ನಾಟಕ ಅಕಾಡಮಿ ಪ್ರಶಸ್ತಿ ಘೋಷಣೆ : ಮುಖ್ಯಮಂತ್ರಿ ಚಂದ್ರುಗೆ ಜೀವಮಾನ ಸಾಧನೆ ಗೌರವ

ಬೆಂಗಳೂರು : ಕರ್ನಾಟಕ ನಾಟಕ ಅಕಾಡಮಿಯ 2026-27ನೇ ಸಾಲಿನ ಜೀವಮಾನ ಸಾಧನೆ ಗೌರವ ಪ್ರಶಸ್ತಿಗೆ ಡಾ.ಮುಖ್ಯಮಂತ್ರಿ ಚಂದ್ರು ಆಯ್ಕೆಯಾಗಿದ್ದಾರೆ ಎಂದು ನಾಟಕ ಅಕಾಡಮಿಯ ಅಧ್ಯಕ್ಷ ಕೆ.ವಿ.ನಾಗರಾಜ ಮೂರ್ತಿ ತಿಳಿಸಿದ್ದಾರೆ.

ಗುರುವಾರ ನಗರದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ವಾರ್ಷಿಕ ಪ್ರಶಸ್ತಿಗೆ ವಿಶ್ವೇಶ್ವರಿ ಬಸವಲಿಂಗಯ್ಯ ಹಿರೇಮಠ ರಮೇಶ ತಿಪ್ಪಣ್ಣ ಚಿತ್ರಗಾರ, ಶಿವಾನಂದ ತಗಡೂರು, ಆರ್.ರಾಮಕೃಷ್ಣ (ಚನ್ನಯ್ಯ), ಅನುಸೂಯ ರೇವಣಸಿದ್ದಯ್ಯ, ಅಯ್ಯಣ್ಣ ಸ್ವಾಮಿ ಹಿರೇಮಠ, ಫಣಿಯಮ್ಮ ಎಚ್.ಎಸ್., ಮಲ್ಲಪ್ಪ ಭರಮಪ್ಪ ಕುರಿ, ಕೆ.ಪಿ.ಸ್ವಾಮಿ, ಸುಶೀಲಾ ಹೆಗಡೆ ಮೂರೂರು, ರಾಜಕುಮಾರ್ ಎಸ್., ಡಾ.ಎಂ.ಗಣೇಶ್ ಹೆಗ್ಗೋಡು, ಪ್ರದೀಪ್ ಚಂದ್ರ ಕುತ್ಪಾಡಿ, ಎನ್.ಟಿ.ಕೃಷ್ಣಪ್ಪ, ಪುರುಷೋತ್ತಮ ಹಂದ್ಯಾಳ್, ಡಾ.ಎಸ್.ವಿ.ಸುಷ್ಮಾ, ನಂದ ಹಳೆಮನೆ, ಶ್ರೀನಿವಾಸ್, ವೈ.ಎನ್.ಉಮಾ, ಗದಿಗೆಯ್ಯಾ ವಿ.ಹೆರೇಮಠ, ಟಿ.ಭಾರತಿ, ಬಿ.ಸಾವಿತ್ರಮ್ಮ, ಎಂ.ಸಿ.ಶಿವರುದ್ರಪ್ಪ, ವೇಣುಗೋಪಾಲ್.ಕೆ, ಎನ್.ಎಂ.ಲಕ್ಷ್ಮಯ್ಯ ಅವರು ಆಯ್ಕೆಯಾಗಿದ್ದಾರೆ ಎಂದು ತಿಳಿಸಿದರು.

ಜೀವಮಾನ ಸಾಧನೆ ಗೌರವ ಪ್ರಶಸ್ತಿ ಪುರಸ್ಕೃತರಿಗೆ 50 ಸಾವಿರ ರೂ. ನಗದು, ವಾರ್ಷಿಕ ಪ್ರಶಸ್ತಿ ಪುರಸ್ಕೃತರಿಗೆ ತಲಾ 25 ಸಾವಿರ ರೂ. ನಗದು, ವಿವಿಧ ದತ್ತಿ ಪ್ರಶಸ್ತಿ ಪುರಸ್ಕೃತರಿಗೆ ತಲಾ 15 ಸಾವಿರ ರೂ. ನಗದು ಫಲಕ ನೀಡಿ ಗೌರವಿಸಲಾಗುತ್ತದೆ ಎಂದು ತಿಳಿಸಿದರು. ಸುದ್ದಿಗೋಷ್ಠಿಯಲ್ಲಿ ನಾಟಕ ಅಕಾಡಮಿಯ ರಿಜಿಸ್ಟ್ರಾರ್ ಬಿ.ನೀಲಮ್ಮ ಹಾಜರಿದ್ದರು.