-

ಏಶ್ಯಾದ ಶೇ.45ರಷ್ಟು ಜನರು ಆರೋಗ್ಯಕರ ಆಹಾರದಿಂದ ವಂಚಿತರು: ಎಫ್ಎಒ ವರದಿ

-

ಬ್ಯಾಂಕಾಕ್,ಜ.24: ಏಶ್ಯಾದಲ್ಲಿ ದುಬಾರಿ ಬೆಲೆಗಳು ಮತ್ತು ಹದಗೆಡುತ್ತಿರುವ ಬಡತನದೊಂದಿಗೆ ಆಹಾರ ಅಭದ್ರತೆಯು ಹೆಚ್ಚುತ್ತಿದ್ದು ಆಹಾರ ಕೊರತೆಯಿಂದ ಬಳಲುತ್ತಿರುವ ಜನರ ಸಂಖ್ಯೆಯು ಹೆಚ್ಚುತ್ತಿದೆ ಎಂದು ಆಹಾರ ಮತ್ತು ಕೃಷಿ ಸಂಸ್ಥೆ (ಎಫ್ಎಒ) ಹಾಗೂ ಯುನಿಸೆಫ್,ಡಬ್ಲುಎಚ್ಒದಂತಹ ವಿಶ್ವಸಂಸ್ಥೆಯ ಇತರ ಏಜೆನ್ಸಿಗಳು ಮಂಗಳವಾರ ಬಿಡುಗಡೆಗೊಳಿಸಿರುವ ವರದಿಯು ಬೆಟ್ಟುಮಾಡಿದೆ.

2021ರಲ್ಲಿ ಸುಮಾರು 50 ಕೋ.ಜನರು (ಈ ಪೈಕಿ ದ.ಏಶ್ಯಾದವರ ಸಂಖ್ಯೆ ಶೇ.80ಕ್ಕೂ ಅಧಿಕ) ಅಪೌಷ್ಟಿಕತೆಯಿಂದ ಬಳಲುತ್ತಿದ್ದರು ಮತ್ತು 100 ಕೋ.ಗೂ.ಅಧಿಕ ಜನರು ಮಧ್ಯಮದಿಂದ ತೀವ್ರ ಆಹಾರ ಅಭದ್ರತೆಯನ್ನು ಎದುರಿಸುತ್ತಿದ್ದರು ಎಂದು ವರದಿಯು ಹೇಳಿದೆ. ಇದೇ ರೀತಿ ವಿಶ್ವದಲ್ಲಿ ಆಹಾರ ಅಭದ್ರತೆಯು 2014ರಲ್ಲಿದ್ದ ಶೇ.21ರಿಂದ 2021ರಲ್ಲಿ ಶೇ.29ಕ್ಕೆ ಏರಿಕೆಯಾಗಿದೆ.

ಕೋವಿಡ್ ಸಾಂಕ್ರಾಮಿಕವು ಸಾಮೂಹಿಕ ಉದ್ಯೋಗ ನಷ್ಟ ಮತ್ತು ಅಡೆತಡೆಗಳಿಗೆ ಕಾರಣವಾಗುವ ಮೂಲಕ ಭಾರೀ ಹಿನ್ನಡೆಯನ್ನುಂಟು ಮಾಡಿತ್ತು ಮತ್ತು ಉಕ್ರೇನ್ ಯುದ್ದವು ಆಹಾರ,ಇಂಧನ ಮತ್ತು ರಸಗೊಬ್ಬರಗಳ ಬೆಲೆ ಏರಿಕೆಗೆ ಕಾರಣವಾಗಿತ್ತು. ಇದರಿಂದಾಗಿ ಕೋಟ್ಯಂತರ ಜನರು ಸಾಕಷ್ಟು ಆಹಾರದಿಂದ ವಂಚಿತರಾಗಿದ್ದರು ಎಂದು ವರದಿಯು ತಿಳಿಸಿದೆ.

