ಪಿಯುಸಿ ಪರೀಕ್ಷೆ: ಪ್ರೆಸಿಡೆನ್ಸಿ ಪದವಿ ಪೂರ್ವ ಕಾಲೇಜಿಗೆ ಶೇ.100 ಫಲಿತಾಂಶ

ಮಂಗಳೂರು: ಪ್ರೆಸಿಡೆನ್ಸಿ ಪದವಿ ಪೂರ್ವ ಕಾಲೇಜು, ಕೆಲರಾಯಿ, ನೀರುಮಾರ್ಗ ಇದರ  2022-23 ನೇ ಸಾಲಿನ ಶೈಕ್ಷಣಿಕ ವರ್ಷದ ದ್ವಿತೀಯ ಪಿಯುಸಿ ಪರೀಕ್ಷೆಯಲ್ಲಿ ಶೇಕಡಾ ನೂರರಷ್ಟು ಫಲಿತಾಂಶ ಪಡೆದಿದೆ.

ಪರೀಕ್ಷೆಗೆ ಹಾಜರಾದ ಒಟ್ಟು ವಿದ್ಯಾರ್ಥಿಗಳಲ್ಲಿ  ಶೇಕಡಾ 65 ರಷ್ಟು ವಿದ್ಯಾರ್ಥಿಗಳು  ಅತ್ಯುತ್ತಮ ಶ್ರೇಣಿಯಲ್ಲಿ ಹಾಗೂ ಶೇಕಡಾ 35ರಷ್ಟು ವಿದ್ಯಾರ್ಥಿಗಳು ಪ್ರಥಮ  ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ.                                   

ವಾಣಿಜ್ಯ ವಿಭಾಗದಲ್ಲಿ ಭಾಷ್ಯಾ ದೀಪ್ತಿ( 98%)  ರಾಜ್ಯಕ್ಕೆ ಹತ್ತನೇ ಸ್ಥಾನ ಪಡೆದಿರುತ್ತಾರೆ. ಅನಿಶ್ ಐಯಂಗಾರ್ (96%), ಮರಿಯಮ್ ಜಮಾಲ್  (93%) ಶೇಕಡಾವಾರು ಅಂಕಗಳನ್ನು ಗಳಿಸಿರುತ್ತಾರೆ ಹಾಗೂ ವಿಜ್ಞಾನ ವಿಭಾಗದಲ್ಲಿ ಎಂ ಡಿ ಆಫ್ ಬಿನ್ ಅಶ್ರಫ್ (96%), ತ್ರಿವಿಯ (93%), ಹರ್ಷ ವರ್ಧನ್ (93%), ಗಿರೀಶ್ ಭಾಗವತ್ (93%), ಎನ್.ಆರ್ ಆರ್ಯನ್ (92%), ನಿವೇದಿತಾ ಉಂಡಿ (92%) ಶೇಕಡಾವಾರು ಅಂಕಗಳನ್ನು ಗಳಿಸಿದ್ದಾರೆ.                                                             

ಉತ್ತಮ ಫಲಿತಾಂಶದೊಂದಿಗೆ  ಉತ್ತೀರ್ಣರಾದ  ಎಲ್ಲಾ  ವಿದ್ಯಾರ್ಥಿಗಳಿಗೆ ಕಾಲೇಜಿನ  ಆಡಳಿತ ಮಂಡಳಿ,  ಪ್ರಾಂಶುಪಾಲರು  ಹಾಗೂ ಬೋಧಕ ಬೋಧಕೇತರ ಸಿಬ್ಬಂದಿ ಅಭಿನಂದನೆ ಸಲ್ಲಿಸಿದ್ದಾರೆ.