ಬೆಂಗಳೂರು: ಮರ್ಸಿಡಿಸ್ ಬೆಂಝ್ ನೂತನ ಎಸ್‌ಯುವಿ ಜಿಎಲ್‌ಸಿ ಬಿಡುಗಡೆ

ಬೆಂಗಳೂರು, ಡಿ. 6: ಮರ್ಸಿಡಿಸ್ ಬೆಂಝ್ ಕಾರುಗಳ ಅಧಿಕೃತ ಡೀಲರ್ ಸುಂದರಂ ಮೋಟರ್ಸ್ ಬೆಂಗಳೂರಿನ ಕಸ್ತೂರ ಬಾ ರಸ್ತೆಯಲ್ಲಿರುವ ಶೋರೂಮ್‌ನಲ್ಲಿ ಶುಕ್ರವಾರ ನೂತನ ವಿಲಾಸಿ ಎಸ್‌ಯುವಿ ಜಿಎಲ್‌ಸಿಯನ್ನು ಅನಾವರಣಗೊಳಿಸಿತು.

ಈ ನೂತನ ಎಸ್‌ಯುವಿಯಲ್ಲಿ ವಿಲಾಸಿ ವಾಹನಗಳ ವಿಭಾಗದಲ್ಲೇ ಅತ್ಯಂತ ಆಧುನಿಕ ಹಾಗೂ ಕ್ರಾಂತಿಕಾರಿ ಸೌಲಭ್ಯಗಳಿವೆ ಎಂದು ಸುಂದರಂ ಮೋಟರ್ಸ್ ಪ್ರಕಟನೆಯಲ್ಲಿ ತಿಳಿಸಿದೆ.

ದೇಶದಲ್ಲೇ ಎನ್‌ಟಿಜಿ6 ಟೆಲಿಮ್ಯಾಟಿಕ್ಸ್ ನೊಂದಿಗೆ ಬಂದಿರುವ ಪ್ರಪ್ರಥಮ ಮರ್ಸಿಡಿಸ್ ಬೆಂಝ್ ವಾಹನ ಇದಾಗಿದ್ದು ನೂತನ ಬಿಎಸ್ 6 ಇಂಜಿನ್ ಇದರಲ್ಲಿದೆ. ನೂತನ ಅತ್ಯಾಧುನಿಕ ಇನ್ಫೊಟೆನ್‌ಮೆಂಟ್ ಎಂಬಿಯುಎಕ್ಸ್ ಈ ವಾಹನದ ವಿಶೇಷತೆ.

ಅತ್ಯಾಕರ್ಷಕ ವಿನ್ಯಾಸ, ಉತ್ಕ್ರಷ್ಟ ತಾಂತ್ರಿಕತೆ ಹಾಗೂ ಕನೆಕ್ಟಿವಿಟಿ ಇತ್ಯಾದಿ ಹಲವು ಇತರ ವಿಶೇಷತೆಗಳು ಜಿಎಲ್‌ಸಿಯಲ್ಲಿವೆ ಎಂದು ಪ್ರಕಟನೆ ತಿಳಿಸಿದೆ.

ವಿಲಾಸಿ ಹಾಗೂ ಅತ್ಯಂತ ವೇಗವಾಗಿ ಚಲಾಯಿಸುವಂತಹ ಕಾರುಗಳನ್ನು ಇಷ್ಟಪಡುವ ನಗರವಾಸಿಗಳಿಗೆಂದೇ ವಿಶೇಷವಾಗಿ ಈ ವಾಹನವನ್ನು ವಿನ್ಯಾಸಗೊಳಿಸಲಾಗಿದೆ.

