ಇಡಿ ದಾಳಿ: ಬಿಡಬ್ಲ್ಯುಎಸ್ಎಸ್ಬಿ ನಿವೃತ್ತ ಮುಖ್ಯ ಇಂಜಿನಿಯರ್ ರಿಂದ 7.48 ಕೋಟಿ ರೂ. ಮೌಲ್ಯದ ಸೊತ್ತು ಪತ್ತೆ
Update: 2021-10-22 04:24 GMT
ಬೆಂಗಳೂರು, ಅ.22: ಕೋಟ್ಯಂತರ ರೂಪಾಯಿ ಭ್ರಷ್ಟಾಚಾರದ ಆರೋಪ ಸಂಬಂಧ ಆದಾಯ ತೆರಿಗೆ(ಐಟಿ) ಅಧಿಕಾರಿಗಳು ಬೆಂಗಳೂರು ಜಲ ಸರಬರಾಜು ಮತ್ತು ಒಳಚರಂಡಿ ಮಂಡಳಿಯ(ಬಿಡಬ್ಲ್ಯೂಎಸ್ಎಸ್ಬಿ) ನಿವೃತ್ತ ಮುಖ್ಯ ಅಭಿಯಂತರ ಎಸ್.ಎಂ.ಬಸವರಾಜು ಅವರ ಮನೆ, ಕಚೇರಿಗಳ ಮೇಲೆ ದಾಳಿ ನಡೆಸಿರುವ ಹಿನ್ನೆಲೆಯಲ್ಲಿ ಅವರ ಬ್ಯಾಂಕ್ ಖಾತೆಯನ್ನು ಜಾರಿ ನಿರ್ದೇಶನಾಲಯ(ಇಡಿ) ಗುರುವಾರ ಜಪ್ತಿ ಮಾಡಿದೆ.
ಸದ್ಯ ಎಸ್.ಎಂ.ಬಸವರಾಜು ಅವರ ಬಳಿ 7.48 ಕೋಟಿ ರೂ. ಬೆಲೆಬಾಳುವ ಚಿನ್ನಾಭರಣ, ನಿವೇಶನಗಳು ಫ್ಲ್ಯಾಟ್ ಗಳು ಹಾಗೂ ಮಳಿಗೆಗಳನ್ನು ಹೊಂದಿರುವುದು ಪತ್ತೆಯಾಗಿದ್ದು, ಅಧಿಕ ಸಂಪತ್ತು ಸಂಪಾದಿಸಿದ ಹಿನ್ನೆಲೆಯಲ್ಲಿ ಬಸವರಾಜು ಅವರ ಸ್ಥಿರ ಆಸ್ತಿಗಳ ಬಗ್ಗೆ ತನಿಖೆ ಕೈಗೊಂಡು ಅದನ್ನು ಇಡಿ ಹಸ್ತಾಂತರಿಸಿದೆ.