ನವಾಝ್ ಶರೀಫ್ ರನ್ನು ಪ್ರಧಾನಿ ಹುದ್ದೆಯಿಂದ ಅನರ್ಹಗೊಳಿಸಿದ ಪಾಕ್ ಸುಪ್ರೀಂ ಕೋರ್ಟ್

ಇಸ್ಲಾಮಾಬಾದ್, ಜು.28: ಭ್ರಷ್ಟಾಚಾರ ಹಾಗೂ ಅಕ್ರಮ ಸಂಪತ್ತು ಗಳಿಕೆ ವಿಚಾರದಲ್ಲಿ ಮಹತ್ವದ ತೀರ್ಪು ನೀಡಿರುವ ಪಾಕಿಸ್ತಾನದ ಸುಪ್ರೀಂ ಕೋರ್ಟ್ ನವಾಝ್ ಶರೀಫ್ ರನ್ನು ದೋಷಿ ಎಂದು ಪರಿಗಣಿಸಿದ್ದು, ಪ್ರಧಾನಿ ಹುದ್ದೆಯಿಂದ ಅನರ್ಹಗೊಳಿಸಿ ತೀರ್ಪಿತ್ತಿದೆ.

ನ್ಯಾಯಾಲಯದ ಐವರು ಸದಸ್ಯರ ಪೀಠವು ಸರ್ವಾನುಮತದಿಂದ ಈ ತೀರ್ಪು ನೀಡಿದೆ. ಲಂಡನ್ ನಲ್ಲಿ ಸೊತ್ತುಗಳ ಖರೀದಿಗೆ ಭಾರೀ ಭ್ರಷ್ಟಾಚಾರ ನಡೆಸಿದ್ದರು ಎನ್ನುವ ಆರೋಪ ಶರೀಫ್ ಮೇಲಿತ್ತು.

"ಸಂಸತ್ತಿನ ಪ್ರಾಮಾಣಿಕ ಸದಸ್ಯನಾಗಿ ಇನ್ನು ಅವರು ಮುಂದುವರಿಯಲು ಸಾಧ್ಯವಿಲ್ಲ. ಪ್ರಧಾನಿ ಹುದ್ದೆಯನ್ನು ಅವರು ತೊರೆಯಬೇಕಾಗಿದೆ" ಎಂದು ನ್ಯಾಯಾಧೀಶ ಇಜಾಝ್ ಅಫ್ಝಲ್ ಖಾನ್ ಹೇಳಿದ್ದಾರೆ.