what3words ಎಂಬ ವಿನೂತನ ಲೊಕೇಶನ್ ಟೆಕ್ನಾಲಜಿ ಈ ವಾಹನದಲ್ಲಿದ್ದು ಅದು ಚಲಾಯಿಸುವವರಿಗೆ ತಮ್ಮ ಗುರಿ ತಲುಪಲು ಬಹಳ ಸಹಕಾರಿಯಾಗಲಿದೆ. ಮರ್ಸಿಡಿಸ್ ಬೆಂಝ್ ಸದಾ ಗ್ರಾಹಕ ಕೇಂದ್ರಿತ ಕಾರುಗಳನ್ನು ಬಿಡುಗಡೆ ಮಾಡುವ ಮೂಲಕ ಮುಂಚೂಣಿ ಸ್ಥಾನ ಕಾಯ್ದುಕೊಂಡಿದೆ. ಅತ್ಯುತ್ತಮ ಡ್ರೈವಿಂಗ್ ಅನುಭವ ನೀಡುವುದು ಬೆಂಝ್ ವಿಶೇಷತೆ.

ಇದೇ ನಿಟ್ಟಿನಲ್ಲಿ ಇದೀಗ ಎಂಬಿಯುಕ್ಸ್ ತಂತ್ರಜ್ಞಾನದೊಂದಿಗೆ ಹೊಸ ಜಿಎಲ್‌ಸಿ ಬಂದಿದೆ. ಎಸ್‌ಯುವಿ ವಾಹನದ ವೇಗ ಹಾಗೂ ಒರಟುತನದ ಜೊತೆಗೆ ಅತ್ಯಾಧುನಿಕ ತಂತ್ರಜ್ಞಾನ ಈ ವಾಹನದಲ್ಲಿದ್ದು ಖಂಡಿತ ಗ್ರಾಹಕರ ಮನಗೆಲ್ಲಲಿದೆ ಎಂದು ಟಿವಿಎಸ್ ಸುಂದರಂ ಮೋಟರ್ಸ್ ಬ್ರಾಂಡ್ ಸಿಇಒ ಎಸ್.ಎಸ್.ರಾಮ ಸುಬ್ರಮಣ್ಯಂ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
ಮಾಹಿತಿಗಾಗಿ 9148155175 ಅನ್ನು ಸಂಪರ್ಕಿಸಲು ಕೋರಲಾಗಿದೆ.

ಈ ಕಾರಿನೊಳಗೆ ಮರು ವಿನ್ಯಾಸಗೊಳಿಸಿದ ಎಲ್‌ಇಡಿ ಹೆಡ್‌ಲ್ಯಾಂಪ್, ಅಲಾಯ್ ವೀಲ್ಸ್, ಇನ್‌ಫೊಟೈನ್ಮೆಂಟ್ ಸಿಸ್ಟಮ್ 10.25 ಇಂಚು ಟಚ್ ಸ್ಟ್ರೀನ್ ಇದೆ. ಅಷ್ಟೇ ಅಲ್ಲದೆ ‘ಹೇಯ್ ಮರ್ಸಿಡಿಸ್’ ಎಂದರೆ ಪ್ರತಿಕ್ರಿಯಿಸುವ ವಾಯ್ಸ್ ಕಮಾಂಡ್ ವ್ಯವಸ್ಥೆ, 64 ಬಣ್ಣಗಳ ಆಂಬಿಯೆನ್ಸ್ ಲೈಟಿಂಗ್ (ಒಳಗಿನ ಬೆಳಕಿನ ವಾತಾವರಣ), ವೈರ್‌ಲೆಸ್ ಚಾರ್ಜಿಂಗ್ ವ್ಯವಸ್ಥೆ ಸೇರಿ ಹಲವು ವಿಶೇಷತೆಗಳನ್ನು ಒಳಗೊಂಡಿದೆ.

- ಎಸ್.ಎಸ್.ರಾಮ ಸುಬ್ರಮಣ್ಯಂ, ಟಿವಿಎಸ್ ಸುಂದರಂ ಮೋಟರ್ಸ್ ಬ್ರಾಂಡ್ ಸಿಇಒ