ಬಿಸಿಸಿ ಪ್ರೀಮಿಯರ್ ಲೀಗ್ 2026: ಪ್ಯಾರಡೈಸ್ ತಂಡ ಚಾಂಪಿಯನ್
Update: 2026-02-03 13:13 IST
ಮೂಡಬಿದ್ರಿ: ಬೆಳ್ವಾಯಿ ಕಮ್ಯೂನಿಟಿ ಸೆಂಟರ್ (ಬಿಸಿಸಿ) ಆಯೋಜಿಸಿದ್ದ ಬಿಸಿಸಿ ಪ್ರೀಮಿಯರ್ ಲೀಗ್ 2026 (ಸೀಸನ್–3) ಅಂಡರ್ಆರ್ಮ್ ಕ್ರಿಕೆಟ್ ಟೂರ್ನಮೆಂಟ್ ಜ.31 ಮತ್ತು ಫೆ.1 ರಂದು ಎಸ್ಎಂಪಿ ಹೈಸ್ಕೂಲ್ ಮೈದಾನದಲ್ಲಿ ನಡೆಯಿತು.
ಜ.31ರಂದು ನಡೆದ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆಯನ್ನು ಬಿಸಿಸಿ ಅಧ್ಯಕ್ಷ ಅನ್ವರ್ ಹುಸೇನ್ ಇಸ್ಮಾಯಿಲ್ ವಹಿಸಿದ್ದರು. ಹಸ್ದುಲ್ಲಾ ಇಸ್ಮಾಯಿಲ್ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಬಿಸಿಸಿ ಕಾರ್ಯದರ್ಶಿ ಶೇಖ್ ಫಹಾದ್ ಕಾರ್ಯಕ್ರಮವನ್ನು ನಿರೂಪಿಸಿದರು. ಟೂರ್ನಮೆಂಟ್ ಅನ್ನು ಈವೆಂಟ್ಸ್ ಮ್ಯಾನೇಜರ್ ಜಾಹಿದ್ ಹುಸೇನ್ ಹಾಗೂ ಸಹಾಯಕ ಈವೆಂಟ್ಸ್ ಮ್ಯಾನೇಜರ್ ಮುಹಮ್ಮದ್ ಸಿರಾಜ್ ನಿರ್ವಹಿಸಿದರು.
ಉದ್ಘಾಟನಾ ಸಮಾರಂಭದಲ್ಲಿ ಮುಹಮ್ಮದ್ ಸಾಹೇಬ್ ಉಸ್ಮಾನ್, ನಾಸಿರ್ ಶೇಖ್ ಗುಲಾಂ ಹುಸೇನ್, ಅನ್ವರ್ ಎ. ಕರೀಂ, ಶೌಕತ್ ಅಲಿ, ಅಮೀರ್ ಗೌಸ್, ಹುಸೇನ್ ಸಾಹೇಬ್, ನಾಸಿರ್ ನ್ಯೂ ಮಾಸ್ಟರ್, ಮುನೀರ್ ಯೂಸುಫ್, ನಾಸಿರ್ ಎ. ಕರೀಂ, ಅಬ್ದುಲ್ ಕಯ್ಯುಮ್ ಮತ್ತು ಅಝೀಮ್ ಜಾಫರ್ ಸಾಹೇಬ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
ಪ್ಯಾರಡೈಸ್ ತಂಡ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿತು. ಟೀಮ್ ಬೆಳ್ವಾಯಿ ಫ್ರೆಂಡ್ಸ್ ರನ್ನರ್-ಅಪ್ ಆಗಿ ಹೊರಹೊಮ್ಮಿತು.
ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದ ಅಧ್ಯಕ್ಷರು, ಇಂತಹ ಕ್ರೀಡಾ ಟೂರ್ನಮೆಂಟ್ಗಳು ಸೌಹಾರ್ದತೆ, ಶಿಸ್ತು ಮತ್ತು ತಂಡಭಾವನೆ ಬೆಳೆಸಲು ಸಹಕಾರಿಯಾಗುತ್ತವೆ ಎಂದು ಹೇಳಿದರು.
ಪ್ರಮುಖ ಪ್ರಾಯೋಜಕರಾದ ALS ಬಾರ್ಡರ್ಲೆಸ್ ಲಾಜಿಸ್ಟಿಕ್ಸ್, ಎಕ್ಸ್ಪರ್ಟೈಸ್, AR ಅರೇಬಿಯನ್ ಲಾಜಿಸ್ಟಿಕ್ಸ್ ಮತ್ತು ಟೀಮ್ ಟೆನ್ ರೇಸಿಂಗ್ ಸಂಸ್ಥೆಗಳಿಗೆ ಹಾಗೂ ಎಲ್ಲಾ ದಾನಿಗಳು, ಹಿತೈಷಿಗಳು, ಬಿಸಿಸಿ ಸದಸ್ಯರು, ಸ್ವಯಂಸೇವಕರು, ತಂಡದ ಮಾಲೀಕರು, ಕ್ರಿಕೆಟ್ ಆಟಗಾರರು ಹಾಗೂ ಆಯೋಜನಾ ಸಮಿತಿಯ ಸದಸ್ಯರಿಗೆ ಧನ್ಯವಾದಗಳನ್ನು ಸಲ್ಲಿಸಿದರು.