ರೈತರಿಗೆ ಹಕ್ಕು, ಪರಿಹಾರ, ಉದ್ಯೋಗ ನೀಡಬೇಕು:ಲೋಕಸಭೆಯಲ್ಲಿ ರಾಹುಲ್ ಗಾಂಧಿ ಆಗ್ರಹ

ಹೊಸದಿಲ್ಲಿ: ರೈತರಿಗೆ ಹಕ್ಕು, ಪರಿಹಾರ ಹಾಗೂ  ಉದ್ಯೋಗ ನೀಡಬೇಕು ಎಂದು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಇಂದು ಲೋಕಸಭೆಯಲ್ಲಿ ಕೇಂದ್ರ ಸರಕಾರವನ್ನು ಒತ್ತಾಯಿಸಿದ್ದಾರೆ.

"ರೈತರಿಗೆ ಅವರ ಹಕ್ಕುಗಳನ್ನು ನೀಡಬೇಕು. ಅವರಿಗೆ ಪರಿಹಾರದ ಜೊತೆಗೆ ಉದ್ಯೋಗವನ್ನು ನೀಡಬೇಕು ಎಂದು ನಾನು ಬಯಸುತ್ತೇನೆ" ಎಂದರು.

"ಸುಮಾರು 400 ರೈತರಿಗೆ ಪಂಜಾಬ್ ಸರಕಾರ 5 ಲಕ್ಷ ರೂಪಾಯಿ ಪರಿಹಾರವನ್ನು ನೀಡಿದೆ ಎಂದು ನಾವು ಕಂಡುಕೊಂಡಿದ್ದೇವೆ. ಅವರಲ್ಲಿ 152 ಮಂದಿಗೆ ಉದ್ಯೋಗವನ್ನೂ ಒದಗಿಸಿದೆ. ನನ್ನ ಬಳಿ ಪಟ್ಟಿ ಇದೆ. ನಾವು ಹರ್ಯಾಣದಿಂದ 70 ರೈತರ ಮತ್ತೊಂದು ಪಟ್ಟಿಯನ್ನು ಮಾಡಿದ್ದೇವೆ. ಅವರ ಹೆಸರು ನಿಮ್ಮ ಬಳಿ ಇಲ್ಲ ಎಂದು ನಿಮ್ಮ ಸರಕಾರ ಹೇಳುತ್ತದೆ" ಎಂದು ಬಿಜೆಪಿ ನೇತೃತ್ವದ  ಸರಕಾರದ ವಿರುದ್ಧ ರಾಹುಲ್  ವಾಗ್ದಾಳಿ ನಡೆಸಿದರು.