ಬಿಗ್ ಬ್ಯಾಶ್ ಲೀಗ್ ಸೇರಿದ ಕರ್ನಾಟಕದ ಕ್ರಿಕೆಟ್ ಆಟಗಾರ್ತಿ ವೇದಾ

ಹೊಸದಿಲ್ಲಿ, ಅ.20: ಕರ್ನಾಟಕದ ಮಹಿಳಾ ಕ್ರಿಕೆಟರ್  ವೇದಾ ಕೃಷ್ಣಮೂರ್ತಿ ಅವರು ಆಸ್ಟ್ರೇಲಿಯದ ವೃತ್ತಿಪರ ಕ್ರಿಕೆಟ್ ಲೀಗ್ ಬಿಗ್ ಬ್ಯಾಶ್ ಸೇರ್ಪಡೆಗೊಂಡಿದ್ದಾರೆ.

ವೇದಾ ಅವರು ಬಿಗ್ ಬ್ಯಾಶ್ ಸೇರಿದ ಭಾರತದ ಮೂರನೆ  ಮಹಿಳಾ ಕ್ರಿಕೆಟರ್.  ಹರ್ಮನ್ ಪ್ರೀತ್ ಕೌರ್, ಸ್ಮೃತಿ ಮಂಧಾನ ಈ ಮೊದಲು ಮಹಿಳೆಯರ ಬಿಗ್ ಬ್ಯಾಶ್ ಲೀಗ್ ಸೇರಿದ್ದರು.

ಬಿಗ್ ಬ್ಯಾಶ್ ನ ಹೋಬರ್ಟ್ ಹರಿಕೇನ್ಸ್ ಜೊತೆ  1 ವರ್ಷದ ಒಪ್ಪಂದಕ್ಕೆ ಸಹಿ ಹಾಕಿರುವ ವೇದಾ ಡಿ.9ರಂದು ಆರಂಭವಾಗಲಿರುವ ಬಿಗ್ ಬ್ಯಾಶ್ ಟೂರ್ನಿಯ 10 ಪಂದ್ಯಗಳಲ್ಲಿ ಆಡಲಿದ್ದಾರೆ.

ವೇದಾ ಕೃಷ್ಣ ಮೂರ್ತಿ ಅವರು  ಇಂಗ್ಲೆಂಡ್ ನಲ್ಲಿ ನಡೆದ ಮಹಿಳೆಯರ ಐಸಿಸಿ ವಿಶ್ವಕಪ್ ನಲ್ಲಿ ಭಾರತದ ತಂಡದ ಪರ ಉತ್ತಮ ಪ್ರದರ್ಶನ ನೀಡಿದ್ದರು.