ಗೌರಿ ಲಂಕೇಶ್ ಹತ್ಯೆಯಲ್ಲಿ ನಮ್ಮ ಪಾತ್ರವಿಲ್ಲ: ಸನಾತನ ಸಂಸ್ಥೆ

ಬೆಂಗಳೂರು, ಸೆ.22: ಪತ್ರಕರ್ತೆ, ಹೋರಾಟಗಾರ್ತಿ ಗೌರಿ ಲಂಕೇಶ್ ಹತ್ಯೆಯನ್ನು ಖಂಡಿಸಿರುವ ಸನಾತನ ಸಂಸ್ಥೆ ಹಾಗೂ ಅದರ ಅಂಗಸಂಸ್ಥೆ ಹಿಂದೂ ಜನಜಾಗೃತಿ ಸಮಿತಿ ಗೌರಿ ಹತ್ಯೆಯಲ್ಲಿ ನಮ್ಮ ಪಾತ್ರವಿಲ್ಲ ಎಂದಿದೆ.

“ಸಂಘಪರಿವಾರ ಹಾಗು ಎಡಪಂಥೀಯರ ನಡುವೆ ಇರುವ ಸೈದ್ಧಾಂತಿಕ ಭಿನ್ನತೆಗಳನ್ನು ನಿರಾಕರಿಸುವುದಿಲ್ಲ. ಆದರೆ ನಮ್ಮ ಕಾರ್ಯಕರ್ತರು ಈ ಹತ್ಯೆ ನಡೆಸಿದ್ದಾರೆ ಎನ್ನುವುದನ್ನು ಒಪ್ಪಲಾಗದು. ಸನಾತನ ಸಂಸ್ಥೆ ಸಿದ್ಧಾಂತದೊಂದಿಗೆ ಹೋರಾಡುತ್ತದೆ” ಎಂದು ಸನಾತನ ಸಂಸ್ಥೆಯ ವಕ್ತಾರ ಚೇತನ್ ರಾಜನ್ ಹೇಳಿದ್ದಾರೆ.

ಎಸ್ ಐಟಿ ತನಿಖೆಗೆ ಸನಾತನ ಸಂಸ್ಥೆ ಸಹಕರಿಸಲಿದೆ ಎಂದವರು ಹೇಳಿದರು.