ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಸಿಎಂ ಬಸವರಾಜ ಬೊಮ್ಮಾಯಿ ಬಗ್ಗೆ ದೊಡ್ಡ ನಿರೀಕ್ಷೆ ಇಟ್ಟುಕೊಳ್ಳಲು ಸಾಧ್ಯವಿಲ್ಲ - ಎಚ್.ಡಿ.ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ

ಉಪಮುಖ್ಯಮಂತ್ರಿ ಜೆಡಿಎಸ್‌ಗೆ ಸಿಗುತ್ತೆ ಎನ್ನುವ ನಿರೀಕ್ಷೆ ಇದ್ದಿರಬೇಕು.


ಯಡಿಯೂರಪ್ಪರಿಗೆ ಅಧಿಕಾರವಿಲ್ಲದೇ ಇದ್ದರೂ ಸಂಘಟನೆ ಹಾಗೂ ಅಭಿವೃದ್ಧಿಗೆ ಅವರ ಮಾರ್ಗದರ್ಶನ ಅತ್ಯಮೂಲ್ಯವಾಗಿರಲಿದೆ -ಬಿ.ವೈ.ರಾಘವೇಂದ್ರ, ಸಂಸದ
ಏನಿದ್ದರೂ ರಾಜ್ಯವನ್ನು ದೋಚುವುದರ ಬಗ್ಗೆ ಸುದೀರ್ಘ ಅನುಭವ ಇರುವವರಲ್ಲವೇ? ಮಾರ್ಗದರ್ಶನ ಬೇಕಾದೀತು.


ರಾಜ್ಯದಲ್ಲಿ ಮುಂದಿನ ವಿಧಾನಸಭಾ ಚುನಾವಣೆಯನ್ನು ನಳಿನ್‌ಕುಮಾರ್ ಕಟೀಲು ನೇತೃತ್ವದಲ್ಲಿಯೇ ಎದುರಿಸಲಾಗುವುದು - ಕೆ.ಎಸ್.ಈಶ್ವರಪ್ಪ, ಸಚಿವ
ಅಂದರೆ ಅವರ ಕೈಯಲ್ಲೇ ರಾಜ್ಯಕ್ಕೆ ಬೆಂಕಿ ಕೊಡಲು ಹೊರಟಿದ್ದೀರಿ ಎಂದಾಯಿತು.


ತ್ರಿವಳಿ ತಲಾಖ್ ಕಾನೂನು ಜಾರಿಗೆ ಬಂದ ಬಳಿಕ ದಿಢೀರ್ ತ್ರಿವಳಿ ತಲಾಖ್ ಪ್ರಕರಣ ಗಣನೀಯವಾಗಿ ಕಡಿಮೆಯಾಗಿದೆ - ಮುಖ್ತಾರ್ ಅಬ್ಬಾಸ್ ನಖ್ವಿ, ಕೇಂದ್ರ ಸಚಿವ
ಹೌದು. ತಲಾಖ್ ಹೇಳದೆಯೇ ಹೆಂಡತಿಯನ್ನು ತೊರೆಯುವುದು ಜಾಣತನ ಎನ್ನುವುದು ಅವರಿಗೆ ಗೊತ್ತಾಗಿರಬೇಕು.


ರಾಜ್ಯದ ಜನರು ಕುರಿ,ಕೋಳಿ,ಮೀನಿಗಿಂತ ಗೋಮಾಂಸವನ್ನು ಹೆಚ್ಚಾಗಿ ತಿನ್ನಬೇಕು -ಸನ್ಬೋರ್ ಶುಲ್ಲೈ, ಮೇಘಾಲಯ ಸಚಿವ
ಯಾವ ಯಾವ ಬಿಜೆಪಿ ರಾಜ್ಯಗಳಲ್ಲಿ ಎನ್ನುವುದನ್ನೂ ಹೇಳಿ ಬಿಡಿ.


