--

ರೈಲು ಬವಣೆ

ಇರುವ ಒಂದು ರೈಲನ್ನೂ ವಿಸ್ತರಿಸುವುದು ಸರಿಯೇ?

ಕಾರ್ಯಕಾರಿ ಕಾರ್ಯದರ್ಶಿ, ರೈಲ್ವೇ ಯಾತ್ರಿ ಸಂಘ ಮುಂಬೈ ಪ್ರಸ್ತುತ ಮಂಗಳೂರು ಬೆಂಗಳೂರು ಮಧ್ಯೆ ಸಂಚರಿಸುವ ಒಂದೇ ಒಂದು ರೈಲಿದ್ದು, ಆ ರೈಲು ಬೆಂಗಳೂರು-ಮೈಸೂರು-ಮಂಗಳೂರು ಎಕ್ಸ್ ಪ್ರೆಸ್ (ಸಂಖ್ಯೆ 16585/16586)ನ್ನು ಕಾರವಾರ/ಕಣ್ಣೂರಿಗೆ ವಿಸ್ತರಿಸಲು ಮೈಸೂರು ಸಂಸದರು ರೈಲು ಮಂತ್ರಿಯನ್ನು ಜುಲೈ 26ರಂದು ಭೇಟಿಯಾಗಿ ಸೂಚಿಸಿದ್ದಾರೆ. ದಕ್ಷಿಣ ಕನ್ನಡದ ಸಮಸ್ತ ಜನರಿಗೆ ಈ ಸೂಚನೆ ಖಂಡಿತ ವಾಗಿಯೂ ಸಮಾಧಾನ ತರುವಂತಹದ್ದಲ್ಲ. ಈ ಸೂಚನೆಯು ಮಂಗಳೂರು ಸುತ್ತಮುತ್ತಲಿನ ರೈಲು ಪ್ರಯಾಣಿಕರ ಹಿತಾಸಕ್ತಿಗೆ ವಿರುದ್ಧವಾಗಿದೆ.

ರೈಲು ಸಂಖ್ಯೆ 16511ಮೊತ್ತಮೊದಲು ಪರಿಚಯಿಸಿದಾಗ ಅದು ಬೆಂಗಳೂರು-ಮಂಗಳೂರು ಮಧ್ಯೆ ಮಾತ್ರ ಸಂಚರಿಸುತ್ತಿತ್ತು. ಆಗ ಅದು ಸದಾ ಪ್ರಯಾಣಿಕರಿಂದ ಭರ್ತಿಯಾಗುತ್ತಿತ್ತು ತೀವ್ರ ವಿರೋಧದ ನಡುವೆಯೂ ಈ ರೈಲನ್ನು ಕಣ್ಣೂರಿಗೆ ವಿಸ್ತರಿಸಲಾಯಿತು. ಹಾಗೆಯೇ ಇನ್ನೊಂದು ರೈಲು (ಸಂಖ್ಯೆ 16515/16516) ಯಶವಂತಪುರದಿಂದ ಮಂಗಳೂರು ಸೆಂಟ್ರಲ್ ನಡುವೆ ಓಡುತ್ತಿತ್ತು. ಆನಂತರ ರೈಲು ಪ್ರಯಾಣಿಕರ ಹೆಚ್ಚಿನ ವಿರೋಧದ ನಡುವೆಯೂ ಈ ರೈಲನ್ನು ವೇಳಾ ಪಟ್ಟಿ ಪರಿಷ್ಕರಿಸಿ ಮಂಗಳೂರು ಸೆಂಟ್ರಲ್‌ನಿಂದ ಕಾರವಾರಕ್ಕೆ ವಿಸ್ತರಿಸಲಾಯಿತು. ಅನನುಕೂಲ ವೇಳಾಪಟ್ಟಿ ಹಾಗೂ ಕಾರವಾರ ವಿಸ್ತರಣೆಯಿಂದಾಗಿ ದಕ್ಷಿಣ ಕನ್ನಡದ ಪ್ರಯಾಣಿಕರಿಗೆ ತುಂಬಾ ಕಷ್ಟವಾಯಿತು. ಈಗಾಗಲೇ ಈ ಮೇಲಿನ ರೈಲುಗಳು ವಿಸ್ತರಣೆಯಿಂದಾಗಿ ಬವಣೆ ಪಡುತ್ತಿರುವ ಪ್ರಯಾಣಿಕರಿಗೆ ಗಾಯದ ಮೇಲೆ ಬರೆ ಎಳೆದಂತೆ ರೈಲು ಸಂಖ್ಯೆ 16511 ಒಂದನ್ನು ಕ್ಯಾಲಿಕಟ್‌ಗೆ ವಿಸ್ತರಿಸಲು ನಿರ್ಧರಿಸಲಾಯಿತು. ಇದರಿಂದಾಗಿ ಮಂಗಳೂರು ಪ್ರದೇಶದ ಸಾರ್ವಜನಿಕರಿಗೆ ಆಸನ/ಬರ್ತ್ ಸೌಲಭ್ಯ ಕಡಿಮೆಯಾಗಿದೆ.

