UAE ಉಪಾಧ್ಯಕ್ಷರ ಸಹೋದರ ಶೇಖ್ ಅಹ್ಮದ್ ನಿಧನ; ದುಬೈನಲ್ಲಿ 10 ದಿನಗಳ ಶೋಕಾಚರಣೆ ಘೋಷಣೆ

ದುಬೈ: ದುಬೈ ಆಡಳಿತಗಾರ, ಯುಎಇ ಉಪಾಧ್ಯಕ್ಷ ಹಾಗೂ ಪ್ರಧಾನಮಂತ್ರಿ ಶೇಖ್ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೌಮ್ ಅವರ ಕಿರಿಯ ಸಹೋದರ ಶೇಖ್ ಅಹ್ಮದ್ ಬಿನ್ ರಶೀದ್ ಅಲ್ ಮಕ್ತೌಮ್ ಅವರು ಸೋಮವಾರ (ಸೆ.21) 76ನೇ ವಯಸ್ಸಿನಲ್ಲಿ ನಿಧನರಾದರು.

ಅವರ ನಿಧನದ ಹಿನ್ನೆಲೆಯಲ್ಲಿ ದುಬೈನಲ್ಲಿ 10 ದಿನಗಳ ಅಧಿಕೃತ ಶೋಕಾಚರಣೆಯನ್ನು ಘೋಷಿಸಲಾಗಿದೆ.

ಶೋಕಾಚರಣೆ ತಕ್ಷಣದಿಂದಲೇ ಆರಂಭವಾಗಿದ್ದು, ಈ ಅವಧಿಯಲ್ಲಿ ಎಮಿರೇಟ್‌ನಾದ್ಯಂತ ಧ್ವಜಗಳನ್ನು ಅರ್ಧ ಮಟ್ಟದಲ್ಲಿ ಹಾರಿಸಲಾಗುವುದು ಎಂದು ದುಬೈ ಆಡಳಿತಗಾರರ ನ್ಯಾಯಾಲಯ ತಿಳಿಸಿದೆ.