ರಾಜ್ಯದಲ್ಲಿ ಹೊಸದಾಗಿ 9,894 ಕೊರೋನ ಪ್ರಕರಣಗಳು ದೃಢ, 104 ಮಂದಿ ಸಾವು
Update: 2020-09-13 15:00 GMT
ಬೆಂಗಳೂರು, ಸೆ.13: ರಾಜ್ಯದಲ್ಲಿ ರವಿವಾರ 9,894 ಹೊಸ ಕೊರೋನ ಪ್ರಕರಣಗಳು ದೃಢವಾಗಿವೆ. 104 ಜನರು ಸೋಂಕಿಗೆ ಬಲಿಯಾಗಿದ್ದು, 8,402 ಜನರು ಗುಣಮುಖರಾಗಿದ್ದಾರೆ. ಈಗಾಗಲೇ ಒಟ್ಟು ಸೋಂಕಿತರ ಸಂಖ್ಯೆ 4,59,445ಕ್ಕೆ ತಲುಪಿದ್ದು, 807 ಸೋಂಕಿತರು ಐಸಿಯುನಲ್ಲಿದ್ದಾರೆ.
ಇಲ್ಲಿಯವರೆಗೆ ಒಟ್ಟು ಸಾವಿನ ಸಂಖ್ಯೆ 7,265ಕ್ಕೆ ತಲುಪಿದ್ದು, ರವಿವಾರ ಅನ್ಯ ಕಾರಣದಿಂದ 19 ಜನರು ಸಾವನ್ನಪ್ಪಿದ್ದಾರೆ. ಒಟ್ಟು ಸಕ್ರಿಯ ಕೊರೋನ ಪ್ರಕರಣಗಳ ಸಂಖ್ಯೆ 99,203ಕ್ಕೆ ಏರಿಕೆಯಾಗಿದ್ದು, ಇವರೆಲ್ಲ ಸೋಂಕಿತರು ಆಸ್ಪತ್ರೆ, ಕೊರೋನ ಕೇರ್ ಸೆಂಟರ್ ಹಾಗೂ ಮನೆಗಳಲ್ಲಿ ಚಿಕಿತ್ಸೆ ಮತ್ತು ಆರೈಕೆಯಲ್ಲಿದ್ದಾರೆ.
104 ಸೋಂಕಿತರು ಬಲಿ: ಬಳ್ಳಾರಿ 8, ಬೆಂಗಳೂರು ನಗರ 45, ಚಿಕ್ಕಬಳ್ಳಾಪುರ 1, ದಕ್ಷಿಣ ಕನ್ನಡ 3, ದಾವಣಗೆರೆ 1, ಧಾರವಾಡ 7, ಗದಗ 2, ಹಾಸನ 4, ಹಾವೇರಿ 1, ಕೋಲಾರ-2, ಕೊಪ್ಪಳ 3, ಮೈಸೂರು 15, ರಾಯಚೂರು 2, ಶಿವಮೊಗ್ಗ 5, ತುಮಕೂರು 3, ಉತ್ತರ ಕನ್ನಡ 1, ವಿಜಯಪುರ ಜಿಲ್ಲೆಯಲ್ಲಿ ಒಬ್ಬರು ಸಾವನ್ನಪ್ಪಿದ್ದಾರೆ.
ಎಲ್ಲೆಲ್ಲಿ ಎಷ್ಟು: ರಾಜ್ಯದಲ್ಲಿ ಹೊಸದಾಗಿ 9,894 ಪ್ರಕರಣಗಳು ದೃಢವಾಗಿದ್ದು, ಅದರಲ್ಲಿ ಬಾಗಲಕೋಟೆ 165, ಬಳ್ಳಾರಿ 661, ಬೆಳಗಾವಿ 318, ಬೆಂಗಳೂರು ಗ್ರಾಮಾಂತರ 216, ಬೆಂಗಳೂರು ನಗರ 3,479, ಬೀದರ್ 82, ಚಾಮರಾಜನಗರ 80, ಚಿಕ್ಕಬಳ್ಳಾಪುರ 85, ಚಿಕ್ಕಮಗಳೂರು 171, ಚಿತ್ರದುರ್ಗ 232, ದಕ್ಷಿಣ ಕನ್ನಡ 404, ದಾವಣಗೆರೆ 144, ಧಾರವಾಡ 199, ಗದಗ 198, ಹಾಸನ 426, ಹಾವೇರಿ 191, ಕಲಬುರ್ಗಿ 214, ಕೊಡಗು 33, ಕೋಲಾರ 73, ಕೊಪ್ಪಳ 259, ಮಂಡ್ಯ 246, ಮೈಸೂರು 665, ರಾಯಚೂರು 190, ರಾಮನಗರ 38, ಶಿವಮೊಗ್ಗ 299, ತುಮಕೂರು 294, ಉಡುಪಿ 126, ಉತ್ತರ ಕನ್ನಡ 141, ವಿಜಯಪುರ 30, ಯಾದಗಿರಿ ಜಿಲ್ಲೆಯಲ್ಲಿ 231 ಪ್ರಕರಣಗಳು ಪತ್ತೆಯಾಗಿವೆ.