ಫರಂಗಿಪೇಟೆ | ಧಾರಾಕಾರ ಮಳೆಗೆ ಅಮೆಮ್ಮಾರ್ ನಲ್ಲಿ ಗುಡ್ಡೆ ಕುಸಿತ: ಮನೆಗೆ ಹಾನಿ

ಫರಂಗಿಪೇಟೆ, ಜು.17: ಕೆಲವು ದಿನಗಳಿಂದ ಸುರಿಯುತ್ತಿರುವ ಧಾರಾಕಾರ ಮಳೆಗೆ ಪುದು ಗ್ರಾಮದ ಅಮೆಮ್ಮಾರ್ ನಲ್ಲಿ ಗುಡ್ಡ ಕುಸಿದುಬಿದ್ದ ಪರಿಣಾಮ ಮನೆಯೊಂದು ಹಾನಿಗೊಂಡಿರುವುದು ವರದಿಯಾಗಿದೆ.

ಅಮೆಮ್ಮಾರ್ ನ ಝುಬೈರ್ ಎಂಬವರ ಮನೆಯ ಹಿಂಬದಿಯ ಗುಡ್ಡೆ ಜರಿದು ಮನೆಗೆ ಭಾಗಶಃ ಹಾನಿಯಾಗಿದೆ.

ಕುಸಿದ ಗುಡ್ಡೆಯ ಮಣ್ಣು ರಸ್ತೆಯನ್ನು ಆವರಿಸಿರುವುದರಿಂದ ಸಂಚಾರಕ್ಕೆ ತೊಡಕುಂಟಾಗಿದೆ. ಗುಡ್ಡ ಇನ್ನಷ್ಟು ಕುಸಿಯುವ ಅಪಾಯವಿದ್ದು, ಇಲ್ಲಿನ ಕೆಲವು ಕುಟುಂಬಗಳನ್ನು ಸ್ಥಳಾಂತರಿಸಲಾಗಿದೆ.

ಸ್ಥಳಕ್ಕೆ ಗ್ರಾಮ ಪಂಚಾಯತ್ ಅಧ್ಯಕ್ಷ ರಶೀದ್, ಗ್ರಾಮದ ಲೆಕ್ಕಾಧಿಕಾರಿ ಅಶ್ವಿನಿ, ಸಹಾಯಕಿ ಸದಾ, ಗ್ರಾಪಂ ಸದಸ್ಯರಾದ ಶಾಫಿ ಅಮೆಮ್ಮಾರ್, ಸಾರಾ, ಆತಿಕಾ, ರುಕ್ಸಾನ, ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷ ಅಖ್ತರ್ ಹುಸೈನ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.