ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ನೂತನ ಗುಜರಿ ನೀತಿ ಆಟೊಮೊಬೈಲ್ ವಲಯಕ್ಕೆ ಹೊಸ ಅನನ್ಯತೆ ನೀಡಲಿದೆ - ನರೇಂದ್ರ ಮೋದಿ, ಪ್ರಧಾನಿ
ಇಡೀ ವಲಯವನ್ನು ಗುಜರಿಗೆ ಹಾಕಲು ಈ ನೀತಿಯಿಂದ ಸುಲಭವಾಗಲಿದೆ.
 


ವಿಕೃತವಾದ ಮನಸ್ಸೇ ರಾವಣ- ರಾಘವೇಶ್ವರ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಹಾಗಾದರೆ, ರಾಮಭಕ್ತರ ವೇಷ ಧರಿಸಿ ವಿಕೃತಿ ಮೆರೆಯುತ್ತಿರುವವರು ರಾವಣರು ಅನ್ನುತ್ತಿದ್ದೀರಾ?


ಬಿಜೆಪಿ ಸರಕಾರ ಎಲ್ಲಿಯವರೆಗೆ ಇರುತ್ತದೋ ಅಲ್ಲಿಯವರೆಗೆ ನಾನು ಸಚಿವನಾಗಿರುತ್ತೇನೆ - ಗೋವಿಂದ ಕಾರಜೋಳ, ಸಚಿವ
ಬಿಜೆಪಿ ಇಲ್ಲದಿದ್ದರೆ, ಕಾಂಗ್ರೆಸ್‌ನಲ್ಲಿ ಸಚಿವರಾಗಿರುತ್ತೀರಿ ಎಂದಾಯಿತು.


ಶ್ರೀರಾಮ ಸೇನೆಯು ರಾವಣನನ್ನು ವಧೆ ಮಾಡಿದಂತೆ ಕೊರೋನ ವೈರಾಣುವನ್ನು ಬಿಜೆಪಿ ಸೇನೆ ವಧೆ ಮಾಡಲಿದೆ-ಬಸವರಾಜ ಬೊಮ್ಮಾಯಿ, ಮುಖ್ಯಮಂತ್ರಿ
ಬಿಜೆಪಿ ಅಷ್ಟೊಂದು ಶಕ್ತಿಶಾಲಿ ವೈರಾಣುವೇ?


ಅಡ್ಜಸ್ಟ್‌ಮೆಂಟ್ ರಾಜಕಾರಣ ಮಾಡಲು ನನಗೆ ಗೊತ್ತಿಲ್ಲ - ಪ್ರೀತಂಗೌಡ, ಶಾಸಕ
ರಾಜಕಾರಣವೇ ಅಡ್ಜಸ್ಟ್‌ಮೆಂಟ್ ಆಗಿರುವಾಗ ಅದನ್ನು ಪ್ರತ್ಯೇಕವಾಗಿ ಕಲಿಯಬೇಕಾಗಿಲ್ಲ.


ಕಾಡೇ ಗೊತ್ತಿಲ್ಲದವರು ಅರಣ್ಯ ಸಚಿವರಾದರೆ ಹೇಗೆ? - ಅಪ್ಪಚ್ಚು ರಂಜನ್, ಶಾಸಕ
ಹಾಗಾದರೆ ಆ ಹುದ್ದೆಯನ್ನು ಕಾಡುಪ್ರಾಣಿಗಳಿಗೆ ಮೀಸಲಿಡಬೇಕೇ?


ಕಾಂಗ್ರೆಸ್‌ನದು ಹಿಟ್ ಆ್ಯಂಡ್ ರನ್ ಪಾಲಿಸಿ- ಡಿ.ವಿ.ಸದಾನಂದಗೌಡ, ಸಂಸದ
ನಿಮ್ಮದು ಸತ್ಯದ ವಿರುದ್ಧ ರನ್ ಆ್ಯಂಡ್‌ ರನ್ ಪಾಲಿಸಿ?


ಸೈರನ್ ಶಬ್ದ ಕೇಳಿ ಚರಂಡಿ ಹಾರಿ ಓಡುತ್ತಿದ್ದ ನಾನೇ ಇಂದು ಸೈರನ್‌ನೊಂದಿಗೆ ತೆರಳುವಂತಾಗಿದೆ - ಆರಗ ಜ್ಞಾನೇಂದ್ರ, ಗೃಹ ಸಚಿವ
ಎಮರ್ಜೆನ್ಸಿ ಚಿಕಿತ್ಸೆ ಬೇಕಾದವರ ಭಾಗ್ಯ ಅದು.


