ಅರ್ಜೆಂಟೀನದ ಫುಟ್ಬಾಲ್ ಆಟಗಾರ ಎಸ್ಪರ್ಸನ್ ಕಟ್ಟಡದಿಂದ ಬಿದ್ದು ಮೃತ್ಯು
Update: 2019-10-09 01:53 GMT
ಬ್ಯುನಸ್‌ಐರಿಸ್, ಅ.8: ಅರ್ಜೆಂಟೀನದ ಫುಟ್ಬಾಲ್ ಆಟಗಾರ ಎರೊಕ್ವಿಯೆಲ್ ಎಸ್ಪರ್ಸನ್ ಬ್ಯುನಸ್‌ಐರಿಸ್‌ನ ಕಟ್ಟಡವೊಂದರ ಆರನೇ ಮಾಳಿಗೆಯಿಂದ ಬಿದ್ದು ಮೃತಪಟ್ಟಿದ್ದಾರೆ. ಅವರಿಗೆ 23 ವಯಸ್ಸಾಗಿತ್ತು.
ಎಸ್ಪರ್ಸನ್ ಅವರ ಬಾಲ್ಯದ ಫುಟ್ಬಾಲ್ ಕ್ಲಬ್ ಅಟ್ಲೆಟಿಕೊ ಆಲ್ ಬಾಯ್ಸೆ ಹೇಳಿಕೆಯೊಂದರ ಮೂಲಕ ನಿಧನವನ್ನು ಖಚಿತಪಡಿಸಿದೆ. ಈ ಘಟನೆಯಿಂದ ನಮಗೆ ತೀವ್ರ ದುಃಖವಾಗಿದೆ ಎಂದು ಹೇಳಿದೆ.
ಬಾಲ್ಕನಿಯ ಒಂದು ಭಾಗ ಕುಸಿದುಬಿದ್ದ ಪರಿಣಾಮ ಈ ಅಪಘಾತ ಸಂಭವಿಸಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಿೆ.
ಎಸ್ಪರ್ಸನ್ ಈ ಹಿಂದೆ ಮೆಕ್ಸಿಕೊ ಅಟ್ಲಾಂಟೆ ಹಾಗೂ ಬ್ರೆಝಿಲ್‌ನ ಎದುರಾಳಿ ಗ್ರಿಮಿಯೊ ಹಾಗೂ ಇಂಟರ್‌ನ್ಯಾಶನಲ್ ಪರ ಮಿಡ್ ಫೀಲ್ಡರ್ ಆಗಿ ಆಡಿದ್ದರು. ಮೇನಲ್ಲಿ ಅಟ್ಲಾಂಟೆ ತಂಡವನ್ನು ತೊರೆದ ಬಳಿಕ ಯಾವುದೇ ತಂಡದೊಂದಿಗೆ ಸಹಿ ಹಾಕಿರಲಿಲ್ಲ.