ರಾಜಕಾರಣಕ್ಕೂ ವಯಸ್ಸಿಗೆ ಸಂಬಂಧ ಇಲ್ಲ - ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ
ಮತ್ತೊಮ್ಮೆ ಪ್ರಧಾನಿ ಹುದ್ದೆ ಕೊಟ್ಟರೆ ಸ್ವೀಕರಿಸಲು ಸಿದ್ಧ ಎನ್ನುವ ಸಂದೇಶ.


ಮೈಸೂರು ರಾಜರನ್ನು ಎತ್ತಿಕಟ್ಟಿ ಸರ್.ಎಂ.ವಿಶ್ವೇಶ್ವರಯ್ಯರನ್ನು ತುಳಿಯುವ ಕೆಲಸ ನಡೆಯುತ್ತಿದೆ - ಡಾ.ಎಸ್.ಎಲ್.ಭೈರಪ್ಪ, ಸಾಹಿತಿ
ನಿಮ್ಮ ದೃಷ್ಟಿಯಲ್ಲಿ ಮೈಸೂರು ರಾಜರ ತಲೆ ಇರುವುದೇ ವಿಶ್ವೇಶ್ವರಯ್ಯರಂತವರು ತುಳಿಯುವುದಕ್ಕೆ ಇರಬೇಕು.


ಕಾನೂನು ಮತ್ತು ಸುವ್ಯವಸ್ಥೆ ರಕ್ಷಣೆಯ ದೃಷ್ಟಿಯಿಂದ ಉತ್ತರ ಪ್ರದೇಶವು ದೇಶದಲ್ಲೇ ಉನ್ನತ ಸ್ಥಾನದಲ್ಲಿದೆ - ಅಮಿತ್ ಶಾ, ಕೇಂದ್ರ ಸಚಿವ
ಕ್ರಿಮಿನಲ್‌ಗಳು ಪಡೆಯುತ್ತಿರುವ ಕಾನೂನು ರಕ್ಷಣೆಯ ಹಿನ್ನೆಲೆಯಲ್ಲಿ ಹೇಳಿರಬೇಕು.


(ಬಿಜೆಪಿ) ಕಪಾಳಕ್ಕೆ ಹೊಡೆದರೆ ನಾವು ಹೆದರುವುದಿಲ್ಲ. ಹೊಡೆದವರು ನೆಲಕಚ್ಚುವಂತೆ ಪ್ರತಿಯಾಗಿ ಕಪಾಳಕ್ಕೆ ಬಾರಿಸುತ್ತೇವೆ - ಉದ್ಧವ್ ಠಾಕ್ರೆ, ಮಹಾರಾಷ್ಟ್ರ ಮುಖ್ಯಮಂತ್ರಿ
ಏನು ಹೊಡೆದುಕೊಳ್ಳುವುದಿದ್ದರೂ ಮುಂದಿನ ವಿಧಾನಸಭಾ ಚುನಾವಣೆಯ ಒಳಗೆ ಹೊಡೆದುಕೊಳ್ಳಿ.


ಗಡ್ಡ ನನ್ನ ಐಡೆಂಟಿಟಿ - ಸಿ.ಟಿ.ರವಿ, ಶಾಸಕ

ಜನರಿಗೆ ಅದು ದಡ್ಡ ಎಂದು ಕೇಳಿಸಿತಂತೆ.


ಮಾಧ್ಯಮಗಳು ಖಾಸಗಿತನವನ್ನು ಗೌರವಿಸಬೇಕು - ಶಿಲ್ಪಾ ಶೆಟ್ಟಿ, ನಟಿ
ನಿಮ್ಮ ಖಾಸಗಿ ವಿಷಯಗಳು ವೀಡಿಯೊಗಳೊಳಗೆ ಬಂದರೆ?


ಭಾರತದಲ್ಲಿ ಬೆಲೆ ಏರಿಕೆಗೆ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರೂ ಅವರೇ ಕಾರಣ -ವಿಶ್ವಾಸ್ ಸಾರಂಗ್, ಮಧ್ಯಪ್ರದೇಶ ಸಚಿವ
ಅವರ ಕಾಲದಲ್ಲಿ ವಿಶ್ವದ ಮುಂದೆ ಭಾರತಕ್ಕೆ ಬೆಲೆ ಇತ್ತು. ನಿಮ್ಮ ಕಾಲದಲ್ಲಿ ಪೆಟ್ರೋಲ್‌ಗಷ್ಟೇ ಬೆಲೆ.


