ಮೊದಲ ಟೆಸ್ಟ್: ದಕ್ಷಿಣ ಆಫ್ರಿಕಾ 431 ರನ್‌ಗೆ ಆಲೌಟ್
Update: 2019-10-05 05:25 GMT
ವಿಶಾಖಪಟ್ಟಣ, ಅ.5: ಆಫ್ ಸ್ಪಿನ್ನರ್ ಆರ್.ಅಶ್ವಿನ್ ಸ್ಪಿನ್ ಮೋಡಿಗೆ ಸಿಲುಕಿದ ದಕ್ಷಿಣ ಆಫ್ರಿಕಾ ತಂಡ ಮೊದಲ ಟೆಸ್ಟ್‌ನ ಮೊದಲ ಇನಿಂಗ್ಸ್‌ನಲ್ಲಿ 431 ರನ್ ಗಳಿಸಿ ಆಲೌಟಾಯಿತು. ಭಾರತಕ್ಕೆ 71 ರನ್ ಮುನ್ನಡೆ ಬಿಟ್ಟುಕೊಟ್ಟಿತು.
ನಾಲ್ಕನೇ ದಿನವಾದ ಶನಿವಾರ 8 ವಿಕೆಟ್ಗಳ ನಷ್ಟಕ್ಕೆ 385 ರನ್‌ನಿಂದ ಬ್ಯಾಟಿಂಗ್ ಮುಂದುವರಿಸಿದ ದಕ್ಷಿಣ ಆಫ್ರಿಕಾದ ಪರ ಭಾರತ ಮೂಲದ ಕ್ರಿಕೆಟ್ ಮುತ್ತಸ್ವಾಮಿ(ಔಟಾಗದೆ 33, 106 ಎಸೆತ, 4 ಬೌಂಡರಿ)ಒಂದಷ್ಟು ಪ್ರತಿರೋಧ ತೋರಿದರು. ಕಾಗಿಸೊ ರಬಾಡ 15 ಹಾಗೂ ಕೇಶವ ಮಹಾರಾಜ್ 9 ರನ್ ಗಳಿಸಿದರು. ಕೇಶವ್ ಹಾಗೂ ರಬಾಡ ವಿಕೆಟನ್ನು ಉರುಳಿಸಿದ ಆರ್.ಅಶ್ವಿನ್ ದಕ್ಷಿಣ ಆಫ್ರಿಕಾದ ಮೊದಲ ಇನಿಂಗ್ಸ್‌ಗೆ ತೆರೆ ಎಳೆದರು. ಭಾರತ 71 ರನ್ ಮುನ್ನಡೆ ಸಾಧಿಸಲು ನೆರವಾದರು.
ತಮಿಳುನಾಡು ಸ್ಪಿನ್ನರ್ ಅಶ್ವಿನ್ 46.2 ಓವರ್‌ಗಳಲ್ಲಿ 145 ರನ್‌ಗೆ ಏಳು ವಿಕೆಟ್‌ಗಳನ್ನು ಕಳೆದುಕೊಂಡಿದೆ.