ವಡಗೇರಾ ಪೊಲೀಸ್ ಠಾಣೆ ಆವರಣದಲ್ಲಿ 1,500 ಸಸಿಗಳ ನಾಟಿ

ವಡಗೇರಾ: ಕಲಿಕೆ–ಟಾಟಾ ಟ್ರಸ್ಟ್ಸ್‌ನ ಟೆಸ್ಕೋ (TESCO) ಜೀವನೋಪಾಯ ಕಾರ್ಯಕ್ರಮದ ವತಿಯಿಂದ ಪರಿಸರ ಸಂರಕ್ಷಣೆ ಹಾಗೂ ಹಸಿರು ಪರಿಸರ ನಿರ್ಮಿಸುವ ಉದ್ದೇಶದಿಂದ ವಡಗೇರಾ ಪೊಲೀಸ್ ಠಾಣೆಯ ಆವರಣದಲ್ಲಿ ಸಾಮಾಜಿಕ ಅರಣ್ಯ ನಿರ್ಮಾಣ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತು.

ಕಾರ್ಯಕ್ರಮದ ಅಂಗವಾಗಿ ವಿವಿಧ ಜಾತಿಯ ಒಟ್ಟು 1,500 ಸಸಿಗಳನ್ನು ನಾಟಿ ಮಾಡಲಾಯಿತು.

ವಡಗೇರಾ ಪೊಲೀಸ್ ಠಾಣೆಗೆ ಪಿಎಸ್‌ಐ ಅಯ್ಯಪ್ಪ ಅವರು ಆಗಮಿಸಿದ ಕೇವಲ 38 ದಿನಗಳಲ್ಲಿ ಠಾಣೆಯ ಸ್ವಚ್ಛತೆ, ಕಟ್ಟಡಕ್ಕೆ ಮರುಬಣ್ಣ ಬಳಿಯುವುದು, 1,500 ಸಸಿಗಳ ನಾಟಿ, ಸಸಿಗಳಿಗೆ ಹನಿ ನೀರಾವರಿ ವ್ಯವಸ್ಥೆ ಕಲ್ಪಿಸುವುದು ಹಾಗೂ ಠಾಣೆಯ ಮೈದಾನವನ್ನು ಅಭಿವೃದ್ಧಿಪಡಿಸುವುದು ಸೇರಿದಂತೆ ಹಲವು ಕಾರ್ಯಗಳನ್ನು ಕೈಗೊಂಡಿದ್ದಾರೆ.

ಕಾರ್ಯಕ್ರಮದಲ್ಲಿ ಕಲಿಕೆ ಜೀವನೋಪಾಯ ಕಾರ್ಯಕ್ರಮದ ಹಿರಿಯ ಕಾರ್ಯಕ್ರಮ ಸಂಯೋಜಕ ಶಾಂತಗೌಡ ಬಿರಾದಾರ, ಕ್ಷೇತ್ರ ಸಹಾಯಕ ಕುಮಾರ್ ಎಸ್. ತೆಳಿಗೇರಿ, ಪೊಲೀಸ್ ಸಿಬ್ಬಂದಿ ಈರಣ್ಣ, ಗೋಕುಲ್ ಸಾಬ್, ಸಂಗಣ್ಣ ಗೌಡ, ಮಾಂತೇಶ್ ಬಿಳ್ಹಾರ್ ಹಾಗೂ ಗ್ರಾಮ ಸಂಪನ್ಮೂಲ ವ್ಯಕ್ತಿಗಳಾದ ಶಿವರಾಜ್, ಮಲ್ಲಪ್ಪ, ಗಿರೀಶ್, ಭಿರಲಿಂಗಪ್ಪ, ಭೀಮಾಶಂಕರ್, ಶಂಕರ, ಮಲ್ಲೇಶ್, ಬಾಲಪ್ಪ, ಹಣಮಂತ, ಸೈದಪ್ಪ ಯು. ಮತ್ತು ಸಿದ್ದಪ್ಪ ಉಪಸ್ಥಿತರಿದ್ದರು.