ಜೆಡಿಎಸ್ ಜಾತ್ಯತೀತ ಸಿದ್ಧಾಂತಕ್ಕೆ ತರ್ಪಣ ಬಿಟ್ಟು ಬಹಳದಿನಗಳಾದವು - ಸಿದ್ದರಾಮಯ್ಯ, ಮಾಜಿ ಸಿಎಂ
ಮತ್ತೇಕೆ ಅದರ ಜೊತೆ ಸೇರಿ ಸರಕಾರ ರಚಿಸಿದಿರಿ?


ಅಪ್ಪ-ಮಕ್ಕಳ ಪಕ್ಷ ಎಂಬುದು ಜೆಡಿಎಸ್‌ಗೆ ಮಾತ್ರ ಅನ್ವಯಿಸುತ್ತಿರುವುದು ಏಕೆಂದು ಅರ್ಥವಾಗುತ್ತಿಲ್ಲ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಬೇರೆಲ್ಲ ಪಕ್ಷದಲ್ಲಿ ಅಪ್ಪ, ಮಕ್ಕಳ ಜೊತೆ ಇತರರೂ ಇರುತ್ತಾರೆ.


ಸಾಮೂಹಿಕ ನಾಯಕತ್ವದಲ್ಲೇ ಮುಂಬರುವ ಎಲ್ಲ ಚುನಾವಣೆಗಳನ್ನು ಎದುರಿಸಲಾಗುವುದು - ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಆ ಸಾಮೂಹಿಕ ನಾಯಕತ್ವದಲ್ಲಿ ಯಡಿಯೂರಪ್ಪ ಕೂಡ ಇರುತ್ತಾರೆಯೇ?


ದೇಶದ ಯುವಕರು ಸತ್ಯವನ್ನು ಮಾತನಾಡಲು ಆರಂಭಿಸಿದ ದಿನವೇ ಮೋದಿ ನೇತೃತ್ವದ ಸರಕಾರ ಕುಸಿಯುತ್ತದೆ - ರಾಹುಲ್ ಗಾಂಧಿ, ಕಾಂಗ್ರೆಸ್ ಮುಖಂಡ
ಮಾಧ್ಯಮಗಳು ಸತ್ಯವನ್ನು ಹೇಳಲಾರಂಭಿಸಿದ ದಿನ, ಯುವಕರು ಸತ್ಯವನ್ನು ಮಾತನಾಡಲಾರಂಭಿಸುತ್ತಾರೆ.


ಪ್ರಜಾಪ್ರಭುತ್ವ ವಿರೋಧಿ ಮನಸ್ಥಿತಿಯಿಂದಾಗಿ ಪ್ರತಿಪಕ್ಷಗಳಿಗೆ ಕಲಾಪಗಳಲ್ಲಿ ಉತ್ತಮ ಚರ್ಚೆಯಲ್ಲಿ ತೊಡಗಲು ಸಾಧ್ಯವಾಗುತ್ತಿಲ್ಲ - ಪ್ರಹ್ಲಾದ್ ಜೋಶಿ, ಕೇಂದ್ರ ಸಚಿವ
ಮೋದಿಯವರ ಪ್ರಜಾಪ್ರಭುತ್ವ ವಿರೋಧಿ ಮನಸ್ಥಿತಿಯಿಂದಲೇ ?


ಸಮಾಜದ ಶಾಸಕರನ್ನು ಡಿಸಿಎಂ ಮಾಡಿ, ಮಂತ್ರಿ ಮಾಡಿ ಎಂದು ಹೇಳುವ ಮಠಾಧೀಶರ ಗೊಡ್ಡು ಬೆದರಿಕೆಗೆ ಬಿಜೆಪಿಯಲ್ಲಿ ಕವಡೆ ಕಾಸಿನ ಕಿಮ್ಮತ್ತಿಲ್ಲ -ಕೆ.ಎಸ್.ಈಶ್ವರಪ್ಪ, ಸಚಿವ
ನಿಮ್ಮ ಪರವಾಗಿ ಗೊಡ್ಡು ಬೆದರಿಕೆ ಒಡ್ಡಿದ ಸ್ವಾಮೀಜಿಗಳಿಗೆ ನೀವು ಕೊಟ್ಟ ಕಿಮ್ಮತ್ತು ಎಷ್ಟು ?


