ಮಂಗಳೂರು: ವ್ಯಕ್ತಿ ಕಾಣೆ

ಮಂಗಳೂರು, ಆ.2: ನಗರದ ಕುದ್ರೋಳಿ ಜೆ.ಎಂ.ರೋಡ್‌ನ ನಿವಾಸಿ ರಿಯಾಝ್ ಅಹ್ಮದ್ (45) ನಾಪತ್ತೆಯಾದ ಬಗ್ಗೆ ಬಂದರ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಇವರು ಮಾನಸಿಕ ಅಸ್ವಸ್ಥ ಮತ್ತು ಅನಾರೋಗ್ಯ ಪೀಡಿತರಾಗಿ ಮನೆಯಲ್ಲಿದ್ದರು ಎನ್ನಲಾಗಿದೆ. ಜು.25ರಂದು ಬೆಳಗ್ಗೆ ಮನೆ ಬಿಟ್ಟು ಹೋದವರು ವಾಪಸ್ ಬಂದಿಲ್ಲ. ಸುಮಾರು 5.5 ಅಡಿ ಎತ್ತರದ, ಎಣ್ಣೆಕಪ್ಪು ಮೈಬಣ್ಣದ, ಗುಂಡು ಮುಖದ ಇವರು ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್, ನೀಲಿ ಬಣ್ಣದ ಅಡ್ಡ ಗೆರೆ ಇರುವ ತುಂಬು ತೋಳಿನ ಶರ್ಟ್ ಧರಿಸಿದ್ದರು. ಕನ್ನಡ, ತುಳು, ಹಿಂದಿ, ಬ್ಯಾರಿ ಭಾಷೆ ಬಲ್ಲ ಇವರನ್ನು ಕಂಡವರು ಠಾಣೆಗೆ (0824-2220801/2220516) ಮಾಹಿತಿ ನೀಡುವಂತೆ ಬಂದರು ಪೊಲೀಸರು ತಿಳಿಸಿದ್ದಾರೆ.