ಓ ಮೆಣಸೇ... | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ...

ಸಂಸತ್ತು ಪ್ರಜಾಪ್ರಭುತ್ವದ ದೇಗುಲ - ರಾಮನಾಥ್ ಕೋವಿಂದ್, ರಾಷ್ಟ್ರಪತಿ
ಅದನ್ನು ಸದ್ಯ ಆಕ್ರಮಿಸಿರುವ ದುಷ್ಟಶಕ್ತಿಗಳ ಕೈಯಿಂದ ವಿಮೋಚಿಸುವ ಅಗತ್ಯವಿದೆ.


ಜನಪ್ರಿಯವಾಗುವುದಕ್ಕಿಂತ ಜನೋಪಯೋಗಿ ಆಗುವುದು ಬಹಳ ಮುಖ್ಯ - ಬಸವರಾಜ ಬೊಮ್ಮಾಯಿ, ಮುಖ್ಯಮಂತ್ರಿ
ಹೀಗೆಲ್ಲ ಹೇಳಿದ್ದ ಭಾರೀ ಜನಪ್ರಿಯರೊಬ್ಬರು ಕೊನೆಗೆ ಕಾರ್ಪೊರೇಟ್ ದಾಸರಾಗಿ ಬಿಟ್ಟರಲ್ಲಾ ಸಾರ್!


ಸಾವರ್ಕರ್ ಬಗ್ಗೆ ಗೊತ್ತಿಲ್ಲದವರಿಗೆ ತಮ್ಮ ಹುಟ್ಟಿನ ಬಗ್ಗೆಯೂ ಸಂಶಯವಿರಬಹುದು - ಸಿ.ಟಿ.ರವಿ, ಶಾಸಕ
ವಿಶೇಷವಾಗಿ, ಅವರ ಕ್ಷಮಾಪಣಾ ಪತ್ರಗಳ ಬಗ್ಗೆ ಗೊತ್ತಿಲ್ಲದಿದ್ದರೆ, ಸ್ಫೂರ್ತಿ ಎಲ್ಲಿಂದ ಸಿಗಬೇಕು?


ರಾಜಕೀಯದಲ್ಲಿ ಶೂರರ ಹಿಂದೆ ಸದಾ ಷಡ್ಯಂತ್ರ ನಡೆಯುತ್ತಿರುತ್ತದೆ - ರಮೇಶ್ ಜಾರಕಿಹೊಳಿ, ಮಾಜಿ ಸಚಿವ
ಷಡ್ಯಂತ್ರ ಹೂಡುವವರು ಶೂರರ ಶೌರ್ಯದ ವೀಡಿಯೊ ರೆಕಾರ್ಡಿಂಗ್ ಮಾಡುತ್ತಿರುತ್ತಾರೆ.


ಜಿಎಸ್‌ಟಿ ರಾಜಕೀಯ ಮಾಡುವ ವಿಚಾರವಲ್ಲ - ಭಗವಂತ ಖೂಬಾ, ಸಚಿವ
ಅದು ಕೇವಲ ದೋಚುವ ಅಸ್ತ್ರ ಅಷ್ಟೇ.


ಸಿಎಂ ಬೊಮ್ಮಾಯಿ ನೇತೃತ್ವದಲ್ಲೇ ಮುಂದಿನ ವಿಧಾನಸಭೆ ಚುನಾವಣೆ ಎದುರಿಸಲು ಬಿಜೆಪಿ ಹೈಕಮಾಂಡ್ ನಿರ್ಧರಿಸಿದೆ - ಅರುಣ್ ಸಿಂಗ್, ರಾಜ್ಯ ಬಿಜೆಪಿ ಉಸ್ತುವಾರಿ
ನಿಮ್ಮ ಹೈಕಮಾಂಡ್ ಸಾವಿರಾರು ಬಾರಿ ಇದೇ ಮಾತನ್ನು ಯಡಿಯೂರಪ್ಪನವರ ಕುರಿತು ಹೇಳಿತ್ತೆಂಬುದನ್ನು ಮರೆತವರು ಮಾತ್ರ ಇದನ್ನು ನಂಬಬಹುದು.


