ಫೇಸ್ಬುಕ್ನಲ್ಲಿ ಪ್ರಚೋದಕ ಪೋಸ್ಟ್ ಶೇರ್ ಮಾಡಿದ್ದ ವ್ಯಕ್ತಿಯ ಬಂಧನ
Update: 2018-08-24 14:45 GMT
ಜಮ್ಮು,ಆ.24: ಫೇಸ್ಬುಕ್ನಲ್ಲಿ ಪ್ರಚೋದಕ ಪೋಸ್ಟ್ವೊಂದನ್ನು ಶೇರ್ ಮಾಡಿಕೊಂಡಿದ್ದಕ್ಕಾಗಿ ವ್ಯಕ್ತಿಯೋರ್ವನನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಪೋಸ್ಟ್ ಜಮ್ಮು-ಕಾಶ್ಮೀರದ ರಾಜೌರಿ ಜಿಲ್ಲೆಯಲ್ಲಿನ ಶಾಂತಿಯುತ ವಾತಾವರಣವನ್ನು ಹದಗೆಡಿಸುವ ಸಾಧ್ಯತೆಯಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. ಪ್ರಾಥಮಿಕ ತನಿಖೆಯಂತೆ ಆರೋಪಿಯು ಪಾಕ್ ಆಕ್ರಮಿತ ಕಾಶ್ಮೀರದ ಪ್ರದೇಶವೊಂದರಲ್ಲಿ ದೈವನಿಂದೆಯ ಕೃತ್ಯವೊಂದರ ಫೇಸ್ಬುಕ್ ವೀಡಿಯೊವನ್ನು ಶೇರ್ ಮಾಡಿಕೊಳ್ಳುವ ಮೂಲಕ ನಿರ್ದಿಷ್ಟ ಸಮುದಾಯದ ಭಾವನೆಗಳಿಗೆ ನೋವನ್ನುಂಟು ಮಾಡಿದ್ದ ಎಂದು ರಾಜೌರಿಯ ಎಸ್ಎಸ್ಪಿ ಯುಗಲ್ ಮನ್ಹಾಸ್ ತಿಳಿಸಿದರು.