ತಮಿಳುನಾಡಿನ ಒಪ್ಪಿಗೆ ಇಲ್ಲದೆ ಮೇಕೆದಾಟು ಯೋಜನೆ ಸಾಧ್ಯವಿಲ್ಲ - ಅಣ್ಣಾಮಲೈ, ತಮಿಳುನಾಡು ಬಿಜೆಪಿ ಅಧ್ಯಕ್ಷ
ಸಿಂಗಂ ಎಂದು ಸಂಭ್ರಮಿಸಿದ ಕರ್ನಾಟಕಕ್ಕೆ ಕೊನೆಗೂ ನರಿ ವೇಷ ಗೊತ್ತಾಗಿ ಹೋಯಿತು.


ಕೇಂದ್ರ ಮತ್ತು ರಾಜ್ಯದಲ್ಲಿ ಒಂದೇ ಪಕ್ಷದ ಸರಕಾರಗಳು ಇದ್ದರೆ ಅದು ಅಭಿವೃದ್ಧಿಗೆ ಸಹಕಾರಿಯಾಗುತ್ತದೆ - ನರೇಂದ್ರ ಮೋದಿ, ಪ್ರಧಾನಿ
ಯಾರ ಅಭಿವೃದ್ಧಿಗೆ ಎನ್ನುವುದು ಕೂಡ ಮುಖ್ಯವೇ .


ಸಚಿವ ಸ್ಥಾನ ಕೈತಪ್ಪಿದ್ದಕ್ಕೆ ಬೇಸರವಾಗಿಲ್ಲ, ಇದು ನನಗೆ ಅಭ್ಯಾಸವಾಗಿದೆ - ರಾಜುಗೌಡ, ಶಾಸಕ
ಬಂಡಾಯ ಕೂಡ ಬಿಜೆಪಿಗೆ ಅಭ್ಯಾಸವಾಗಿ ಬಿಟ್ಟಿದೆ.


ಬಿಜೆಪಿ -ಆರೆಸ್ಸೆಸ್‌ಅನ್ನು ಕಟ್ಟಿಹಾಕಲು ವಿಪಕ್ಷಗಳಿಗೆ ಒಗ್ಗಟ್ಟೊಂದೇ ಮಂತ್ರ - ರಾಹುಲ್‌ಗಾಂಧಿ, ಕಾಂಗ್ರೆಸ್ ನಾಯಕ
ನೀವು ಧರಿಸಿದ ಹಳೆಯ ಜನಿವಾರದಿಂದ ಕಟ್ಟಿ ಹಾಕಲು ಸಾಧ್ಯವೇ? ಎಂದು ಪ್ರಯತ್ನಿಸಿ ನೋಡಿ.


ಬಕೆಟ್ ಹಿಡಿಯುವವರಿಗೆ, ಬೆನ್ನಿಗೆ ಚೂರಿ ಹಾಕುವವರಿಗೆ ಬಿಜೆಪಿಯಲ್ಲಿ ಅವಕಾಶ ಸಿಗುತ್ತಿರುವುದು ನಿಜಕ್ಕೂ ದುರಂತ -ಸಿದ್ದು ಸವದಿ, ಶಾಸಕ
ಜನಸಾಮಾನ್ಯರ ಬೆನ್ನಿಗೆ ಚೂರಿ ಹಾಕುವುದಕ್ಕಿಂತ ವಾಸಿ.


