ಸುಡಾನ್ ನಲ್ಲಿ ಲಘು ವಿಮಾನ ಪತನ ; 17 ಸಾವು

ಜುಬಾ, ಸೆ.9: ದಕ್ಷಿಣ ಸುಡಾನ್ ನಲ್ಲಿ  ಲಘು ವಿಮಾನವೊಂದು ಪತನಗೊಂಡ ಪರಿಣಾಮವಾಗಿ 17 ಮಂದಿ ಸಾವಿಗೀಡಾಗಿದ್ದಾರೆ.

ಜುಬಾ ಅಂತರ್ ರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಯಿರೊಲ್ ನಗರಕ್ಕೆ ತೆರಳುತ್ತಿದ್ದ ಪ್ರಯಾಣಿಕ ವಿಮಾನ  ಮಧ್ಯಾಹ್ನ ಪತನಗೊಂಡು ನದಿಗೆ ಉರುಳಿದ್ದು, 17 ಮಂದಿ ಮೃತಪಟ್ಟಿದ್ದಾರೆ.

 ವಿಮಾನದಲ್ಲಿ ಒಟ್ಟು 22 ಮಂದಿ ಪ್ರಯಾಣಿಸುತ್ತಿದ್ದರು. ಈ ಪೈಕಿ ಮೂವರು ಗಂಭೀರ ಗಾಯಗೊಂಡಿದ್ದಾರೆ.  ಇಬ್ಬರು  ನಾಪತ್ತೆಯಾಗಿರುವುದಾಗಿ ಅಧಿಕೃತ ಮೂಲಗಳು ತಿಳಿಸಿವೆ. ಗಾಯಗೊಂಡವರಲ್ಲಿ ಒಬ್ಬರು  ಇಟಲಿಯ ವೈದ್ಯರು ಸೇರಿದ್ದಾರೆ. ಅವರನ್ನು ಯಿರೊಲ್  ಆಸ್ಪತ್ರೆಗೆ ದಾಖಲಿಸಲಾಗಿದೆ.