ಉಡುಪಿ: ಶೇ.43.48 ಮಕ್ಕಳಿಗೆ ಜೆಇ ಲಸಿಕೆ
ಉಡುಪಿ, ಡಿ.7: ಮೆದುಳು ಜ್ವರಕ್ಕೆ (ಜೆಇ) ಮುನ್ನೆಚ್ಚರಿಕೆ ಕ್ರಮವಾಗಿ ಒಂದು ವರ್ಷದಿಂದ 15 ವರ್ಷದೊಳಗಿನ ಮಕ್ಕಳಿಗೆ ನೀಡುವ ಜೆ.ಇ. ಲಸಿಕೆಯನ್ನು ಈವರೆಗೆ ಒಟ್ಟು ಶೇ.43.45ರಷ್ಟು ಮಕ್ಕಳಿಗೆ ನೀಡಲಾಗಿದೆ.
ಡಿ.24ರವರೆಗೆ ಜಿಲ್ಲೆಯ 2,18,324 ಮಕ್ಕಳಿಗೆ ಜೆಇ ಲಸಿಕೆ ನೀಡಲಾಗುತಿದ್ದು, ಗುರುವಾರ ಸಂಜೆಯವರೆಗೆ ಇವರಲ್ಲಿ ಒಟ್ಟು 94,864 (ಶೇ.43.45) ಮಕ್ಕಳಿಗೆ ಲಸಿಕೆಯ ಚುಚ್ಚುಮದ್ದು ನೀಡಲಾಗಿದೆ ಎಂದು ಜಿಲ್ಲಾ ಆರ್ಸಿಎಚ್ ಅಧಿಕಾರಿ ಡಾ.ಎಂ.ಜಿ. ರಾಮ ತಿಳಿಸಿದ್ದಾರೆ.
ಉಡುಪಿ ತಾಲೂಕಿನ 1,01,087 ಮಕ್ಕಳಲ್ಲಿ 40,329 (ಶೇ.39.90), ಕುಂದಾಪುರ ತಾಲೂಕಿನ 76,715 ಮಕ್ಕಳಲ್ಲಿ 33,773 (ಶೇ.44.02) ಹಾಗೂ ಕಾರ್ಕಳ ತಾಲೂಕಿನ 40,522 ಮಕ್ಕಳಲ್ಲಿ 20,762(ಶೇ.51.24) ಮಕ್ಕಳಿಗೆ ಜೆ.ಇ. ಲಸಿಕೆ ನೀಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.
Next Story