2023ರಲ್ಲಿ ಎಚ್.ಡಿ.ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗುವುದು ಸೂರ್ಯ ಚಂದ್ರರಷ್ಟೇ ಸತ್ಯ - ಕೋನರೆಡ್ಡಿ, ಜೆಡಿಎಸ್ ಮುಖಂ
ಇಂತಹ ಭಟ್ಟಂಗಿ ಹೇಳಿಕೆಗಳನ್ನು ಕುಮಾರಣ್ಣ ಕೂಡಾ ನಂಬುವುದಿಲ್ಲ, ಬಿಡಿ.


ಸಚಿವರ ಕಾರ್ಯನಿರ್ವಹಣೆಯನ್ನು ಪ್ರತಿ ತಿಂಗಳು ವೌಲ್ಯ ಮಾಪನಕ್ಕೆ ಒಳಪಡಿಸಲಾಗುವುದು - ನಳಿನ್ ಕುಮಾರ್ ಕಟೀಲು, ಸಂಸದ
ಆ ಬಳಿಕ ಯಾರಿಗೆ ಎಷ್ಟು ಪಾಲು ಎಂದು ನ್ಯಾಯೋಚಿತವಾಗಿ ನಿರ್ಧರಿಸಿ ಹಂಚಲಾಗುವುದೇ?


‘ಒಂದಕ್ಕೆ ಎರಡು ತೆಗೆದುಬಿಡಿ’ ಎನ್ನುವಷ್ಟರ ಮಟ್ಟಿಗೆ ಈಗ ಬಿಜೆಪಿ ಬೆಳೆದಿದೆ - ಕೆ.ಎಸ್.ಈಶ್ವರಪ್ಪ, ಸಚಿವ
ಅಷ್ಟು ಮಾತ್ರವೇ? ಬೆಲೆಗಳ ವಿಷಯದಲ್ಲಿ ಬಿಜೆಪಿ ಸರಕಾರ ಒಂದಕ್ಕೆ ಹತ್ತು ತೆಗೆಯಿರಿ ಎನ್ನುವಷ್ಟು ಬೆಳೆದಿದೆ.


ಇಂದಿರಾ ಕ್ಯಾಂಟೀನ್‌ಗೆ ಅನ್ನಪೂರ್ಣೇಶ್ವರಿ ಕ್ಯಾಂಟೀನ್ ಎಂದು ಹೆಸರಿಟ್ಟರೆ ಏನು ತಪ್ಪು? - ಡಾ.ಸುಧಾಕರ್, ಸಚಿವ
ನಿಮಗೆ ಸ್ವಾಹಾಕರ್ ಎಂದು ಹೆಸರಿಟ್ಟರೆ ತಪ್ಪಾದೀತೇ?


ನರೇಂದ್ರ ಮೋದಿ ದೇಶದ ಮೊದಲ ಒಬಿಸಿ ಪ್ರಧಾನಿ - ಕೆ.ಲಕ್ಷಣ್, ರಾಜ್ಯಸಭಾ ಸದಸ್ಯ
ಹಾಗೆಲ್ಲ ಹೇಳಿ ಮುಂದೆಂದೂ ಜನತೆ ಒಬಿಸಿಯವರಿಗೆ ಪ್ರಧಾನಿ ಪಟ್ಟ ನೀಡದಂತೆ ಮಾಡುವಿರಾ?


ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಕಪ್ಪೆಗಳನ್ನು ತಕ್ಕಡಿಯಲ್ಲಿಟ್ಟು ತೂಗುವ ಸಂಕಟದಲ್ಲಿದ್ದಾರೆ - ದಿನೇಶ್ ಗುಂಡೂರಾವ್, ಕೆಪಿಸಿಸಿ ಮಾಜಿ ಅಧ್ಯಕ್ಷ
ನಿಮ್ಮ ತಕ್ಕಡಿಯಿಂದ ಹಾರಿದ ಹಲವು ಕಪ್ಪೆಗಳೂ ಅಲ್ಲಿ ಇವೆಯಲ್ಲಾ?


ರೈತರ ಅನುಪಯುಕ್ತ ಹಸುಗಳನ್ನು ಸರಕಾರ ಖರೀದಿಸಲಿ - ಎನ್.ಮಹೇಶ್, ಮಾಜಿ ಬಿಎಸ್‌ಪಿ ಶಾಸಕ
ಬಿಜೆಪಿ ನಿಮ್ಮನ್ನು ಖರೀದಿಸಿದ ಹಾಗೆಯೇ?


