ಓ ಮೆಣಸೇ…! | Vartha Bharati- ವಾರ್ತಾ ಭಾರತಿ

--

ಓ ಮೆಣಸೇ…!

ಇಬ್ಬರು ಮಾಡುತ್ತಿರುವ ಮಾರಾಟವನ್ನು ಇಬ್ಬರು ಖರೀದಿಸುತ್ತಿರುವ ಪರಿಸ್ಥಿತಿಗೆ ದೇಶವನ್ನು ತಂದು ನಿಲ್ಲಿಸಲಾಗಿದೆ - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ

► ನೀವೇನಂತೀರಿ? ಮಾರುವವರು ಹೆಚ್ಚಬೇಕೇ? ಅಥವಾ ಖರೀದಿಸುವವರು ಹೆಚ್ಚಬೇಕೇ?

ಕೇಂದ್ರ ಹಾಗೂ ರಾಜ್ಯ ಸರಕಾರಗಳು ಕೋವಿಡ್ ಸಾವಿನ ತಪ್ಪು ಲೆಕ್ಕ ನೀಡುತ್ತಿವೆ - ರಾಮಲಿಂಗಾರೆಡ್ಡಿ, ಕಾಂಗ್ರೆಸ್ ಮುಖಂಡ

► ನಿಮ್ಮ ಲೆಕ್ಕ ಎಷ್ಟು ಎನ್ನುವುದನ್ನು ಮೊದಲು ಹೇಳಿ.

ನನ್ನ ಮೇಲಿನ ಕಿಕ್‌ಬ್ಯಾಕ್ ಆರೋಪದಲ್ಲಿ ಯಾವ ತನಿಖೆ ನಡೆಸಿದರೂ ಉತ್ತರ ನೀಡಲು ಸಿದ್ಧ - ಬಿ.ಸಿ.ಪಾಟೀಲ್, ಸಚಿ

► ಪ್ರಕರಣ ಲಂಚದ್ದಾಗಿದ್ದರೆ, ಅದಕ್ಕೆ ತನಿಖೆ ಪರಿಹಾರವಲ್ಲ. ನೇರ ನಿಲ್ಲಿಸಿ, ಸಾರ್ವಜನಿಕರು ಬೆನ್ನಿಗೆ ಒದಿಯಬೇಕು - ಅದೊಂದೇ ಪರಿಹಾರ.

ಬಿಜೆಪಿ ಸೇರುವಾಗ ನನಗೆ ಹಣದ ಆಫರ್ ಬಂದಿತ್ತು, ಆದರೆ ನಾನು ಒಳ್ಳೆಯ ಸ್ಥಾನ-ಮಾನ ಕೇಳಿದ್ದೆ - ಶ್ರೀಮಂತ ಪಾಟೀಲ್, ಶಾಸಕ

► ಕೊನೆಗೆ ಎಷ್ಟು ಹಣ ಪಡೆದು ಸ್ಥಾನಮಾನದ ಬೇಡಿಕೆ ಕೈ ಬಿಟ್ಟಿರಿ?

ಯಾವುದೇ ಚುನಾವಣೆಗಳಲ್ಲಿ ನಿಚ್ಚಳ ಬಹುಮತ ಬರದಿದ್ದಾಗ ಅಧಿಕಾರಕ್ಕೆ ಗುದ್ದಾಟ ಸಹಜ - ಪ್ರಹ್ಲಾದ್ ಜೋಷಿ, ಕೇಂದ್ರ ಸಚಿವ

► ನಿಚ್ಚಳ ಬಹುಮತ ಬಂದಾಗ ನಡೆಯುವ ಭೀಕರ ದುರಾಡಳಿತಕ್ಕೆ ಹೋಲಿಸಿದರೆ ಅಂತಹ ಗುದ್ದಾಟವೇ ಒಳ್ಳೆಯದೆನಿಸುತ್ತದೆ.