ಚೀನಾ ಮೇಲಿನ ಅವಲಂಬನೆ ಕಡಿಮೆ ಮಾಡಿಕೊಳ್ಳದಿದ್ದರೆ ಮುಂದೊಂದು ದಿನ ಆ ದೇಶದ ಎದುರು ಮಂಡಿಯೂರಬೇಕಾದ ಅನಿವಾರ್ಯತೆ ಎದುರಾಗುತ್ತದೆ - ಮೋಹನ್ ಭಾಗವತ್, ಆರೆಸ್ಸೆಸ್ ಮುಖ್ಯಸ್ಥ
ಮಂಡೆ ಊರಿಯಾದ ಮೇಲೆ ಮಂಡಿ ಯಾವ ಲೆಕ್ಕ?


ಕೊಟ್ಟ ಕುದುರೆ ಇಳಿದರೆ ಶೂರನಾಗುವುದಿಲ್ಲ ಎನ್ನುವ ಕಾರಣಕ್ಕೆ ಗೃಹ ಖಾತೆ ನಿಭಾಯಿಸುತ್ತಿರುವೆ -ಆರಗ ಜ್ಞಾನೇಂದ್ರ, ಸಚಿವ
ಕೆಲವರು ಕುದುರೆಯೆಂದು ಕತ್ತೆಯನ್ನು ಕೊಡುತ್ತಾರೆ, ಎಚ್ಚರಿಕೆ.


ಸಿಎಂ ಬೊಮ್ಮಾಯಿ ನೇತೃತ್ವದ ರಾಜ್ಯ ಸರಕಾರ ಯಾವುದೇ ಸಂದರ್ಭದಲ್ಲಿಯೂ ಪತನಗೊಳ್ಳಬಹುದು- ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
ಬಹಳ ಹಿಂದೆಯೇ ಪತನಗೊಂಡು ಛಿದ್ರರಾಗಿರುವ ಸೋಮಾರಿಗಳಿಗೆ ಅದರಿಂದೇನು ಲಾಭ?


ಪ್ರಧಾನಿ ಮೋದಿ ಘೋಷಿಸಿದ ಯಾವ ಯೋಜನೆಯೂ ಜಾರಿಗೆ ಬರುವುದಿಲ್ಲ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ
ಕಾರ್ಪೊರೇಟ್ ಏಕಸ್ವಾಮ್ಯ, ಸರ್ವವ್ಯಾಪಿ ಭ್ರಷ್ಟಾಚಾರ, ಅರಾಜಕತೆ ಮುಂತಾದ ಅವರು ಘೋಷಿಸದೆ ಇದ್ದ ಹಲವು ಯೋಜನೆಗಳು ಜಾರಿ ಆಗಿವೆಯಲ್ಲ!


ಬಿಜೆಪಿ ಗೆಲುವಷ್ಟೇ ನನ್ನ ಉದ್ದೇಶ, ಮಂತ್ರಿಗಿರಿಯಲ್ಲ - ಬಿ.ವೈ.ವಿಜಯೇಂದ್ರ, ರಾಜ್ಯ ಬಿಜೆಪಿ ಉಪಾಧ್ಯಕ್ಷ
ಮುಖ್ಯಮಂತ್ರಿ ಆಗುವ ಗುರಿ ಅಷ್ಟೇ.


ಕಾಂಗ್ರೆಸ್‌ನವರದ್ದು ಕಟ್ಟುವ ಪರಂಪರೆ, ಬಿಜೆಪಿಯವರದ್ದು ಕೆಡಹುವ ಪರಂಪರೆ - ಡಿ.ಕೆ.ಶಿವಕುಮಾರ್, ಕೆಪಿಸಿಸಿ ಅಧ್ಯಕ್ಷ
ಕಟ್ಟುವುದೆಂದರೆ ನಾಯಕರು ಪರಸ್ಪರರ ಕೈಕಾಲು ಕಟ್ಟುವುದು ತಾನೇ?


ಚುನಾವಣೆಯಲ್ಲಿ ಸ್ಪರ್ಧಿಸಲು ಗೋಸಾಕಣೆ ಕಡ್ಡಾಯಗೊಳಿಸಬೇಕು - ಹರ್ದಿಪ್ ಸಿಂಗ್ ಡಾಂಗ್, ಮ.ಪ್ರ.ಸಚಿವ
ಮುಂದೆ ಸೆಗಣಿ ಭೋಜನವನ್ನೂ ಕಡ್ಡಾಯಗೊಳಿಸಬಹುದು.


