ಮಂಳೂರು: ನಿಟ್ಟೆ ವಿಶ್ವವಿದ್ಯಾಲಯ, ಇಂಟಿ ವಿಶ್ವವಿದ್ಯಾಲಯ ಮಲೇಷ್ಯಾ ನಡುವೆ ಶೈಕ್ಷಣಿಕ-ಸಂಶೋಧನ ಒಪ್ಪಂದ

ಮಂಳೂರು: ನಿಟ್ಟೆ ಇನ್ ಸ್ಟಿಟ್ಯೂಟ್ ಆಫ್ ಫಿಸಿಯೋಥೆರಪಿ, ನಿಟ್ಟೆ ವಿಶ್ವವಿದ್ಯಾಲಯ ಮತ್ತು ಇಂಟಿ ವಿಶ್ವವಿದ್ಯಾಲಯ ಮಲೇಷ್ಯಾ ನಡುವೆ ನೂತನ ಶೈಕ್ಷಣಿಕ ಮತ್ತು ಸಂಶೋಧನ ಒಪ್ಪಂದ ಸಮಾರಂಭ ಫೆ.16ರಂದು ನಡೆಯಿತು.

ಈ ಒಪ್ಪಂದ ಎರಡು ವಿಶ್ವವಿದ್ಯಾಲಯ ನಡುವೆ ವಿದ್ಯಾರ್ಥಿ ವಿನಿಮಯ, ಶಿಕ್ಷಕರ ವಿನಿಮಯ, ಹಾಗೂ ನೂತನ ಸಂಶೋಧನೆಗೆ ಅವಕಾಶ ನೀಡಲಿದೆ. ಈ ಸಂದರ್ಭದಲ್ಲಿ ನಿಟ್ಟೆ ಇನ್ ಸ್ಟಿಟ್ಯೂಟ್ ಆಫ್ ಫಿಸಿಯೋಥೆರಪಿಯ ಪ್ರಾಂಶುಪಾಲ ಡಾ. ಧನೆಷ್ ಕುಮಾರ್, ಮಲೇಷ್ಯಾ ವಿದ್ಯಾಲಯದ ಕುಲಪತಿ ಪ್ರೊ. ಜೋನ್ ಲೀ, ಕುಲಸಚಿವ ಪ್ರೊ.ತನ್ ಲೀ, ಅಂತರ್ ರಾಷ್ಟ್ರೀಯ ಅಧಿಕಾರಿ ಪ್ರೊ. ಕುಮರೇಶನ್ ಕೃಷ್ಣ ಸ್ವಾಮಿ, ಪ್ರೊ. ರಾಜ್ ಕುಮಾರ್ ಉಪಸ್ಥಿತರಿದ್ದರು.