‘2020ರ ಟ್ವೆಂಟಿ-20 ವಿಶ್ವಕಪ್ ತಯಾರಿ: ಕ್ರಿಸ್ ಗೇಲ್
Update: 2018-10-16 18:43 GMT
ಶಾರ್ಜಾ, ಅ.16: ಇತ್ತೀಚೆಗೆ ಭಾರತ ಹಾಗೂ ಬಾಂಗ್ಲಾದೇಶ ಕ್ರಿಕೆಟ್ ಪ್ರವಾಸದಿಂದ ದೂರ ಉಳಿದಿರುವ ವೆಸ್ಟ್ ಇಂಡೀಸ್ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ಮುಂಬರುವ ಇಂಗ್ಲೆಂಡ್ ವಿರುದ್ದ ಸರಣಿಯಲ್ಲಿ ಲಭ್ಯವಿರುವುದಾಗಿ ದೃಢಪಡಿಸಿದ್ದಾರೆ.
‘‘ಇದೀಗ ತಾನು ಫ್ರಾಂಚೈಸಿ ಕ್ರಿಕೆಟ್ ಲೀಗ್ಗಳಲ್ಲಿ ರನ್ ಗಳಿಸುವತ್ತ ಚಿತ್ತವಿರಿಸಿದ್ದೇನೆ. ಇದು 2020ರ ಟ್ವೆಂಟಿ-20 ವಿಶ್ವಕಪ್ ತಯಾರಿಯ ಒಂದು ಭಾಗವಾಗಿದೆ’’ ಎಂದು 39ರ ಹರೆಯದ ಗೇಲ್ ಹೇಳಿದ್ದಾರೆ.
‘‘ಇಂಗ್ಲೆಂಡ್ ವಿರುದ್ಧದ ಸರಣಿಗೆ ನಾನು ನಿಶ್ಚಿತವಾಗಿ ಲಭ್ಯವಿರುತ್ತೇನೆ. ಈ ಕ್ಷಣದಲ್ಲಿ ಇಂತಹ ಲೀಗ್ಗಳಲ್ಲಿ(ಫ್ರಾಂಚೈಸಿ ಕ್ರಿಕೆಟ್)ರನ್ ಗಳಿಸುವತ್ತ ಗಮನ ನೀಡುವೆ. ವಿಶ್ವಕಪ್ಗೆ ಸಜ್ಜಾಗಲು ಇದು ಅತ್ಯಂತ ಮುಖ್ಯವಾಗಿದೆ’’ ಎಂದು ಗೇಲ್ ತಿಳಿಸಿದ್ದಾರೆ.
ವೆಸ್ಟ್ಇಂಡೀಸ್ ತಂಡ ಇಂಗ್ಲೆಂಡ್ ವಿರುದ್ಧ 2019ರ ಫೆ.20 ರಿಂದ ಮಾ.2ರ ತನಕ ಐದು ಪಂದ್ಯಗಳ ಏಕದಿನ ಸರಣಿಯನ್ನಾಡಲಿದೆ.