ಬಿಜೆಪಿಯವರು ಗೇಮ್ ಚೇಂಜರ್ ಎಂದು ಹೇಳಿಕೊಂಡು ಅಧಿಕಾರಕ್ಕೆ ಬಂದು, ಈಗ ನೇಮ್ ಚೇಂಜರ್ ಆಗಿದ್ದಾರೆ - ಬಿ.ಕೆ.ಹರಿಪ್ರಸಾದ್, ಕಾಂಗ್ರೆಸ್ ನಾಯಕ
ದೇಶದ ಹೆಸರೊಂದು ಬದಲಾಗುವುದು ಬಾಕಿ ಇದೆ.


ಆರೆಸ್ಸೆಸ್ ಎಂದಿಗೂ ಮೀಸಲಾತಿ ವಿರೋಧಿಯಲ್ಲ - ದತ್ತಾತ್ರೇಯ ಹೊಸಬಾಳೆ, ಆರೆಸ್ಸೆಸ್ ಪ್ರ.ಕಾರ್ಯದರ್ಶಿ
ಸಾಂಪ್ರದಾಯಿಕ ಬ್ರಾಹ್ಮಣ ಮೀಸಲಾತಿಯನ್ನು ರಕ್ಷಿಸುವುದೇ ಆರೆಸ್ಸೆಸ್‌ನ ಪರಮ ಧ್ಯೇಯ.


ನಾನು ಯಾವುದೇ ಅಧಿಕಾರ, ಅಂತಸ್ತಿಗೆ ಆಸೆ ಪಟ್ಟು ಬಿಜೆಪಿಗೆ ಬಂದವನಲ್ಲ - ಎಂ.ಟಿ.ಬಿ.ನಾಗರಾಜ್, ಸಚಿವ
ಪದವಿ ಸಿಕ್ಕ ಮೇಲೆ ಎಲ್ಲ ಪುಡಾರಿಗಳೂ ಮಹಾ ಸನ್ಯಾಸಿಗಳೇ.


ನನಗೆ ದೊರೆತ ಖಾತೆಯ ಬಗ್ಗೆ ಸಮಾಧಾನವೂ ಇಲ್ಲ, ಅಸಮಾಧಾನವೂ ಇಲ್ಲ - ಶ್ರೀರಾಮುಲು, ಸಚಿವ
ಖ್ಯಾತೆ ತೆಗೆಯುವ ಮೊದಲ ಹಂತದ ಹೇಳಿಕೆ.


ಜಮ್ಮು - ಕಾಶ್ಮೀರದಲ್ಲಿ ರಾಜ್ಯದ ಸ್ಥಾನಮಾನ ಪುನರ್ ಸ್ಥಾಪಿಸಬೇಕು - ರಾಹುಲ್‌ಗಾಂಧಿ, ಕಾಂಗ್ರೆಸ್ ಮುಖಂಡ
ಅಲ್ಲಿರುವ ಕಾಶ್ಮೀರಿಗಳಿಗೆ ಮನುಷ್ಯರ ಸ್ಥಾನಮಾನ ಕೊಡುವ ಬಗ್ಗೆಯೂ ಚರ್ಚೆಯಾಗಬೇಕು.


ಸಮಾಜಕಲ್ಯಾಣ ಇಲಾಖೆಯ ಭ್ರಷ್ಟಾಚಾರ ಶೂನ್ಯಮಟ್ಟಕ್ಕೆ ಇಳಿಸುವೆ - ಕೋಟ ಶ್ರೀನಿವಾಸ ಪೂಜಾರಿ, ಸಚಿವ
ಇಲಾಖೆಯನ್ನೇ ಬರಖಾಸ್ತು ಮಾಡುವುದರಿಂದಷ್ಟೇ ಅದು ಸಾಧ್ಯ.


ಕಾಂಗ್ರೆಸ್ ಎಲ್ಲರ ಹಿತವನ್ನು ಬಯಸುವ ಪಕ್ಷ, ಬಿಜೆಪಿ ಬಿಸಿನೆಸ್ ಪಕ್ಷ - ಮಧು ಬಂಗಾರಪ್ಪ, ಮಾಜಿ ಶಾಸಕ
ಬಿಟ್ಟು ಬಂದ ಪಕ್ಷದ ಬಗ್ಗೆಯೂ ಏನಾದರೂ ಹೇಳಪ್ಪಾ.


