ಅಕ್ರಮ ಹಣ ಸಂಪಾದನೆ ಆರೋಪ: ಇಬ್ಬರ ಬಂಧನ
Update: 2019-06-15 17:31 GMT
ಬೆಂಗಳೂರು, ಜೂ.15: ಅಕ್ರಮವಾಗಿ ಹಣ ಸಂಪಾದನೆ ಮಾಡುತ್ತಿದ್ದ ಇಬ್ಬರು ಆರೋಪಿಗಳನ್ನು ಕುಮಾರಸ್ವಾಮಿ ಲೇಔಟ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಲೋನ್ ಕಟ್ಟದೆ ಬಾಕಿ ಉಳಿಸಿಕೊಂಡವರಿಂದ ಸೀಝ್ ಮಾಡಿರುವ ಆಟೋಗಳನ್ನು ಬ್ಯಾಂಕ್ ಸುಪರ್ದಿಗೆ ಒಪ್ಪಿಸದೇ ಶೆಡ್ಗಳಲ್ಲಿ ನಿಲ್ಲಿಸಿಕೊಂಡು ಬಾಡಿಗೆಗೆ ನೀಡಿ ಹಣ ಸಂಪಾದನೆ ಮಾಡುತ್ತಿದ್ದ ಇಬ್ಬರನ್ನು ಬಂಧಿಸಿದ್ದಾರೆ.
ದಾಸರಹಳ್ಳಿ ನಾಗರಾಜ(40) ಹಾಗೂ ರಮೇಶ್(33) ಬಂಧಿತ ಆರೋಪಿಗಳು ಎಂದು ಗುರುತಿಸಲಾಗಿದೆ. ಇವರು ಆಟೋ ಮಾಲಕರಿಗೆ ನಂಬಿಕೆ ದ್ರೋಹ ಮಾಡಿ ಮೋಸ ಮಾಡಿರುವ ಸಂಗತಿ ತನಿಖೆಯಿಂದ ತಿಳಿದುಬಂದಿದೆ. ಈ ಇಬ್ಬರಿಂದ 80 ಲಕ್ಷ ಬೆಲೆ ಬಾಳುವ 22 ಆಟೋಗಳನ್ನು ವಶಪಡಿಸಿಕೊಳ್ಳಲಾಗಿದೆ.