ಬೇರೆಯವರಿಗೆ ಅವಕಾಶ ಸಿಗಲಿ ಎನ್ನುವ ಉದ್ದೇಶದಿಂದ ನಾನು ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದೇನೆ- ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

► ಜ್ಞಾನೋದಯವೆನ್ನುವುದು ಯಾವಾಗ, ಯಾವ ಮೂಲಕ ಬರುತ್ತದೆ ಎನ್ನಲಿಕ್ಕಾಗುವುದಿಲ್ಲ.

 

ಈ ದೇಶದಲ್ಲಿ ರೈತರು ಹಾಗೂ ವಿದ್ಯಾರ್ಥಿಗಳನ್ನು ಎದುರು ಹಾಕಿಕೊಂಡು ರಾಜಕಾರಣ ಮಾಡಲು ಸಾಧ್ಯವಿಲ್ಲ- ಎಚ್.ಡಿ.ದೇವೇಗೌಡ, ಮಾಜಿ ಪ್ರಧಾನಿ

► ಅವರನ್ನು ನಂಬಿಸಿ, ವಂಚಿಸಿ ರಾಜಕಾರಣ ಮಾಡಬೇಕಾಗುತ್ತದೆ! ಎಂತಹ ಅನುಭವದ ಮಾತು.

ಕಾಲಕಾಲಕ್ಕೆ ಹೊಣೆಗಾರಿಕೆ ಬದಲಿಸುವ ಸಂಪ್ರದಾಯ ಬಿಜೆಪಿಯಲ್ಲಿದೆ - ವಿಜಯ ರೂಪಾನಿ, ಗುಜರಾತ್ ನಿರ್ಗಮಿತ ಮುಖ್ಯಮಂತ್ರಿ

► ಕ್ಪಣ ಕ್ಷಣಕ್ಕೆ ಬಣ್ಣ ಬದಲಾಯಿಸುವ ಪಕ್ಷ ಬೇರೇನೂ ಬದಲಾಯಿಸಿದರೂ ಅಚ್ಚರಿ ಏನಿದೆ?

ಮುಂದಿನ ಚುನಾವಣೆಗಳಲ್ಲಿ ಮೋದಿ ಸರಕಾರದ ಸಾಧನೆಗಳು ಪಕ್ಷಕ್ಕೆ ವರದಾನವಾಗಲಿವೆ - ಜೆ.ಪಿ. ನಡ್ಡಾ, ಬಿಜೆಪಿ ಅಧ್ಯಕ್ಷ

► ರಾಹುಲ್ ಗಾಂಧಿ ಕೂಡಾ ಅದೇ ನಿರೀಕ್ಷೆಯಲ್ಲಿದ್ದಾರೆ.

ಸಚಿವ ವಿ.ಸೋಮಣ್ಣರನ್ನು ಕಂಡರೆ ನನಗೆ ಹೊಟ್ಟೆಕಿಚ್ಚು -ಬಸವರಾಜ ಬೊಮ್ಮಾಯಿ, ಮುಖ್ಯಮಂತ್ರಿ

► ಬಹುಶಃ ಅವರ ದೊಡ್ಡ ಹೊಟ್ಟೆಯನ್ನು ನೋಡಿ ಹೇಳಿರಬೇಕು.

ಯಡಿಯೂರಪ್ಪ ರಾಜ್ಯ ಪ್ರವಾಸ ಮಾಡಿದರೆ ಲಾಭ ಬಿಜೆಪಿಗೇ ಹೊರತು ಅವರ ಕುಟುಂಬಕ್ಕಲ್ಲ - ಎಂ.ಪಿ.ರೇಣುಕಾಚಾರ್ಯ, ಶಾಸಕ

► ಆರೆಸ್ಸೆಸ್‌ಗೆ ನಷ್ಟವಾಗಬಹುದು ಎನ್ನುವ ಭಯ.

ಅರ್ಥ ವ್ಯವಸ್ಥೆ ಚೇತರಿಕೆಗೆ ಕೋವಿಡ್ ಲಸಿಕೆಯೇ ಮದ್ದು - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ

► ಬೆಳ್ಳುಳ್ಳಿ ಜೊತೆ ತೆಗೆದುಕೊಂಡರೆ ಇನ್ನೂ ಹೆಚ್ಚು ಪರಿಣಾಮಕಾರಿಯಾಗಿರುತ್ತಂತೆ?

