FIFA World Cup 2026: ಪೆನಾಲ್ಟಿ ಶೂಟೌಟ್ ನಲ್ಲಿ ಕೊಲಂಬಿಯಾವನ್ನು ಮಣಿಸಿದ ಸ್ವಿಟ್ಜರ್ಲೆಂಡ್ ಕ್ವಾರ್ಟರ್ಫೈನಲ್ ಗೆ ಲಗ್ಗೆ

ವ್ಯಾಂಕೋವರ್: ತೀವ್ರ ಪೈಪೋಟಿಯ 16ರ ಘಟ್ಟದ ಗೋಲು ರಹಿತ ಪಂದ್ಯದಲ್ಲಿ ಪೆನಾಲ್ಟಿ ಶೂಟೌಟ್ ನಲ್ಲಿ ಕೊಲಂಬಿಯಾವನ್ನು ಮಣಿಸಿದ ಸ್ವಿಟ್ಜರ್ಲೆಂಡ್ ಕ್ವಾರ್ಟರ್ಫೈನಲ್ ತಲುಪಿದೆ. ಹೆಚ್ಚುವರಿ ಅವಧಿಯಲ್ಲೂ ಉಭಯ ತಂಡಗಳು ಗೋಲು ಗಳಿಸುವಲ್ಲಿ ವಿಫಲವಾಗಿದ್ದು, ಅಂತಿಮವಾಗಿ ಪೆನಾಲ್ಟಿ ಶೂಟೌಟ್ ನಲ್ಲಿ 4-3 ಅಂತರದ ಮೂಲಕ ಸ್ವಿಟ್ಜರ್ಲೆಂಡ್ ಜಯ ಗಳಿಸಿ ಕಳೆದ ಏಳು ದಶಕಗಳಲ್ಲೇ ಮೊದಲ ಬಾರಿಗೆ ಕ್ವಾರ್ಟರ್ಫೈನಲ್ ಗೆ ಲಗ್ಗೆ ಇಟ್ಟಿದೆ.

ಪಂದ್ಯ ಆರಂಭಕ್ಕೂ ಮುನ್ನವೇ ಮುರಾತ್ ಯಾಕಿನ್ ನೇತೃತ್ವದ ಸ್ವಿಟ್ಜರ್ಲೆಂಡ್ ತಂಡಕ್ಕೆ ಭಾರಿ ಆಘಾತ ಎದುರಾಗಿತ್ತು. ತಂಡದ ಉದಯೋನ್ಮುಖ ತಾರೆ ಜೊಹಾನ್ ಮಂಜಾಂಬಿ ಮೊಣಕಾಲು ಗಾಯದ ಕಾರಣ ಪಂದ್ಯದಿಂದ ಹೊರಗುಳಿದಿದ್ದರು. ಈ ಚುರುಕಿನ ಆಟಗಾರನ ಅನುಪಸ್ಥಿತಿಯು ಮೊದಲಾರ್ಧದಲ್ಲಿ ಎದ್ದು ಕಾಣುತ್ತಿತ್ತು.

ಮೊದಲಾರ್ಧದಲ್ಲಿ ಕೊಲಂಬಿಯಾ ಮೇಲುಗೈ ಸಾಧಿಸಿದರೂ, ಯಾವುದೇ ಸ್ಪಷ್ಟ ಗೋಲು ಗಳಿಸುವ ಅವಕಾಶಗಳನ್ನು ಸೃಷ್ಟಿಸಲು ಸಾಧ್ಯವಾಗಲಿಲ್ಲ.

ಗೋಲು ಗಳಿಸುವ ಸ್ಪಷ್ಟ ಅವಕಾಶಗಳು ತೀರಾ ವಿರಳವಾಗಿದ್ದ ಪಂದ್ಯದಲ್ಲಿ ದ್ವಿತೀಯಾರ್ಧದಲ್ಲೂ ಯಾವುದೇ ಗೋಲುಗಳು ದಾಖಲಾಗದೆ ಹೆಚ್ಚುವರಿ ಅವಧಿ ನೀಡಲಾಯಿತು. ಹೆಚ್ಚುವರಿ ಸಮಯ ಪಂದ್ಯದಲ್ಲಿ ಮತ್ತಷ್ಟು ರೋಮಾಂಚನವನ್ನು ತಂದಿತು. ಪಂದ್ಯದ ಫಲಿತಾಂಶವನ್ನು ನಿರ್ಧರಿಸಲು ಅಂತಿಮವಾಗಿ ಪೆನಾಲ್ಟಿಗಳ ನೆರವು ಬೇಕಾಯಿತು. ವರ್ಗಾಸ್ ನಿರ್ಣಾಯಕ ಗೋಲು ಬಾರಿಸುವ ಮೂಲಕ ಸ್ವಿಟ್ಜರ್ಲೆಂಡ್ ತಂಡವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ದರು.

ಕ್ವಾರ್ಟರ್ಫೈನಲ್ ನಲ್ಲಿ ಸ್ವಿಟ್ಜರ್ಲೆಂಡ್ ತಂಡವು ಅರ್ಜೆಂಟೀನಾವನ್ನು ಎದುರಿಸಲಿದೆ.