ಬಿಎಂಟಿಸಿ ಬಸ್ ಹರಿದು ಬೈಕ್ ಸವಾರ ಸ್ಥಳದಲ್ಲೇ ಮೃತ್ಯು

ಬೆಂಗಳೂರು: ನಗರದ ಸುಮನಹಳ್ಳಿ ಡಿಪೋ ಬಳಿ ಬಿಎಂಟಿಸಿ (BMTC) ಬಸ್​ ಹರಿದು ಬೈಕ್​ ಸವಾರ ಯುವಕನೋರ್ವ ಬುಧವಾರ ರಾತ್ರಿ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ವರದಿಯಾಗಿದೆ. 

ಪ್ರಮೋದ್ (24) ಮೃತಪಟ್ಟಿರುವ ಯುವಕ ಎಂದು ತಿಳಿದು ಬಂದಿದೆ. ಸುಮನಹಳ್ಳಿ-ಲಗ್ಗೆರೆ ರಿಂಗ್ ರಸ್ತೆಯಲ್ಲಿ ಘಟನೆ ಸಂಭವಿಸಿದೆನ್ನಲಾಗಿದೆ. 

ಬೈಕ್ ಸವಾರ ಪ್ರಮೋದ್, ನಿನ್ನೆ ರಾತ್ರಿ 10 ಗಂಟೆ ಸುಮಾರಿಗೆ ಸುಮನಹಳ್ಳಿಯಿಂದ ಲಗ್ಗೆರೆ ರಸ್ತೆ ಮಾರ್ಗವಾಗಿ ಆಗಮಿಸುತ್ತಿದ್ದಾಗ ರಸ್ತೆ ಉಬ್ಬು ಇದ್ದ ಕಾರಣ ನಿಧಾನವಾಗಿ ಸಾಗಿದ್ದಾರೆನ್ನಲಾಗಿದ್ದು,  ಈ ವೇಳೆ ಹಿಂಬದಿಯಿಂದ ಬಂದ ಬಿಎಂಟಿಸಿ  ಬಸ್, ಬೈಕ್​ಗೆ ಢಿಕ್ಕಿ ಹೊಡೆದು ಸವಾರನ ಮೇಲೆ ಸಂಚರಿಸಿದೆ ಎಂದು ಹೇಳಲಾಗಿದೆ.

ತಲೆಗೆ ಬಲವಾದ ಪೆಟ್ಟು ಬಿದ್ದು ಯುವಕ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ ಎಂದು ತಿಳಿದು ಬಂದಿದೆ.