ಮುಂದೆ ಜೆಡಿಎಸ್ ಅಧಿಕಾರಕ್ಕೆ ಬರಲು ಅಲ್ಪಸಂಖ್ಯಾತರ ಸಹಕಾರ ಬಹಳ ಅಗತ್ಯ - ಕುಮಾರಸ್ವಾಮಿ, ಮಾಜಿ ಸಿಎಂ

► ಎಷ್ಟು ಬಾರಿ ದ್ರೋಹ ಎಸಗಿದರೂ ನೆನಪಿಡದೆ, ಮತ್ತೆ ಮೋಸ ಹೋಗಲು ಮತ್ತು ನಿಶ್ಶರ್ತವಾಗಿ ಓಟು ಕೊಡಲು ಬರುವವರು ಅವರು ಮಾತ್ರ.

ಹಣ ತೋರಿಸಿ ಪಕ್ಷಕ್ಕೆ ಕರೆದುಕೊಳ್ಳುವ ಸಂಸ್ಕೃತಿ ಬಿಜೆಪಿಯಲ್ಲಿ ಇಲ್ಲ - ಜಗದೀಶ್ ಶೆಟ್ಟರ್, ಶಾಸಕ

► ಹೆಣ ತೋರಿಸಿ ಅಧಿಕಾರಕ್ಕೆ ಬಂದ ಪಕ್ಷವಲ್ಲವೇ?

ದೇಗುಲಗಳನ್ನು ಒಡೆಯುವುದು ಎಂದರೆ ಎದೆಗೆ ಒದ್ದಂತೆ - ಜಿ.ಟಿ.ದೇವೇಗೌಡ, ಶಾಸಕ

► ವಿರೋಧ ಪಕ್ಷದ ಎದೆಗೋ, ಆಡಳಿತ ಪಕ್ಷದ ಎದೆಗೋ ಎನ್ನುವುದೂ ಮುಖ್ಯವಾಗುತ್ತದೆ.

ನಾನು ಸತ್ಯ ಹೇಳಿದರೆ ಬಹಳಷ್ಟು ಜನರಿಗೆ ಸಿಟ್ಟು ಬರುತ್ತದೆ -ಕೆ.ಎಸ್.ಈಶ್ವರಪ್ಪ, ಸಚಿವ

►  ಆದರೂ ಎಂದಾದರೊಮ್ಮೆ ಒಂದೆರಡು ಸತ್ಯ ಹೇಳುವ ಪ್ರಯತ್ನ ಮಾಡಬಹುದಲ್ಲಾ!

ಕೊರಗರು ತಮ್ಮ ಕೀಳರಿಮೆ ಬಿಟ್ಟು ಸಮಾಜದ ಮುಖ್ಯವಾಹಿನಿಯಲ್ಲಿ ತೊಡಗಿಸಿಕೊಳ್ಳಬೇಕು -ಎಸ್.ಅಂಗಾರ, ಸಚಿವ

► ಆಗ ಎಷ್ಟು ಮಂದಿ ಕೊರಗರು ಸಚಿವರಾಗಬಹುದು?

 

ಕಾಂಗ್ರೆಸ್ ಈ ದೇಶದಲ್ಲಿನ ಭಯೋತ್ಪಾದನೆಯ ತಾಯಿ- ಯೋಗಿ ಆದಿತ್ಯನಾಥ್, ಉ.ಪ್ರ. ಮುಖ್ಯಮಂತ್ರಿ

►  ಅವರೊಡನೆ ಕೇಳಿದರೆ, ನಿಮ್ಮಂಥವರನ್ನು ಹೆತ್ತೇ ಇಲ್ಲ ಅಂತಾರಲ್ಲಾ!

