ಆನ್‌ಲೈನ್ ಡಿಸ್‌ಪ್ಲೇ ಜಾಹೀರಾತು | ಗೂಗಲ್ ಮೇಲೆ ಮೊಕದ್ದಮೆ ಹೂಡಿದ ಯುಕೆ ಜಾಹೀರಾತುದಾರರು

ಬ್ರಿಟಿಷ್ ಜಾಹೀರಾತುದಾರರ ಪರವಾಗಿ ಕಾನೂನು ಕ್ರಮ ಕೈಗೊಂಡಿರುವ ಸಂಸ್ಥೆಯಾದ ಕೆಪಿ ಲಾ ಪ್ರಕಾರ ಮೊಕದ್ದಮೆಯಲ್ಲಿ 4 ಬಿಲಿಯನ್ ಡಾಲರ್‌ವರೆಗೆ ಪರಿಹಾರ ಕೋರಲಾಗಿದೆ.

ಆನ್‌ಲೈನ್ ಡಿಸ್‌ಪ್ಲೇ ಜಾಹೀರಾತಿನಲ್ಲಿ ತನ್ನ ಪ್ರಾಬಲ್ಯವನ್ನು ದುರುಪಯೋಗಪಡಿಸಿಕೊಂಡಿದೆ ಎಂದು ಆರೋಪಿಸಿ ಗೂಗಲ್ ಮೇಲೆ ಯುನೈಟೆಡ್ ಕಿಂಗ್‌ಡಂನಲ್ಲಿ ಮೊಕದ್ದಮೆ ಹೂಡಲಾಗಿದೆ.

ಬ್ರಿಟಿಷ್ ಜಾಹೀರಾತುದಾರರ ಪರವಾಗಿ ಕಾನೂನು ಕ್ರಮ ಕೈಗೊಂಡಿರುವ ಸಂಸ್ಥೆಯಾದ ಕೆಪಿ ಲಾ ಪ್ರಕಾರ ಮೊಕದ್ದಮೆಯು 4 ಬಿಲಿಯನ್ ಡಾಲರ್‌ವರೆಗೆ ಪರಿಹಾರ ಕೋರಲಾಗಿದೆ. ಗೂಗಲ್ ತನ್ನ ಪ್ರತಿಸ್ಪರ್ಧಿಗಳನ್ನು ಹೊರತುಪಡಿಸಿ ವೆಬ್‌ತಾಣಗಳಲ್ಲಿ ತೋರಿಸಲಾದ ಬ್ಯಾನರ್ ಜಾಹೀರಾತುಗಳಂತಹ ತನ್ನದೇ ಆದ ಡಿಸ್‌ಪ್ಲೇ ಜಾಹೀರಾತು ಸೇವೆಗಳಿಗೆ ಒಲವು ತೋರಿಸಿದೆ ಎಂದು ಪ್ರಕರಣ ವಾದಿಸಿದೆ.

ಕೆಪಿ ಲಾ ಪ್ರಕಾರ ಗೂಗಲ್ ನೀತಿಯ ಕಾರಣದಿಂದಾಗಿ ಜಾಹೀರಾತುದಾರರು ಹೆಚ್ಚು ಪಾವತಿಸಿ ಕಡಿಮೆ ಡಿಸ್‌ಪ್ಲೇ ಅವಕಾಶ ಪಡೆಯುತ್ತಿದ್ದಾರೆ. ಗೂಗಲ್ ವಕ್ತಾರರು ಈ ಆರೋಪಗಳಲ್ಲಿ ಹುರುಳಿಲ್ಲ ಎಂದು ಹೇಳಿದ್ದಾರೆ. “ಜಾಹೀರಾತುದಾರರಿಗೆ ಹಲವು ಆಯ್ಕೆಗಳಿವೆ ಮತ್ತು ಅವರು ನಮ್ಮ ಜಾಹೀರಾತು ಟೆಕ್ ಟೂಲ್‌ಗಳನ್ನು ಆಐfಕೆ ಮಾಡುತ್ತಾರೆ. ಏಕೆಂದರೆ ಅವು ಸರಳ, ಪರಿಣಾಮಕಾರಿ ಮತ್ತು ಅಗ್ಗದಲ್ಲಿ ಸಿಗುತ್ತವೆ” ಎಂದು ವಕ್ತಾರರು ಹೇಳಿದ್ದಾರೆ.

