ಬಿ.ಸಿ.ರೋಡು: ಪರ್ಲಿಯಾ ನರ್ಸಿಂಗ್ ಹೋಮ್ ಎಂ.ಡಿ. ಡಾ ಮುಹಮ್ಮದ್ ನಿಧನ

ಬಂಟ್ವಾಳ : ಬಿ.ಸಿ.ರೋಡ್  ಸಮೀಪದ ಪರ್ಲಿಯಾ ನರ್ಸಿಂಗ್ ಹೋಮ್ ಸ್ಥಾಪಕ, ಮಾಲಕ ಹಾಗೂ ಎಂ.ಡಿ,  ಡಾ ಮುಹಮ್ಮದ್(80) ಅವರು ಅಸೌಖ್ಯದಿಂದ ಸೋಮವಾರ ಬೆಳಿಗ್ಗೆ ಪರ್ಲಿಯಾದ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ. 

ಪರ್ಲಿಯಾ ನರ್ಸಿಂಗ್ ಹೋಮ್ ನ  ಸ್ತ್ರೀ ತಜ್ಞೆ ಡಾ. ಮೈಮೂನಾ ಅವರ ಪತಿಯಾಗಿರುವ ಇವರು ಸುದೀರ್ಘ ಕಾಲ ಪಾಣೆಮಂಗಳೂರು ಸಮೀಪದ ಆಲಡ್ಕದಲ್ಲಿ ಕ್ಲಿನಿಕ್ ಹೊಂದಿ ಸಾರ್ವಜನಿಕರಿಗೆ ವೈದ್ಯಕೀಯ ಸೇವೆ ನೀಡಿ ಮೊಮ್ಮೊದು ಡಾಕ್ಟರ್ ಎಂದೇ ಜನಾನುರಾಗಿಯಾಗಿದ್ದಾರೆ.

ಇವರಿಗೆ ಡಾ ಇರ್ಫಾನ್, ಡಾ ಇಮ್ರಾನ್, ಇಸಾನ್, ಹಾಗೂ ಡಾ ರಿಮಾ ಎಂಬ ನಾಲ್ವರು ಮಕ್ಕಳಿದ್ದಾರೆ. ಮಂಗಳೂರಿನ ಖ್ಯಾತ ಕ್ಯಾನ್ಸರ್ ತಜ್ಞ ಡಾ. ಜಲಾಲುದ್ದೀನ್ ಅಕ್ಬರ್ ಅವರ ಚಿಕ್ಕಪ್ಪರಾಗಿದ್ದಾರೆ.