ದಾರೆ - ಬಸವರಾಜ ಬೊಮ್ಮಾಯಿ, ಸಚಿವ

ಮೇಕೆಯನ್ನು ಬಿರಿಯಾನಿ ಮಾಡುವ ಕುರಿತಂತೆ ತಮಿಳುನಾಡು ಮುಖಂಡರ ಜೊತೆ ಕೇಂದ್ರ ಸಚಿವರು ಮಾತುಕತೆ ನಡೆಸಿದ್ದಾರಂತೆ.


ಅಸ್ಸಾಂ ಮತ್ತು ಉತ್ತರ ಪ್ರದೇಶದ ಮಾದರಿಯಲ್ಲಿಯೇ ರಾಜ್ಯದಲ್ಲೂ ಜನಸಂಖ್ಯೆ ನಿಯಂತ್ರಣ ಕಾಯ್ದೆಯ ಅಗತ್ಯವಿದೆ - ಸಿ.ಟಿ.ರವಿ, ಶಾಸಕ

ಕೆಲವು ದಶಕಗಳ ಹಿಂದೆಯೇ ಮಾಡಿದ್ದರೆ, ಇಂತಹ ಹೇಳಿಕೆಗಳನ್ನೂ ಕೇಳಬೇಕಾಗಿರಲಿಲ್ಲ.


ಮಹಿಳೆ ವೃತ್ತಿ ಕ್ಷೇತ್ರದಲ್ಲಿ ಏನೇ ಸಾಧನೆ ಮಾಡಿದ್ದರೂ ಮನೆಗೆ ಬಂದ ನಂತರ ಏನು ಅಡುಗೆ ಮಾಡಿದ್ದಿಯಾ ಎಂದು ಕೇಳುವ ಪರಿಸ್ಥಿತಿ ನಮ್ಮ ಮನೆಗಳಲ್ಲಿವೆ - ಪೂಜಾಭಟ್, ನಟಿ

ಮಹಿಳೆಯರ ಸರ್ವತೋಮುಖ ಅಭಿವೃದ್ಧಿ ಬಯಸುವ ಪುರುಷರು ಅಡುಗೆಯ ರಂಗದಲ್ಲಿ ಅವರ ಸಾಧನೆಯನ್ನು ಕಡೆಗಣಿಸುವಂತಿದೆಯೇ?


ಆಮ್ ಆದ್ಮಿ ಪಕ್ಷ ಪಂಜಾಬ್‌ಗಾಗಿ ನಾನು ಹೊಂದಿರುವ ದೂರದೃಷ್ಟಿ ಮತ್ತು ನನ್ನ ಕೆಲಸವನ್ನು ಗುರುತಿಸಿದೆ - ನವಜೋತ್ ಸಿಂಗ್ ಸಿಧು, ಪಂಜಾಬ್ ಶಾಸಕ
ನಿಮ್ಮ ವಿದೂಷಕ ಪ್ರತಿಭೆಯನ್ನು ಜಗತ್ತೇ ಗುರುತಿಸಿದೆ.


ಭವಿಷ್ಯದಲ್ಲಿ ಕಾಂಗ್ರೆಸ್‌ಗೆ ವಿವಿಧ ಪಕ್ಷಗಳ ನಾಯಕರ ಪ್ರವಾಹ ಬರಲಿದೆ - ಅಲ್ಲಂ ವೀರಭದ್ರಪ್ಪ, ಕಾಂಗ್ರೆಸ್ ಮುಖಂಡ
ನೀವು ಕೊಚ್ಚಿಹೋಗುವ ಸಾಧ್ಯತೆಯೂ ಜೊತೆಗೇ ಇದೆ. 


ಕೆಆರ್‌ಎಸ್‌ನಲ್ಲಿ ಬಿರುಕು ಕಾಣಿಸುತ್ತಿಲ್ಲ ಆದರೆ ಅಪಾಯ ಕಾಣಿಸುತ್ತಿದೆ - ಸುಮಲತಾ, ಸಂಸದೆ

 ರಾಜಕೀಯ ಬಿರುಕಿನ ಪರಿಣಾಮ ಇರಬೇಕು.


ಎಂಟು ಬಾರಿ ಶಾಸಕನಾದ ನನಗೂ ಮುಖ್ಯಮಂತ್ರಿ ಆಗುವ ಯೋಗ್ಯತೆ ಇದೆ - ಉಮೇಶ್ ಕತ್ತಿ, ಸಚಿವ
ನಿಮ್ಮ ಹೆಸರಲ್ಲಿರುವ ಕತ್ತಿಯನ್ನು ಅವರು ಕತ್ತೆ ಎಂದು ಭಾವಿಸಿ ಮುಖ್ಯಮಂತ್ರಿ ಹುದ್ದೆ ಕೊಟ್ಟಿರಲಿಕ್ಕಿಲ್ಲ.


ಕರ್ನಾಟಕ ಪೊಲೀಸ್ ಪಡೆ ದಕ್ಷತೆಗೆ ದೇಶದಲ್ಲೇ ಮಾದರಿ ಎನಿಸಿಕೊಂಡಿದೆ- ಯಡಿಯೂರಪ್ಪ, ಮುಖ್ಯಮಂತ್ರಿ
ಯಾವ ದೇಶದಲ್ಲಿ ಸಾರ್?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top