ಈ ಪ್ರಕರಣವನ್ನು ಸಾಮೂಹಿಕ ಕ್ರಮವಾಗಿ ಹೂಡಲಾಗಿದೆ. ಸಂಭಾವ್ಯ ಪರಿಣಾಮ ಬೀರುವ ಗ್ರಾಹಕರು ಸ್ವತಃ ಹೊರಗುಳಿಯದೆ ಇರಲು ಆಯ್ಕೆ ಮಾಡದ ಹೊರತು ಸ್ವಯಂಚಾಲಿತವಾಗಿ ಮೊಕದ್ದಮೆಯಲ್ಲಿ ಸೇರ್ಪಡೆಗೊಳ್ಳುತ್ತಾರೆ. 2015 ಅಕ್ಟೋಬರ್‌ನಿಂದ ಗೂಗಲ್ ಜಾಹೀರಾತು ಸೇವೆಗಳಿಗೆ ಪಾವತಿಸಿದ ಎಲ್ಲಾ ಯುನೈಟೆಡ್ ಕಿಂಗ್‌ಡಂ ಜಾಹೀರಾತುದಾರರನ್ನು ಮೊಕದ್ದಮೆ ಒಳಗೊಂಡಿದೆ.

ಗೂಗಲ್‌ನ ಜಾಹೀರಾತು ನೀತಿಗಳ ವಿರುದ್ಧ ಈಗಾಗಲೇ ಯುನೈಟೆಡ್ ಕಿಂಗ್‌ಡಂ, ಯುರೋಪಿಯನ್ ಒಕ್ಕೂಟ ಮತ್ತು ಅಮೆರಿಕಗಳಲ್ಲಿ ತನಿಖೆ ಮತ್ತು ಕಾನೂನು ಕ್ರಮ ಕೈಗೊಳ್ಳಲಾಗುತ್ತಿದೆ.

ಕಳೆದ ವರ್ಷ ಯುನೈಟೆಡ್ ಕಿಂಗ್‌ಡಂನಲ್ಲಿ ಸಲ್ಲಿಸಲಾದ ಮತ್ತೊಂದು ಮೊಕದ್ದಮೆಯು ಗೂಗಲ್ ಆನ್‌ಲೈನ್ ಜಾಹೀರಾತಿಗೆ ಹೆಚ್ಚಿನ ಶುಲ್ಕ ವಿಧಿಸುತ್ತಿದೆ ಎಂದು ಆರೋಪಿಸಿದೆ. ಗೂಗಲ್ ಮೇಲೆ ಇನ್ನೂ ಅನೇಕ ಕಾನೂನು ಕ್ರಮಗಳು ಜರುಗುತ್ತಿವೆ.

ಅಮೆರಿಕದಲ್ಲೂ ಗೂಗಲ್ ಮೇಲೆ ಅಮೆರಿಕದ ಸರ್ಕಾರ ಡಿಜಿಟಲ್ ಜಾಹೀರಾತು ಉದ್ಯಮವನ್ನು ವಿಭಜಿಸುವಂತೆ ಆದೇಶಿಸಿದೆ. ಕಳೆದ ವರ್ಷ ಯುರೋಪಿಯನ್ ಒಕ್ಕೂಟವೂ ಬೃಹತ್ 2.95 ಬಿಲಿಯನ್ ಯೂರೋಗಳಷ್ಟು ಆ್ಯಂಟಿಟ್ರಸ್ಟ್ ದಂಡವನ್ನು ಗೂಗಲ್ ಮೇಲೆ ವಿಧಿಸಿದೆ. ಈ ದಂಡದ ವಿರುದ್ಧ ಮೇಲ್ಮನವಿ ಸಲ್ಲಿಸುವುದಾಗಿ ಗೂಗಲ್ ಹೇಳಿದೆ.