ಪುಟ್ಬಾಲ್ ಪಂದ್ಯಾಟ: ಯೆನೆಪೊಯ ಕಾಲೇಜಿಗೆ ಪ್ರಶಸ್ತಿ

ಮಂಗಳೂರು : ಯೆನೆಪೊಯ (ಪರಿಗಣಿಸಲ್ಪಟ್ಟ ವಿಶ್ವವಿದ್ಯಾನಿಲಯ) ಮತ್ತು ಯೆನೆಪೊಯ ಪಿಯು ಕಾಲೇಜಿನ ಸಹಯೋಗದಲ್ಲಿ ಮಂಗಳೂರು ತಾಲೂಕು ಮಟ್ಟದ ಅಂತರ್ ಕಾಲೇಜು ಮಟ್ಟದ ಪುಟ್ಬಾಲ್ ಪಂದ್ಯಾವಳಿಯು ದೇರಳಕಟ್ಟೆಯ ಯೆನೆಪೊಯ ಪುಟ್ಬಾಲ್ ಕ್ರೀಡಾಂಗಣದಲ್ಲಿ ನಡೆಯಿತು.

ಈ ಪಂದ್ಯಾವಳಿಯಲ್ಲಿ 14 ತಂಡಗಳು ಭಾಗವಹಿಸಿದ್ದವು. ಫೈನಲ್ ಪಂದ್ಯಾಟದಲ್ಲಿ ಯೆನೆಪೊಯ ಪಿಯು ಕಾಲೇಜು ತನ್ನ ಪ್ರತಿಸ್ಪರ್ಧಿ ಸೈಂಟ್ ಅಲೋಸಿಯಸ್ ತಂಡವನ್ನು 4-0 ಅಂತರದಲ್ಲಿ ಸೋಲಿಸಿ ಪ್ರಶಸ್ತಿ ಗೆದ್ದುಕೊಂಡಿತು.

ಪಂದ್ಯಾವಳಿಯ ಅತ್ಯುತ್ತಮ ಸ್ಟ್ರೈಕರ್ ಆಗಿ ಯೆನೆಪೊಯ ಪಿಯು ಕಾಲೇಜಿನ ಟಿ.ಡಿ. ತೌಬಾ, ಅತ್ಯುತ್ತಮ ಡಿಫೆಂಡರ್ ಯೆನೆಪೊಯ ಪಿಯು ಕಾಲೇಜಿನ ಶೆಬಿನ್, ಅತ್ಯುತ್ತಮ ಗೋಲ್ ಕೀಪರ್ ಆಗಿ ಅಲೋಸಿಯಸ್ ಕಾಲೇಜಿನ ವರುಣ್ ಗೌಡ ಪ್ರಶಸ್ತಿ ಪಡೆದರು.