ಡಾ.ಬಿ.ಆರ್.ಅಂಬೇಡ್ಕರ್ ನನಗೆ ಪ್ರೇರಕ ಶಕ್ತಿ. ಮತ್ತೊಂದು ಶಕ್ತಿ ಬಿ.ಎಸ್.ವಿಜಯೇಂದ್ರ. ಹಾಗಾಗಿ ಬಿಜೆಪಿ ಸೇರಿದೆ - ಎನ್.ಮಹೇಶ್, ಶಾಸಕ
ವಿಜಯೇಂದ್ರ ಅವರು ಅಂಬೇಡ್ಕರ್ ಅವರ ಇನ್ನೊಂದು ಅವತಾರ ಎನ್ನಲಿಲ್ಲವಲ್ಲ ... ಬಚಾವ್.


ನಾನೀಗ ಪ್ರತಿದಿನ ಬ್ಯಾಡ್ಮಿಂಟನ್ ಆಡುತ್ತಿದ್ದೇನೆ - ರಮೇಶ್ ಜಾರಕಿಹೊಳಿ, ಮಾಜಿ ಸಚಿವ
ಯಾರ ಜೊತೆ ಎನ್ನುವುದನ್ನು ಬಹಿರಂಗಪಡಿಸದಿರಿ.


ಮುಂದಿನ ಬಾರಿ ಬಿಜೆಪಿಯಿಂದ ರಾಷ್ಟ್ರೀಯವಾದಿಯೊಬ್ಬರು ಮುಖ್ಯಮಂತ್ರಿಯಾಗುತ್ತಾರೆ - ಕೆ.ಎಸ್.ಈಶ್ವರಪ್ಪ, ಸಚಿವ
ಹೊಡಿ, ಬಡಿ, ಕೊಲ್ಲು ಎಂದು ನೀವು ಬೊಬ್ಬಿಡುತ್ತಿರುವುದು ನೋಡಿದರೆ ಆ ರಾಷ್ಟ್ರೀಯವಾದಿ ನೀವೇ ಇರಬೇಕು.


ಎಸ್ಸಿ-ಎಸ್ಟಿ ವರ್ಗದ ಜನರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಬಿಜೆಪಿಗೆ ಸೆಳೆಯುವ ಕೆಲಸವಾಗಬೇಕು - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ
ದಲಿತರಿಗೆ ಮುಖ್ಯಮಂತ್ರಿ ಹುದ್ದೆ ಕೊಡುವ ಮೂಲಕ ಆ ಕೆಲಸ ಮಾಡಿ.


ಬೊಮ್ಮಾಯಿ ಹೆಸರಿಗಷ್ಟೇ ಮುಖ್ಯಮಂತ್ರಿ. ಅಧಿಕಾರ ನಡೆಸುತ್ತಿರುವುದೆಲ್ಲ ಬಿಜೆಪಿ, ಆರೆಸ್ಸೆಸ್ - ವಿ.ಎಸ್.ಉಗ್ರಪ್ಪ, ಕಾಂಗ್ರೆಸ್ ನಾಯಕ
ಅವಕಾಶ ಕೊಟ್ಟರೆ ಕಾಂಗ್ರೆಸನ್ನು ಕೂಡ ನಾವೇ ನಡೆಸುತ್ತೇವೆ ಎನ್ನುತ್ತಿದ್ದಾರೆ ಆರೆಸ್ಸೆಸ್ ನಾಯಕರು.


ಅಫ್ಘಾನಿಸ್ತಾನದಲ್ಲಿ ಭದ್ರತಾ ಪರಿಸ್ಥಿತಿ ಹದಗೆಡಲು ಅಮೆರಿಕದ ದಿಢೀರ್ ಸೇನಾ ವಾಪಸಾತಿ ನಿರ್ಧಾರವೇ ಕಾರಣ - ಅಶ್ರಫ್‌ಘನಿ, ಅಫ್ಘಾನಿಸ್ತಾನದ ಅಧ್ಯಕ್ಷ
ರಶ್ಯನ್ನರನ್ನು ಓಡಿಸಲು ಅಮೆರಿಕ ತಾಲಿಬಾನ್ ನ್ನು ಸೃಷ್ಟಿಸಿದಾಗಲೇ ಅಫ್ಘಾನಿಸ್ತಾನದ ಪರಿಸ್ಥಿತಿ ಹದಗೆಟ್ಟಿತ್ತು.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top