ಆ ಎಲ್ಲ ವರ್ಷಗಳಲ್ಲಿ ಹಸಿವು ಮತ್ತು ಅಪೌಷ್ಟಿಕತೆಯನ್ನು ನಿವಾರಿಸುವ ನಿಟ್ಟಿನಲ್ಲಿ ಪ್ರಗತಿಯು ಸ್ಥಗಿತಗೊಂಡಿತ್ತು ಮತ್ತು ನಂತರ ಹೆಚ್ಚೆಚ್ಚು ಜನರಿಗೆ ಸಾಕಷ್ಟು ಆಹಾರದ ಅಭಾವವುಂಟಾಗಿದ್ದರಿಂದ ಹಿನ್ನಡೆಯನ್ನು ಕಂಡಿತ್ತು. ವಿಶ್ವಸಂಸ್ಥೆಯ ಏಜೆನ್ಸಿಗಳ ಲೆಕ್ಕಾಚಾರದಂತೆ 2021ರಲ್ಲಿ ಅಪೌಷ್ಟಿಕತೆಯ ಪ್ರಮಾಣವು ಶೇ.9.1ರಷ್ಟಿತ್ತು. ಇದು 2000ರಲ್ಲಿದ್ದ ಶೇ.14.3ಕ್ಕಿಂತ ಉತ್ತಮವಾಗಿತ್ತಾದರೂ 2020ಕ್ಕಿಂತ ಕೊಂಚವೇ ಮೇಲಿತ್ತು.

ಇಂತಹ ಅಂಕಿಅಂಶಗಳು ಹಸಿವಿನ ವಿರುದ್ಧದ ಹೋರಾಟದಲ್ಲಿ ಮಂದಗತಿ ಮುಂದುವರಿದಿದೆ ಎನ್ನುವುದನ್ನು ತೋರಿಸುತ್ತಿದೆ ಎಂದಿರುವ ವರದಿಯು,ನಗರಗಳಿಗೆ ವಲಸೆ ಹೋಗಿರುವ ಜನರು ಎದುರಿಸುತ್ತಿರುವ ಹೆಚ್ಚುತ್ತಿರುವ ಆಹಾರ ಅಭದ್ರತೆಯನ್ನೂ ಎತ್ತಿ ತೋರಿಸಿದೆ.

ಪೌಷ್ಟಿಕ ಆಹಾರಗಳನ್ನು ಉತ್ಪಾದಿಸಲು ಮತ್ತು ಆರೋಗ್ಯಕರ ಆಹಾರದ ಸಮಾನ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳಲು ನಮ್ಮ ಕೃಷಿ ಆಹಾರ ವ್ಯವಸ್ಥೆಯಲ್ಲಿ ಸುಧಾರಣೆಗಳನ್ನು ತರುವುದು ನಿರ್ಣಾಯಕವಾಗಿದೆ ಎಂದು ವರದಿಯು ಹೇಳಿದೆ.

ಕಳೆದ ಹಲವಾರು ವರ್ಷಗಳಲ್ಲಿ ಎಫ್ಎಒದ ಆಹಾರ ಬೆಲೆ ಸೂಚ್ಯಂಕವು ಏರಿಕೆಯಾಗಿದ್ದು,2022 ಮಾರ್ಚ್ನಲ್ಲಿ ದಾಖಲೆ ಮಟ್ಟಕ್ಕೆ ಜಿಗಿದಿತ್ತು. ನಂತರ ಸರಕುಗಳ ಬೆಲೆಗಳಲ್ಲಿ ಸ್ವಲ್ಪಮಟ್ಟಿಗೆ ಇಳಿಕೆಯಾಗಿದ್ದರಿಂದ ಸೂಚ್ಯಂಕವು ಕುಸಿದಿತ್ತಾದರೂ ಈಗಲೂ 2020ರ ಮಟ್ಟಕ್ಕಿಂತ ಶೇ.28ರಷ್ಟು ಅಧಿಕವಾಗಿಯೇ ಇದೆ.

ಏಶ್ಯಾ-ಪೆಸಿಫಿಕ್ ಪ್ರದೇಶವು ಪ್ರತಿ ವರ್ಷ ಎರಡು ಲ.ಕೋ.ಡಾ.ವೌಲ್ಯದ ಆಹಾರವನ್ನು ಆಮದು ಮಾಡಿಕೊಳ್ಳುತ್ತದೆ.ಅಕ್ಕಿ,ಗೋದಿ ಮತ್ತು ತೈಲಗಳಂತಹ ಪ್ರಾಥಮಿಕ ಅಗತ್ಯಗಳ ಹೆಚ್ಚುತ್ತಿರುವ ಬೆಲೆಗಳು ಬಡವರಿಗೆ ಬಲವಾದ ಹೊಡೆತವನ್ನು ನೀಡಿವೆ.

