ಭಾರತದ 2019ರ ಅಂದಾಜು ಜಿಡಿಪಿಯನ್ನು ಶೇ 5.6ಕ್ಕಿಳಿಸಿದ 'ಮೂಡೀಸ್'
Update: 2019-11-14 09:11 GMT
ಹೊಸದಿಲ್ಲಿ, ನ.14: ಜಾಗತಿಕ ರೇಟಿಂಗ್ ಏಜನ್ಸಿ ಮೂಡೀಸ್ ಇನ್ವೆಸ್ಟರ್ಸ್ ಸರ್ವಿಸ್ ಗುರುವಾರದಂದು ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಭಾರತದ ಅಂದಾಜು ಜಿಡಿಪಿ ಪ್ರಮಾಣವನ್ನು ಶೇ 5.8ರಿಂದ ಶೇ 5.6ಕ್ಕೆ ಇಳಿಸಿದೆ.
ಈ ಹಿಂದೆ ನಿರೀಕ್ಷಿಸಿದಕ್ಕಿಂತಲೂ ಆರ್ಥಿಕ ನಿಧಾನಗತಿ ಮುಂದುವರಿದಿರುವುದರಿಂದ ಅಂದಾಜು ಜಿಡಿಪಿಯನ್ನು ಇಳಿಸಲಾಗಿದೆ ಎಂದು ಮೂಡೀಸ್ ತಿಳಿಸಿದೆ.
'ಕಳೆದ ವರ್ಷದ ಮೂಡೀಸ್ ಜಿಡಿಪಿ ಅಂದಾಜು ಶೇ 7.4 ಆಗಿದ್ದರೆ ಈ ವರ್ಷ ಶೇ 5.6 ಆಗಿದೆ' ಎಂದು ಮೂಡೀಸ್ ತಿಳಿಸಿದೆ. "ಭಾರತದ ಅಭಿವೃದ್ಧಿ ಪ್ರಮಾಣ 2018ರ ಮಧ್ಯಭಾಗದಿಂದ ಕುಸಿಯುತ್ತಿದೆ. ನೈಜ ಜಿಡಿಪಿ ಪ್ರಗತಿ ಶೇ 8ರಿಂದ ಶೇ 5ಕ್ಕೆ 2019ರ ಎರಡನೇ ತ್ರೈಮಾಸಿಕದಲ್ಲಿ ಕುಸಿದಿದ್ದು ನಿರುದ್ಯೋಗ ಪ್ರಮಾಣವೂ ಏರಿಕೆಯಾಗಿದ,'' ಎಂದು ಮೂಡೀಸ್ ಹೇಳಿದೆ.