ಸಿಎಂ ಬೊಮ್ಮಾಯಿ ಅವರ ತಂದೆಯ ಮಾರ್ಗದರ್ಶನ ಪಡೆಯಲಿ, ಆದರೆ ಅತ್ತೆಯ ಮಾರ್ಗದರ್ಶನ ಪಡೆಯಬಾರದು - ಎಚ್.ವಿಶ್ವನಾಥ್, ವಿ.ಪ.ಸದಸ್ಯ
ಅವರು ಕತ್ತೆಗಳಿಂದ ಸಲಹೆ ಪಡೆಯುವುದು ನಿಲ್ಲಿಸಿದ್ದಾರಂತೆ.


ರಾಜ್ಯ ಬಿಜೆಪಿ ಸರಕಾರವನ್ನು ಯಾರಿಂದಲೂ ಅಲುಗಾಡಿಸಲು ಸಾಧ್ಯವಿಲ್ಲ - ಬಿ.ಸಿ.ಪಾಟೀಲ್, ಸಚಿವ
ಸಾಮಾನ್ಯವಾಗಿ ಅಲುಗಾಡುವಾಗ ಬರುವ ಸ್ಪಷ್ಟೀಕರಣಗಳು ಇವು.


ಇಂಧನ ಬೆಲೆ ಏರಿಕೆಗೆ ಹಿಂದಿನ ಯುಪಿಎ ಸರಕಾರ ಕಾರಣ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
ಹಾಗಾದರೆ ನಿಮ್ಮ ಸರಕಾರದಲ್ಲೂ ನಿರ್ಧಾರಗಳನ್ನೆಲ್ಲಾ ಕೈಗೊಳ್ಳುವವರು ಯುಪಿಎ ಸರಕಾರದವರೇ?


ನಾನು ಬದುಕಿದರೆ ಇದೇ ಅವಧಿಯಲ್ಲಿ, ಸತ್ತರೆ ಮುಂದಿನ ಜನ್ಮದಲ್ಲಿ ಮುಖ್ಯಮಂತ್ರಿಯಾಗುತ್ತೇನೆ - ಉಮೇಶ್ ಕತ್ತಿ, ಶಾಸಕ
ಮನುಷ್ಯನಾಗುವುದಕ್ಕೆ ಇಷ್ಟು ಕಾತರ ಇದ್ದಿದ್ದರೆ ಈ ಜನ್ಮದಲ್ಲೇ ಆಗಿಬಿಡುವ ಸಾಧ್ಯತೆ ಇತ್ತು.


ಮೋದಿ ಸರಕಾರದ 7 ವರ್ಷದ ಅವಧಿಯಲ್ಲಿ ಒಂದೇ ಒಂದು ಕಪ್ಪುಚುಕ್ಕೆ ಇಲ್ಲ - ರಾಜೀವ್ ಚಂದ್ರಶೇಖರ್, ಕೇಂದ್ರ ಸಚಿವ
ಪುಟವೆಲ್ಲಾ ಕಪ್ಪಾಗಿದ್ದರೆ ಕಪ್ಪುಚುಕ್ಕಿಗಳು ಕಾಣಿಸುವುದಿಲ್ಲ.


ಖಾಸಗಿ ಶಾಲೆಗಳು ವಿದ್ಯಾರ್ಥಿಗಳ ಪೋಷಕರನ್ನು ಗ್ರಾಹಕರ ರೀತಿಯಲ್ಲಿ ಕಾಣಬಾರದು - ಬಿ.ಸಿ.ಪಾಟೀಲ್, ಸಚಿವ
ಮತ್ತೇನು, ಪುಡಾರಿಗಳು ಮತದಾರರನ್ನು ಕಾಣುವಂತೆ ಕುರಿಗಳಾಗಿ ಕಾಣಬೇಕೇನು?


ಶಾಸಕ ಸಿ.ಟಿ.ರವಿ ಎದುರಿಗೆ ಸಿಕ್ಕವರನ್ನು, ಅಡ್ಡ ಬಂದವರನ್ನು ಕಚ್ಚುವುದಕ್ಕೆ ಆರಂಭಿಸಿದ್ದಾರೆ - ಎಂ.ಪಿ.ಕುಮಾರಸ್ವಾಮಿ, ಬಿಜೆಪಿ ಶಾಸಕ
ಆದ್ದರಿಂದ ಅವರ ಹಿಂದೆ ನಡೆಯಲು ತೀರ್ಮಾನಿಸಿದಿರಾ?


