ಅಬುಧಾಬಿ ಲಾಟರಿ: 12.4 ಕೋಟಿ ರೂ. ಗೆದ್ದ ಭಾರತೀಯ
Update: 2018-03-05 17:34 GMT
ಅಬುಧಾಬಿ, ಮಾ. 5: ಅಬುಧಾಬಿಯ ಲಾಟರಿಯೊಂದರಲ್ಲಿ ಭಾರತೀಯ ವಲಸಿಗ ತನ್ಸಿಲಸ್ ಬಾಬು ಮ್ಯಾಥ್ಯೂ 7 ಮಿಲಿಯ ದಿರ್ಹಮ್ (ಸುಮಾರು 12.4 ಕೋಟಿ ರೂಪಾಯಿ) ಬಹುಮಾನ ಗೆದ್ದಿದ್ದಾರೆ.
‘ಬಿಗ್ ಟಿಕೆಟ್ ಅಬುಧಾಬಿ’ಯ ಟಿಕೆಟನ್ನು ತನ್ಸಿಲಸ್ ಖರೀದಿಸಿದ್ದರು. ಅವರು ಬಂಪರ್ ಬಹುಮಾನ ಗೆದ್ದಿದ್ದಾರೆ ಎಂಬುದಾಗಿ ಸೋಮವಾರ ಘೋಷಿಸಲಾಯಿತು.
ಆದರೆ, ಸೋಮವಾರದ ಡ್ರಾದಲ್ಲಿ ಅವರೊಬ್ಬರೇ ಅದೃಷ್ಟಶಾಲಿ ವಿಜೇತರಲ್ಲ. ಲಾಟರಿಯ 8 ವಿಜೇತರಲ್ಲಿ 7 ಮಂದಿ ಭಾರತೀಯರು ಹಾಗೂ ಓರ್ವ ಬಹರೈನ್ ಪ್ರಜೆ. ಅವರೆಲ್ಲರಿಗೂ ತಲಾ 1 ಲಕ್ಷ ದಿರ್ಹಮ್ (17.73 ಲಕ್ಷ ರೂಪಾಯಿ) ಬಹುಮಾನ ದೊರೆತಿದೆ.