ಕಾರ್ಕಳ: ವರ್ಕ್‌ಫ್ರಮ್ ಹೋಮ್‌ನ ಐಟಿ ಉದ್ಯೋಗಿ ಆತ್ಮಹತ್ಯೆ

ಕಾರ್ಕಳ, ಅ.17: ವೈಯಕಿಕ್ತ ಕಾರಣದಿಂದ ಮನನೊಂದ ವರ್ಕ್ ಫ್ರಮ್ ಹೋಮ್‌ನಲ್ಲಿದ್ದ ಐಟಿ ಉದ್ಯೋಗಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಅ.16ರಂದು ರಾತ್ರಿ ವೇಳೆ ನಡೆದಿದೆ.

ಮೃತರನ್ನು ಕಾರ್ಕಳದ ಸಂಪತ್ ಕುಮಾರ್ ಎಂಬವರ ಮಗಳು ಚಾರ್ವಿ(23) ಎಂದು ಗುರುತಿಸಲಾಗಿದೆ.

ಇವರು ಇಂಜಿನಿಯರಿಂಗ್ ಪದವಿ ಮುಗಿಸಿ ಕಳೆದ 6 ತಿಂಗಳುಗಳಿಂದ ವರ್ಕ್ ಫ್ರಮ್ ಹೋಮ್ ಕೆಲಸ ಮಾಡಿಕೊಂಡಿದ್ದರು. ಮನೆಯಲ್ಲಿ ರೂಮಿಗೆ ಬಾಗಿಲು ಹಾಕಿ ಕೆಲಸ ಮಾಡಿಕೊಂಡಿದ್ದ ಚಾರ್ವಿ, ರಾತ್ರಿ ಯಾದರೂ ಕೋಣೆಯಿಂದ ಹೊರ ಬಾರದೆ ಇರುವುದನ್ನು ಗಮನಿಸಿದ ಮನೆ ಯವರು, ಕಿಟಕಿಯಿಂದ ನೋಡಿದಾಗ ಆಕೆ ಪಕ್ಕಾಸಿಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡು ಬಂದಿದೆ. ಆತ್ಮಹತ್ಯೆಗೆ ನಿಖರವಾದ ಕಾರಣ ತಿಳಿದುಬಂದಿಲ್ಲ.

ಈ ಬಗ್ಗೆ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.