ಉಳ್ಳಾಲ ದರ್ಗಾ-ಜುಮಾ ಮಸ್ಜಿದ್ ಆಡಳಿತ ಸಮಿತಿಗೆ ಚುನಾವಣೆ: ಶೇ.86.6 ಮತದಾನ
Update: 2023-02-25 11:17 GMT
ಮಂಗಳೂರು: ಉಳ್ಳಾಲ ಜುಮಾ ಮಸ್ಜಿದ್ ಮತ್ತು ಸೈಯದ್ ಮುಹಮ್ಮದ್ ಶರೀಫುಲ್ ಮದನಿ ದರ್ಗಾ ಆಡಳಿತ ಸಮಿತಿಗೆ ಇಂದು ಶಾಂತಿಯುತ ಚುನಾವಣೆ ನಡೆದಿದ್ದು, ಶೇ. 86.6 ಮತದಾನವಾಗಿದೆ.
ಕೋಟೆಪುರ, ಮೇಲಂಗಡಿ, ಮುಕ್ಕಚೇರಿ, ಅಳೇಕಲ, ಕಲ್ಲಾಪು ಹೀಗೆ 5 ಕರಿಯ (ವಲಯ)ಗಳಿಂದ ತಲಾ 11 ಮಂದಿಯಂತೆ 55 ಮಂದಿ ಸದಸ್ಯರ ಆಯ್ಕೆಗೆ ಮುಕ್ಕಚೇರಿ-ಒಂಭತ್ತುಕೆರೆಯ ದ.ಕ. ಜಿಪಂ ಹಿ.ಪ್ರಾ. ಶಾಲೆಯಲ್ಲಿ ಬೆಳಗ್ಗೆ 8ರಿಂದ ಅಪರಾಹ್ನ 3ರವರೆಗೆ ಚುನಾವಣೆ ನಡೆಯಿತು. 3512 ಮತದಾರರ ಪೈಕಿ 2935 ಮಂದಿ ಮತದಾನ ಮಾಡಿದ್ದಾರೆ.
ಈಗಾಗಲೆ ಮತಎಣಿಕೆ ಆರಂಭಗೊಂಡಿದ್ದು, ಇಂದು ಮುಸ್ಸಂಜೆಯೊಳಗೆ ಫಲಿತಾಂಶ ಪ್ರಕಟಿಸಲಾಗುತ್ತದೆ ಎಂದು ದ.ಕ.ಜಿಲ್ಲಾ ವಕ್ಫ್ ಅಧಿಕಾರಿ ತಿಳಿಸಿದ್ದಾರೆ.