20ವರ್ಷದ ಸಮರದಲ್ಲಿ ಅಫ್ಘಾನ್‌ನಲ್ಲಿ ಏನು ಸಾಧಿಸಬೇಕಾಗಿತ್ತೋ ಅದು ಸಾಧಿಸಿಯಾಗಿದೆ - ಜೋ ಬೈಡನ್, ಅಮೆರಿಕ ಅಧ್ಯಕ್ಷ
ಅಮೆರಿಕಕ್ಕೆ ಬೇಕಾದದ್ದು ಸಾಧಿಸಿ ಆಗಿರಬೇಕು. ಅಫ್ಘಾನಿಗೆ ಬೇಕಾಗಿರುವುದನ್ನು ಸಾಧಿಸುವುದು ಹೇಗೆ ?


ಸಿಎಎ ಕಾಯ್ದೆ ವಿರೋಧಿಸುತ್ತಿದ್ದವರು ಅಫ್ಘಾನಿಸ್ತಾನದ ಪರಿಸ್ಥಿತಿ ನೋಡಿ ಅರಿತುಕೊಳ್ಳಬೇಕು - ಪ್ರತಾಪ ಸಿಂಹ, ಸಂಸದ
ಮಹಾಶಯರು, ರಾಮರಾಜ್ಯವನ್ನು ಬಿಟ್ಟು ತಾಲಿಬಾನ್ ರಾಜ್ಯವನ್ನು ಆದರ್ಶವಾಗಿಸಿಕೊಂಡಂತಿದೆ!


 ಶಾಸಕ ಸಿ.ಟಿ.ರವಿ ಏನೇ ಮಾತನಾಡಿದರೂ ದಾಖಲೆ ಇಟ್ಟುಕೊಂಡು ಮಾತನಾಡುತ್ತಾರೆ - ಗೋಪಾಲಯ್ಯ, ಸಚಿವ
ಹೌದು, ಬಾಯಿಗೆ ಬಂದಂತೆ ಮಾತನಾಡುವುದರಲ್ಲಿ ಅವರ ದಾಖಲೆ ಮೀರಿಸುವವರಿಲ್ಲ.


ಮೇಕೆದಾಟು ಯೋಜನೆಯಿಂದ ಕರ್ನಾಟಕದೊಂದಿಗೆ ತಮಿಳುನಾಡಿಗೂ ಅನುಕೂಲವಾಗಲಿದೆ - ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ
ಕರ್ನಾಟಕಕ್ಕೆ ಅನುಕೂಲವಾಗುವುದೇ ತಮಿಳು ನಾಡಿನ ಸಮಸ್ಯೆ ಅಂತೆ.


ಹೊಸ ರಾಷ್ಟ್ರೀಯ ಶಿಕ್ಷಣ ನೀತಿಯನ್ನು ವಿರೋಧಿಸುವುದು, ದೇಶದ ಅಭಿವೃದ್ಧಿಯನ್ನು ವಿರೋಧಿಸುವುದು ಎರಡೂ ಒಂದೇ -ಡಾ.ಅಶ್ವತ್ಥನಾರಾಯಣ, ಸಚಿವ
ಬಹುಶಃ ಮುಂದಿನ ದಿನಗಳಲ್ಲಿ ಶಿಕ್ಷಣ ಅಧಿಕೃತವಾಗಿ ಉದ್ದಿಮೆಯಾಗಿ ಘೋಷಣೆಯಾಗಲಿದೆ.


 ಇಡೀ ದೇಶದಲ್ಲಿ ದಿಲ್ಲಿ ಆಡಳಿತವು ಮಾದರಿಯಾಗಿ ಹೊರ ಹೊಮ್ಮಿದೆ - ಅರವಿಂದ ಕೇಜ್ರಿವಾಲ್, ದಿಲ್ಲಿ ಮುಖ್ಯಮಂತ್ರಿ
ಅದಕ್ಕೆಲ್ಲ ದಿಲ್ಲಿಯಲ್ಲಿ ಮೋದೀಜಿಯವರ ದಿವ್ಯ ಉಪಸ್ಥಿತಿಯೇ ಕಾರಣ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top