ಜೊಕೊವಿಕ್ ಫೈನಲ್‌ಗೆ
Update: 2019-07-12 19:02 GMT
ಲಂಡನ್, ಜು.12: ಹಾಲಿ ಚಾಂಪಿಯನ್ ನೊವಾಕ್ ಜೊಕೊವಿಕ್ ಸ್ಪೇನ್‌ನ ರೊಬರ್ಟೊ ಬೌಟಿಸ್ಟಾ ಅಗುಟ್‌ರನ್ನು 4 ಸೆಟ್‌ಗಳ ಅಂತರದಿಂದ ಮಣಿಸುವುದರೊಂದಿಗೆ ವಿಂಬಲ್ಡನ್ ಚಾಂಪಿಯನ್‌ಶಿಪ್‌ನಲ್ಲಿ ಪುರುಷರ ಸಿಂಗಲ್ಸ್‌ನಲ್ಲಿ ಫೈನಲ್‌ಗೆ ತಲುಪಿದ್ದಾರೆ
ಶುಕ್ರವಾರ ನಡೆದ ಅಂತಿಮ-4ರ ಸುತ್ತಿನ ಪಂದ್ಯದಲ್ಲಿ ಸರ್ಬಿಯದ ಜೊಕೊವಿಕ್ ಸ್ಪೇನ್‌ನ ಬೌಟಿಸ್ಟರನ್ನು 6-2, 4-6, 6-3, 6-2 ಸೆಟ್‌ಗಳ ಅಂತರದಿಂದ ಮಣಿಸಿದರು. ವಿಂಬಲ್ಡನ್‌ನಲ್ಲಿ ಐದನೇ ಹಾಗೂ ಒಟ್ಟು 16ನೇ ಗ್ರಾನ್‌ಸ್ಲಾಮ್ ಪ್ರಶಸ್ತಿಯ ಮೇಲೆ ಕಣ್ಣಿಟ್ಟಿದ್ದಾರೆ.
ಜೊಕೊವಿಕ್ ರವಿವಾರ ನಡೆಯುವ ಫೈನಲ್‌ನಲ್ಲಿ ರೋಜರ್ ಫೆಡರರ್ ಅಥವಾ ರಫೆಲ್ ನಡಾಲ್ ಸವಾಲನ್ನ್ನು ಎದುರಿಸಲಿದ್ದಾರೆ.