ಗಲ್ಫ್ ಪ್ರದೇಶದಿಂದ USS ಜಾರ್ಜ್ ವಾಷಿಂಗ್ಟನ್ ನಿರ್ಗಮನ
ಮೂರು ತಿಂಗಳ ನಿಯೋಜನೆ ಬಳಿಕ ವಾಪಸ್; ಜಪಾನ್ ನ ನೆಲೆಗೆ ಮರಳುವ ಸಾಧ್ಯತೆ
Photo: x.com/MarioNawfal
ವಾಷಿಂಗ್ಟನ್: ಗಲ್ಫ್ ಪ್ರದೇಶದಲ್ಲಿ ಸುಮಾರು ಮೂರು ತಿಂಗಳ ಕಾಲ ನಿಯೋಜನೆಗೊಂಡಿದ್ದ ಅಮೆರಿಕದ USS ಜಾರ್ಜ್ ವಾಷಿಂಗ್ಟನ್ ವಿಮಾನವಾಹಕ ನೌಕೆಯು ಅಲ್ಲಿಂದ ನಿರ್ಗಮಿಸಿದೆ ಎಂದು US ನೌಕಾಪಡೆಯ ಅಧಿಕಾರಿಯೊಬ್ಬರನ್ನು ಉಲ್ಲೇಖಿಸಿ USNI News ವರದಿ ಮಾಡಿದೆ.
ಆದರೆ, ವಿಮಾನವಾಹಕ ನೌಕೆಯ ನಿರ್ಗಮನದ ಕುರಿತು ವಕ್ತಾರರು ಯಾವುದೇ ಹೆಚ್ಚುವರಿ ವಿವರಗಳನ್ನು ನೀಡಿಲ್ಲ ಎಂದು ವರದಿ ತಿಳಿಸಿದೆ.
ಇದೇ ವೇಳೆ, USS ಥಿಯೋಡರ್ ರೂಸ್ವೆಲ್ಟ್ ವಿಮಾನವಾಹಕ ನೌಕೆಯು ಸೋಮವಾರ ಮಧ್ಯಪ್ರಾಚ್ಯಕ್ಕೆ ಆಗಮಿಸಿದೆ ಎಂದು US ಅಧಿಕಾರಿಯೊಬ್ಬರು Aljazeera ಗೆ ತಿಳಿಸಿದ್ದಾರೆ. USS ಜಾರ್ಜ್ ವಾಷಿಂಗ್ಟನ್ ನಿರ್ಗಮಿಸಿರುವ ಹಿನ್ನೆಲೆಯಲ್ಲಿ, USS ಜಾರ್ಜ್ H W ಬುಷ್ ಈ ಪ್ರದೇಶದಲ್ಲಿ ನಿಯೋಜನೆಗೊಂಡಿರುವ ಏಕೈಕ ವಿಮಾನವಾಹಕ ನೌಕೆಯಾಗಿದೆ.
ಜಾರ್ಜ್ ವಾಷಿಂಗ್ಟನ್ ವಿಮಾನವಾಹಕ ನೌಕೆಯು ಜಪಾನ್ ನಲ್ಲಿರುವ ತನ್ನ ನೆಲೆಗೆ ಮರಳುವ ಸಾಧ್ಯತೆಯಿದೆ ಎಂದು ತಿಳಿದು ಬಂದಿದೆ.