ಮಾಹಿತಿ ಹಕ್ಕಿನ ಮೂಲಕ ಸಿಕ್ಕಿದ ವಿವರಣೆಯಂತೆ 16511 ರೈಲಿನಲ್ಲಿ ಪ್ರತೀ ದಿನ 450ಕ್ಕೂ ಹೆಚ್ಚು ಪ್ರಯಾಣಿಕರು ಬೆಂಗಳೂರಿನಿಂದ ಮಂಗಳೂರಿಗೆ ಹಾಗೂ ಕೇವಲ 45 ಜನರು ಬೆಂಗಳೂರಿನಿಂದ ನೇರವಾಗಿ ಕಣ್ಣೂರಿಗೆ ಪ್ರಯಾಣಿಸಿದ್ದಾರೆಂದು ತಿಳಿದುಬಂತು. (ಇದು ಕಳೆದ ಆರ್ಥಿಕ ವರ್ಷದಲ್ಲಿನ ಸರಾಸರಿ ಪ್ರಯಾಣಿಕರು)

ಸಂಖ್ಯೆ 16585/16586 ರೈಲನ್ನು ಮಂಗಳೂರು ಸೆಂಟ್ರಲ್‌ಗೆ ತಲುಪಿಸದೆ ಮಂಗಳೂರು ಜಂಕ್ಷನ್ ಮುಖಾಂತರವೇ ಕಾರವಾರ-ಕಣ್ಣೂರಿಗೆ ವಿಸ್ತರಿಸಲು ಸೂಚಿಸಿದ್ದು ಬಲುದೊಡ್ಡ ತಪ್ಪು. ಇದರಿಂದಾಗಿ ಸುಬ್ರಹ್ಮಣ್ಯ-ಮಂಗಳೂರು ಸೆಂಟ್ರಲ್ ನಡುವೆ ಪ್ರಯಾಣಿಕರು ಜಂಕ್ಷನ್‌ನಲ್ಲಿ ಇಳಿದು ನೂರಾರು ರೂ. ರಿಕ್ಷಾಕ್ಕೆ ನೀಡಿ ಮಂಗಳೂರು ತಲುಪಬೇಕಾಗುತ್ತದೆ.