         

ಭಾರತ ಅಫ್ಘಾನಿಸ್ತಾನದ ಮಹಿಳೆಯರು ಮತ್ತು ಅಲ್ಪಸಂಖ್ಯಾತರ ಸ್ಥಿತಿಯ ಬಗ್ಗೆ ತೀವ್ರ ಕಾಳಜಿ ಹೊಂದಿದೆ -ಎಸ್.ಜೈಶಂಕರ್, ಕೇಂದ್ರ ಸಚಿವ

► ನಮ್ಮಲ್ಲಿನ ಮಹಿಳೆಯರು, ಬಡವರು ಮತ್ತಿತರರ ಕಾಳಜಿಯನ್ನು ಅವರು ವಹಿಸಿಕೊಳ್ಳಲಿ. ಈ ರೀತಿ ಕಾಳಜಿಗಳ ವಿನಿಮಯದಿಂದಲಾದರೂ ಸಮಸ್ಯೆಗಳು ಬಗೆಹರಿಯಬಹುದೇನೋ?

 

ಮುಂದಿನ ವಿಧಾನಸಭಾ ಚುನಾವಣೆಯಲ್ಲಿ ಸಿದ್ದರಾಮಯ್ಯ ಗೆದ್ದರೂ ವಿಪಕ್ಷದಲ್ಲೇ ಕೂರಿಸುತ್ತೇನೆ - ಯಡಿಯೂರಪ್ಪ, ಮಾಜಿ ಮುಖ್ಯಮಂತ್ರಿ

► ನಿಮ್ಮ ಮೇಲೆ ಬಿಜೆಪಿ ಆ ಉದಾರತನ ತೋರಿಸುವ ಸಾಧ್ಯತೆಗಳೂ ಕಾಣಿಸುತ್ತಿಲ್ಲ.

ಸಚಿವ ಈಶ್ವರಪ್ಪರಿಗೂ ನನಗೂ ಲವ್ ಆ್ಯಂಡ್ ಹೇಟ್ ಫ್ರೆಂಡ್‌ಶಿಪ್ - ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ

►  ಅಂದ್ರೆ ನಿಮ್ಮ ಅಭಿವೃದ್ಧಿಯನ್ನು ಅವರು ಹೇಟ್ ಮಾಡ್ತಾರೆ ಮತ್ತು ಅವರ ಮೂರ್ಖ ನಡೆಗಳನ್ನು ನೀವು ಲವ್ ಮಾಡ್ತೀರಿ ಎನ್ನೋ ಅರ್ಥದಲ್ಲೇ?

 

ಆಧುನಿಕ ಶಿಕ್ಷಣ ಪದ್ಧತಿ ಮುನುಷ್ಯನನ್ನು ಸುಲಭ ಜೀವಿಯನ್ನಾಗಿಸುವ ಭಯಾನಕ ರೋಗ - ಪ್ರಸನ್ನ ಹೆಗ್ಗೋಡು, ರಂಗಕರ್ಮಿ

► ಹಳೆ ಗುರುಕುಲ ಶಿಕ್ಷಣ ಪದ್ಧತಿ ಮೂಲಕ ಬಡವರನ್ನು, ದುರ್ಬಲರನ್ನು ಇನ್ನಷ್ಟು ಕಷ್ಟ ಜೀವಿಯಾಗಿಸಲು ಆಸೆಯೇ?

2017ಕ್ಕೆ ಮೊದಲು ಉತ್ತರ ಪ್ರದೇಶದಲ್ಲಿ ಆಡಳಿತ ನಡೆಸುತ್ತಿದ್ದವರು ಗೂಂಡಾಗಳು - ನರೇಂದ್ರ ಮೋದಿ, ಪ್ರಧಾನಿ

►  ಮುಂದೆ ಕೊಲೆಪಾತಕಿ, ಭ್ರಷ್ಟ, ಅಯೋಗ್ಯರೆಲ್ಲಾ ಅವರ ಉತ್ತರಾಧಿಕಾರಿಗಳಾಗಿ ಬಿಟ್ಟರು.

