ಹೈಕೋರ್ಟ್ನಲ್ಲಿ ನಿವೃತ್ತ ಎನ್ಜಿಇಎಫ್ ಸಿಬ್ಬಂದಿ ಹೃದಯಾಘಾತದಿಂದ ಸಾವು
Update: 2017-07-11 22:02 IST
ಬೆಂಗಳೂರು, ಜು.11: ಹೈಕೋರ್ಟ್ನಲ್ಲಿ ನಿವೃತ್ತ ಎನ್ಜಿಇಎಫ್ ಸಿಬ್ಬಂದಿಯೋರ್ವರಿಗೆ ಹೃದಯಾಘಾತವಾದ ಘಟನೆ ನಡೆದಿದೆ. ಕೂಡಲೇ ಅವರನ್ನು ನಗರದ ಬೌರಿಂಗ್ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.
69 ವರ್ಷದ ಅಂದಾನಪ್ಪ ಹೃದಯಾಘಾತಕ್ಕೀಡಾದ ವ್ಯಕ್ತಿ. ಹೃದ್ರೋಗಿಯಾಗಿದ್ದ ಅವರು ಹೈಕೋರ್ಟ್ ಕ್ಯಾಂಟೀನ್ನಲ್ಲಿ ಊಟ ಮಾಡುತ್ತಿದ್ದಾಗ ಈ ಘಟನೆ ನಡೆದಿದೆ. ಕೂಡಲೇ 108 ಆಂಬ್ಯುಲೆನ್ಸ್ ಕರೆಸಿ ಆಸ್ಪತ್ರೆಗೆ ರವಾನಿಸಲಾಯಿತು. ಪ್ರಕರಣವೊಂದರ ವಿಚಾರಣೆ ಸಂಬಂಧ ಅಂದಾನಪ್ಪ ಹೈಕೋರ್ಟ್ಗೆ ಆಗಮಿಸಿದ್ದರು.