ಅಮೆರಿಕದ 7 ರಾಜ್ಯಗಳ ನೀರು ಸರಬರಾಜು ವ್ಯವಸ್ಥೆಗಳ ಮೇಲೆ ಸೈಬರ್ ದಾಳಿ: ವರದಿ

ವಾಶಿಂಗ್ಟನ್, ಆ.11: ಅಮೆರಿಕದ ಕನಿಷ್ಠ ಏಳು ರಾಜ್ಯಗಳ ಕುಡಿಯುವ ನೀರು ಮತ್ತು ತ್ಯಾಜ್ಯನೀರು ನಿರ್ವಹಣಾ ವ್ಯವಸ್ಥೆಗಳನ್ನು ಸೈಬರ್ ಶಕ್ತಿಗಳು ಹ್ಯಾಕ್ ಮಾಡಿವೆ ಎಂದು ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ (ಎಫ್‍ಬಿಐ) ಎಚ್ಚರಿಕೆ ನೀಡಿದೆ.

ಈ ದಾಳಿಯು ದೈನಂದಿನ ಕಾರ್ಯಾಚರಣೆಗೆ ಅಡಚಣೆ ಉಂಟುಮಾಡಿದ್ದಲ್ಲದೆ, ನಿರ್ಣಾಯಕ ಸಾರ್ವಜನಿಕ ಸೇವಾ ವ್ಯವಸ್ಥೆಗಳಲ್ಲಿನ ಲೋಪದೋಷಗಳನ್ನು ಬಹಿರಂಗಪಡಿಸಿದೆ. ಜಾರ್ಜಿಯಾ, ನ್ಯೂಜರ್ಸಿ ಮತ್ತು ಸೌತ್ ಡಕೋಟಾದಂತಹ ಹಲವಾರು ರಾಜ್ಯಗಳು ಇದೇ ರೀತಿಯ ಸೈಬರ್ ದಾಳಿಗಳನ್ನು ವರದಿ ಮಾಡಿವೆ. ಆದರೆ, ಇವು ಎಫ್‍ಬಿಐ ಪಟ್ಟಿಯಲ್ಲಿರುವ ಏಳು ರಾಜ್ಯಗಳಲ್ಲಿ ನಡೆದ ದಾಳಿಯ ಭಾಗವೇ ಎಂಬುದು ಇನ್ನೂ ದೃಢಪಟ್ಟಿಲ್ಲ.