ಫ್ಯಾಕ್ಟ್ ಚೆಕ್: ಕೊರೋನಾವೈರಸ್ ನಾಶಕ್ಕೆ ಹೆಲಿಕಾಪ್ಟರ್ ನಲ್ಲಿ ಔಷಧಿ ಸಿಂಪಡಣೆ ಎಂಬ ಸಂದೇಶ ಸುಳ್ಳು

ಹೊಸದಿಲ್ಲಿ: ಕೊರೋನಾವೈರಸ್ ಅನ್ನು ನಾಶಪಡಿಸಲು ಸರಕಾರ  ಔಷಧಿ ಸಿಂಪಡಿಸಲಿದೆಯೆಂಬ ವಾಟ್ಸ್ಯಾಪ್ ಸಂದೇಶ ಹಲವರಿಗೆ ಬಂದಿರಬಹುದು. ಹಲವರು ಈ ಸಂದೇಶವನ್ನು ನಂಬಿರಲೂಬಹುದು, ಆದರೆ  ಎಚ್ಚರಿಕೆಯಿಂದಿರಿ, ಈ ಸಂದೇಶ ಸುಳ್ಳು.

"ಇಂದು ರಾತ್ರಿ 10 ಗಂಟೆಯಿಂದ ನಾಳೆ ಬೆಳಿಗ್ಗೆ 5 ಗಂಟೆ ತನಕ ಮನೆಯಿಂದ ಹೊರ ಬರಬಾರದೆಂಬ ಮನವಿ. ಕೋವಿಡ್-19 ನಾಶಪಡಿಸಲು ಗಾಳಿಯಲ್ಲಿ ಔಷಧಿ ಸಿಂಪಡಿಸಲಿದ್ದಾರೆ. ಈ ಮಾಹಿತಿಯನ್ನು ನಿಮ್ಮ ಬಂಧುಬಳಗ, ಕುಟುಂಬ ಹಾಗೂ ಸ್ನೇಹಿತರ ಜತೆ ಶೇರ್ ಮಾಡಿ.  ಹೆಲಿಕಾಪ್ಟರ್ ಮೂಲಕ ಸಿಂಪಡಣೆ'' ಎಂದು ಆ ಸಂದೇಶದಲ್ಲಿ ಬರೆಯಲಾಗಿದೆ. ಇಷ್ಟೇ ಅಲ್ಲದೆ ಹಲವು ಆಡಿಯೋ ಸಂದೇಶಗಳೂ ಕೂಡ ವಾಟ್ಸಾಪ್ ನಲ್ಲಿ ಹರಿದಾಡುತ್ತಿದೆ.

ಭಾರತ ಸರಕಾರದ ಪ್ರೆಸ್ ಇನ್ಫಾರ್ಮೇಶನ್ ಬ್ಯುರೋದ ಫ್ಯಾಕ್ಟ್ ಚೆಕ್ ಟ್ವಿಟ್ಟರ್ ಹ್ಯಾಂಡಲ್ ಈ  ಸಂದೇಶ ಸುಳ್ಳೆಂದು ಸಾಬೀತು ಪಡಿಸಿದೆ. "ಇಂತಹ ಯಾವುದೇ ಕ್ರಮವನ್ನು ಭಾರತ ಸರಕಾರ ಕೈಗೊಳ್ಳುತ್ತಿಲ್ಲ, ನಂಬಲರ್ಹ ಮೂಲಗಳಿಂದ ಮಾಹಿತಿ ಪಡೆಯಿರಿ, ಸುಳ್ಳು ಸುದ್ದಿಗಳನ್ನು ಉತ್ಪ್ರೇಕ್ಷಿಸಬೇಡಿ'' ಎಂದು ಅದು ಟ್ವೀಟ್ ಮಾಡಿದೆ.

Amidst #Coronavirusoutbreak, misinformation on CV Vaccine gas spread out through Airplanes is circulating on social media
NO such action has been planned out by the Indian Government.

Get your facts from trusted sources. Do not amplify #fakenews! pic.twitter.com/8F5ksKKBEm

— PIB Fact Check (@PIBFactCheck) March 17, 2020