ಹಿಂದಿ ಭಾರತದ ಎಲ್ಲ ಪ್ರಾದೇಶಿಕ ಭಾಷೆಗಳ ಸ್ನೇಹಿತ-ಅಮಿತ್ ಶಾ, ಕೇಂದ್ರ ಸಚಿವ

► ಆದ್ದರಿಂದ ಸದ್ಯ ಹಿಂದಿ ಮಾತ್ರ ಇರುವ ಪ್ರದೇಶಗಳಲ್ಲಿ ದಕ್ಷಿಣದ ಪ್ರಾದೇಶಕ ಭಾಷೆಗಳನ್ನು ಪರಿಚಯಿಸಿ. ಸ್ನೇಹಿತರು ಜೊತೆಗಿರಲಿ.

ಯಾವುದೇ ಒಂದು ಸಮುದಾಯ ಅಥವಾ ಧರ್ಮದ ಅನುಯಾಯಿಗಳಿಗೆ ನೋವು ಉಂಟು ಮಾಡಿದರೆ ನಮಗೆ ಒಳ್ಳೆಯದಾಗುವುದಿಲ್ಲ - ಶೋಭಾ ಕರಂದ್ಲಾಜೆ, ಕೇಂದ್ರ ಸಚಿವೆ

►  ಆದ್ದರಿಂದ ಎರಡು ಮೂರು ಸಮುದಾಯಗಳನ್ನಾದರೂ ನೋಯಿಸಬೇಕೆಂದು ನಿರ್ಧರಿಸಿದ್ದೀರಾ?

   

ಶಾಂತಿಯುತ ಮತ್ತು ಸ್ಥಿರ ಅಫ್ಘಾನಿಸ್ತಾನವನ್ನು ಪಾಕ್ ಬಯಸುತ್ತದೆ - ಇಮ್ರಾನ್ ಖಾನ್, ಪಾಕ್ ಪ್ರಧಾನಿ

► ನಾಳೆ ಅವರೇನು ನಿಮ್ಮಲ್ಲಿಗೆ ಬಂದು ಶಾಂತಿಯುತ ಮತ್ತು ಸ್ಥಿರ ಪಾಕಿಸ್ತಾನವನ್ನು ಕಟ್ಟುತ್ತಾರೆಯೇ? ಖಾನ್ ಸಾಹೇಬರೇ, ನೀವು ನಿಮ್ಮ ನಾಡಿನ ಬಗ್ಗೆ ಚಿಂತಿಸಿ.

ನಾನು ತುರ್ತುಪರಿಸ್ಥಿತಿಯ ವೇಳೆ 5-6 ತಿಂಗಳು ಜೈಲಿನಲ್ಲಿದ್ದೆ - ಆರಗ ಜ್ಞಾನೇಂದ್ರ, ಸಚಿವ

► ನೀವು ಇದನ್ನೆಲ್ಲಾ ನೆನಪಿಸಿದರೆ ಜನ ದಿವಂಗತ ಇಂದಿರಾಗಾಂಧಿಯವರನ್ನು ಸ್ಮರಿಸಿ ಹೊಗಳಲು ಆರಂಭಿಸ್ತಾರೆ.

ಜಾಗತಿಕ ಭಯೋತ್ಪಾದನೆ ಹತ್ತಿಕ್ಕಲು ತಾಲಿಬಾನಿಗಳ ಜತೆಗೆ ಮಾತುಕತೆ ನಡೆಸುವುದು ಅಗತ್ಯ - ಆ್ಯಂಟೊನಿಯೊ ಗುಟೆರೆಸ್, ವಿಶ್ವಸಂಸ್ಥೆ ಪ್ರ.ಕಾರ್ಯದರ್ಶಿ

► ಜಗತ್ತಿನ ಎರಡು ದೈತ್ಯ ಭಯೋತ್ಪಾದಕ ಶಕ್ತಿಗಳನ್ನು ಸೋಲಿಸಿ ಒದ್ದೋಡಿಸಿದ ಅಫ್ಘಾನಿಗಳ ಅನುಭವದಿಂದ ಜಗತ್ತು ಕಲಿಯಬೇಕಾದದ್ದು ಬಹಳಷ್ಟಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top