ಬ್ಯಾಂಕುಗಳು ಮುಳುಗಿದರೆ ಗ್ರಾಹಕರಿಗೆ 5 ಲಕ್ಷ ರೂ. ಪರಿಹಾರ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
ನೀವು ಮುಳುಗಿಸಲು ಹೊರಟಿರುವ ಭಾರತವೆಂಬ ದೊಡ್ಡ ದೇಶದ ಪ್ರಜೆಗಳಿಗೂ ಅಂತಹ ಶುಭವಾರ್ತೆ ಏನಾದರೂ ಉಂಟೇ ?


ನನಗೆ ಬಿಪಿ, ಶುಗರ್ ಸಮಸ್ಯೆ ಇಲ್ಲ, ಆದರೆ ನನ್ನ ತಂಟೆಗೆ ಬಂದವರಿಗೆ ಅವೆಲ್ಲವೂ ಬರುತ್ತವೆ? - ಕೆ.ಎಸ್.ಈಶ್ವರಪ್ಪ, ಸಚಿವ
ನೀವು ಬಾಯಿತೆರೆದರೆ ಎದ್ದು ಕಾಣುವ ಮಹಾ ರೋಗಗಳ ಮುಂದೆ ಬಿಪಿ, ಶುಗರ್‌ಗಳಂತಹ ಜುಜುಬಿ ರೋಗಗಳೆಲ್ಲಾ ಯಾವ ಲೆಕ್ಕ?


ವಿವಾಹಿತ ಮಹಿಳೆಯತ್ತ ಪ್ರೇಮ ಚೀಟಿ (ಲವ್ ಲೆಟರ್) ಎಸೆಯುವುದು ಒಂದರ್ಥದಲ್ಲಿ ಮಾನಭಂಗಕ್ಕೆ ಸಮನಾಗುತ್ತದೆ - ಬಾಂಬೆ ಹೈ ಕೋರ್ಟ್‌ನ ನಾಗ್ಪುರ ಪೀಠ
ಈ ವಿಷಯದಲ್ಲಿ ವಿವಾಹಿತೆ ಮತ್ತು ಅವಿವಾಹಿತೆ ಎಂಬ ತಾರತಮ್ಯವೇಕೆ ಸಾರ್?


ಬೊಮ್ಮಾಯಿ ಸಂಪುಟದಲ್ಲಿ ಅದೇ ಹಳೇ ಸಚಿವರು ಹೊಸದಾಗಿ ಪ್ರಮಾಣವಚನ ಸ್ವೀಕರಿಸಿ ತಮ್ಮ ಹಳೇ ಚಾಳಿಯನ್ನು ಮುಂದುವರಿಸಿದ್ದಾರೆ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಹೊಸ ಹೊಸ ಚಾಳಿಗಳನ್ನು ಬೆಳೆಸಿಕೊಳ್ಳುತ್ತಾ ಇರುವುದಕ್ಕೆ ಅದೇನು ನಿಮ್ಮ ಸಂಪುಟವೇ?


   ತುಳುನಾಡಿನ ಸಂಸ್ಕೃತಿ ಸಾರುವ ಚಲನಚಿತ್ರಗಳು ನಾಡಿನ ಜನರಿಗೆ ಸಂಸ್ಕಾರ, ಸಂಸ್ಕೃತಿಯ ಜ್ಞಾನವನ್ನು ಬೋಧಿಸುತ್ತವೆ. - ಎಸ್.ಅಂಗಾರ, ಸಚಿವ
ನಿಜ ಜೀವನದಲ್ಲಿ ಅದನ್ನೆಲ್ಲಾ ಹಾಳುಗೆಡವಿದವರು ಸಿನೆಮಾದಲ್ಲಾದರೂ ಅದನ್ನು ಅನುಮತಿಸಿದರೆ ಜನತೆಯ ಭಾಗ್ಯ ಎನ್ನಬಹುದು.


ಸಂಸತ್ ಸದಸ್ಯರ ದುಂಡಾವರ್ತನೆಯಿಂದ ಪ್ರಜಾಪ್ರಭುತ್ವದ ದೇಗುಲದ ಪಾವಿತ್ರ ಹಾಳಾಯಿತು - ವೆಂಕಯ್ಯನಾಯ್ಡು, ಉಪ ರಾಷ್ಟ್ರಪತಿ
ಹೊಸ ಸಂಸತ್ ನಿರ್ಮಾಣಕ್ಕೆ ಹೊಸ ಸಮರ್ಥನೆಯೇ?

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top