ಈಗಾಗಲೇ ಮಂಗಳೂರು-ಬೆಂಗಳೂರು ಮಧ್ಯೆ ಮಾತ್ರ ಓಡಾಡುತ್ತಿದ್ದ ಎರಡು ರೈಲುಗಳನ್ನು ಒಂದು ಕಾರವಾರಕ್ಕೆ ಹಾಗೂ ಒಂದು ಕಣ್ಣೂರಿಗೆ ವಿಸ್ತರಿಸಿ ಆಗಿದೆ. ಆದುದರಿಂದ ಬೆಂಗಳೂರು- ಮಂಗಳೂರು ಮಧ್ಯೆ ರೈಲು ಸೇವೆಗೆ ಬೇಡಿಕೆ ಹೆಚ್ಚಾಗಿದೆ. ಇತ್ತೀಚೆಗೆ ಘಟ್ಟ ಪ್ರದೇಶದಲ್ಲಿ ರಸ್ತೆ ಕುಸಿದು ಹಾಳಾಗಿ ಬಸ್ಸುಗಳ ಓಡಾಟ ಸಂಪೂರ್ಣವಾಗಿ ನಿಂತಿದೆ ಅಥವಾ ಸುತ್ತಿ ಬಳಸಿ ಪ್ರಯಾಣಿಸಬೇಕಾಗುತ್ತದೆ. ಆದುದರಿಂದ ಮಂಗಳೂರು- ಬೆಂಗಳೂರು ನಡುವೆ ಪ್ರತಿದಿನ ಇನ್ನೂ ಮೂರು ರೈಲುಗಳು ಓಡಾಟ ನಡೆಸಿದರೂ ಅವೆಲ್ಲ ಪ್ರಯಾಣಿಕರಿಂದ ಭರ್ತಿಯಾಗಲಿವೆ. ಹೀಗಿರುವಾಗ ಇದ್ದ ಒಂದೇ ಒಂದು ರೈಲನ್ನು ವಿಸ್ತರಿಸಿ ಮಂಗಳೂರಿಗರಿಗೆ ಕಷ್ಟ ಕೊಡುವುದು ತಪ್ಪಲ್ಲವೇ?

 ದಕ್ಷಿಣ ಕನ್ನಡದ ಜನರಿಗೆ ಇಂತಹ ಅನ್ಯಾಯವಾಗುತ್ತಿರುವಾಗ ನಮ್ಮ ಸಂಸದ, ಶಾಸಕರು ಕೂಡಲೇ ಎಚ್ಚೆತ್ತು ವಿಸ್ತರಣೆಯನ್ನು ನಿಲ್ಲಿಸಬೇಕು. ಮಂಗಳೂರಿನಲ್ಲಿ ಪೆಟ್ರೋ ಕೆಮಿಕಲ್ ರಿಫೈನರಿ, ಎಲ್ಲ ಋತುಗಳ ಪ್ರಮುಖ ಬಂದರು, ಹತ್ತಾರು ಇಂಜಿನಿಯರಿಂಗ್, ಮೆಡಿಕಲ್ ಕಾಲೇಜುಗಳು ಇರುವುದರಿಂದ ಪ್ರತಿದಿನ ಸುಮಾರು 6000 ಜನರು ಬೆಂಗಳೂರು-ಮಂಗಳೂರು ಮಧ್ಯೆ ಪ್ರಯಾಣಿಸುತ್ತಾರೆ. ಆದರೆ ಇದೀಗ ಕೇವಲ ಒಂದು ರೈಲು ಮಾತ್ರ ಬೆಂಗಳೂರು ಮಂಗಳೂರು ಮಧ್ಯೆ ಓಡಾಡುತ್ತಿದ್ದು, ಅದನ್ನೂ ವಿಸ್ತರಿಸಿದರೆ ಮಂಗಳೂರು ಪ್ರಯಾಣಿಕರ ಮೇಲೆ ಪ್ರತಿಕೂಲ ಪರಿಣಾಮ ಬೀರುವುದರಿಂದ ಇದರ ವಿಸ್ತರಣೆ ಖಂಡಿತ ನ್ಯಾಯಸಮ್ಮತವಲ್ಲ.

ಈ ಬಗ್ಗೆ ರೈಲು ಸಂಘಗಳು ಹಾಗೂ ಇತರ ಸಂಘ ಸಂಸ್ಥೆಗಳು ರೈಲು ಮಂತ್ರಿಗೆ ಕಾಗದ ಬರೆದಿದ್ದು ನಮ್ಮ ವಿನಂತಿಯನ್ನು ಸಕಾರಾತ್ಮಕವಾಗಿ ಪರಿಗಣಿಸಬೇಕಾಗಿದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top