ಮಂಚ

ಬಡಗಿಯ ಬಳಿ ಶ್ರೀಮಂತ ಬಂದ.

‘‘ಬೆಲೆಬಾಳುವ ಮರಗಳಿಂದ ಕೆತ್ತಿದ ಸುಂದರ ಮಂಚ ಬೇಕಾಗಿತ್ತು....’’
ಅಪರೂಪದ ಕೆತ್ತನೆಗಳಿಂದ ಕೂಡಿದ ಮಂಚವನ್ನು ರಾತ್ರಿಯಿಡೀ ಕೆತ್ತಿ, ಬೆಳಗ್ಗೆ ಆ ಮಂಚದ ಕೆಳಗೆ ನಿದ್ದೆ ಹೋದ.
ಮರುದಿನ ಶ್ರೀಮಂತ ಬಂದವನೇ ಬಡಗಿಯಲ್ಲಿ ಕೇಳಿದ ‘‘ಮಂಚದಲ್ಲಿ ಮಲಗದೇ ಕೆಳಗೆ ಯಾಕೆ ಮಲಗಿದ್ದೀಯ?’’
‘‘ನೆಲದಲ್ಲಿ ಮಲಗಿದರಷ್ಟೇ ನನಗೆ ಕಣ್ತುಂಬ ನಿದ್ದೆ ಬರುವುದು’’ ಬಡಗಿ ಹೇಳಿದ.
ಅಂದು ರಾತ್ರಿಯಿಡೀ ಹೊಸ ಮಂಚದಲ್ಲಿ ಶ್ರೀಮಂತ ನಿದ್ದೆಯಿಲ್ಲದೆ ಹೊರಳಾಡುತ್ತಿದ್ದ.