 ಏಶ್ಯಾದಲ್ಲಿ ವಾಸವಾಗಿರುವ ಸುಮಾರು ಶೇ.45ರಷ್ಟು ಅಥವಾ ಸುಮಾರು 200 ಕೋ.ಜನರು ಆರೋಗ್ಯಕರ ಆಹಾರದ ಕೊರತೆಯನ್ನು ಎದುರಿಸುತ್ತಿದ್ದಾರೆ. ಇದು ರಕ್ತಹೀನತೆ,ಬೊಜ್ಜು ಮತ್ತು ಹಸಿವಿನ ಸಮಸ್ಯೆಗಳನ್ನು ಹೆಚ್ಚಿಸುತ್ತಿದೆ.

ವಿಶ್ವಬ್ಯಾಂಕ್ನ ದತ್ತಾಂಶಗಳಂತೆ 2015-18ರ ನಡುವೆ ಬಡತನವು ಶೇ.2.6ರಷ್ಟು ಏರಿಕೆಯಾಗಿದೆ.

ಪ್ರಚಲಿತ ಸ್ಥಿತಿಯನ್ನು ವಿವರಿಸಿದ ಎಫ್ಎಒ ವರದಿಯ ಲೇಖಕ ಶ್ರೀಧರ ಧರ್ಮಪುರಿ ಅವರು ಬಡತನ ಮತ್ತು ಅಪೌಷ್ಟಿಕತೆಯಲ್ಲಿ ಹೆಚ್ಚಳ ಒಟ್ಟೊಟ್ಟಿಗೆ ಸಾಗುತ್ತವೆ ಎಂದು ಹೇಳಿದರು.

ಅನಾರೋಗ್ಯಕರ ಆಹಾರ ಕ್ರಮ ಮತ್ತು ಅಸಮರ್ಪಕ ಆಹಾರ ಮಕ್ಕಳು ಕುಬ್ಜತೆ ಅಥವಾ ಕೃಶಕಾಯದಿಂದ ಬಳಲುವಂತೆ ಮತ್ತು ಅವರು ಹೆಚ್ಚು ಅನಾರೋಗ್ಯಕ್ಕೆ ತುತ್ತಾಗುವಂತೆ ಮಾಡುವುದರಿಂದ ಭವಿಷ್ಯದ ಆರೋಗ್ಯ ಮತ್ತು ಉತ್ಪಾದಕತೆಯ ಮೇಲೂ ದುಷ್ಪರಿಣಾಮವನ್ನು ಬೀರುತ್ತವೆ. ಏಶ್ಯಾ-ಪೆಸಿಫಿಕ್ ಪ್ರದೇಶದಲ್ಲಿಯ ಸುಮಾರು ಶೇ.25ರಷ್ಟು ಮಕ್ಕಳು ಕುಬ್ಜತೆಯಿಂದ ಪೀಡಿತರಾಗಿದ್ದಾರೆ ಎಂದು ವರದಿಯು ತಿಳಿಸಿದೆ.

ಏಶ್ಯಾದಲ್ಲಿ 15ರಿಂದ 49 ವರ್ಷ ವಯೋಮಾನದ ಮೂರನೇ ಒಂದರಷ್ಟು ಮಹಿಳೆಯರು ರಕ್ತಹೀನತೆಯಿಂದ ಬಳಲುತ್ತಿದ್ದಾರೆ ಮತ್ತು ರಕ್ತಹೀನತೆಯು ತನ್ನ ತೀವ್ರವಾದ ರೂಪಗಳಲ್ಲಿ ಶ್ವಾಸಕೋಶಗಳು ಮತ್ತು ಹೃದಯಕ್ಕೆ ಹಾನಿಯನ್ನುಂಟು ಮಾಡುತ್ತದೆ ಎಂದೂ ವರದಿಯು ಹೇಳಿದೆ.

 ಕೃಪೆ: newsclick.in

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

ಇಂದು ಹೆಚ್ಚು ಓದಿದ್ದು


Back to Top