ಮಂಗಳೂರು: ಬೀಫಾತಿಮಾ ನಿಧನ

ಮಂಗಳೂರು, ಡಿ.24: ಮೂಲತಃ ಕಾಸರಗೋಡು ಜಿಲ್ಲೆಯ ತೆಕ್ಕಿಲ್‌ನ ಪ್ರಸಕ್ತ ನಗರದ ಬಲ್ಮಠದ ಫ್ಲಾಟ್‌ವೊಂದರಲ್ಲಿ ವಾಸವಾಗಿದ್ದ ಬೀಫಾತಿಮಾ (69) ಅಲ್ಪಕಾಲದ ಅಸೌಖ್ಯದಿಂದ ಇಂದು ಸಂಜೆ 4 ಗಂಟೆಗೆ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು.

ನಗರದ ಬಂದರ್‌ನಲ್ಲಿದ್ದ ‘ಹೋನೆಸ್ಟ್ ಸುಪಾರಿ’ಯ ಮಾಲಕರಾಗಿದ್ದ ದಿವಂಗತ ತಲಪಾಡಿ ಅಬ್ದುಲ್ ಖಾದರ್ ಅವರ ಪತ್ನಿಯಾಗಿದ್ದ ಬೀಫಾತಿಮಾ ಅವರು ಇಬ್ಬರು ಪುತ್ರಿಯರು ಮತ್ತು ಓರ್ವ ಪುತ್ರ ಹಾಗೂ ಅಪಾರ ಬಂಧುಬಳಗವನ್ನು ಅಗಲಿದ್ದಾರೆ.

ನಗರದ ಬಂದರ್‌ನ ಮಸ್ಜಿದ್ ಝೀನತ್ ಬಕ್ಷ್ ವಠಾರದಲ್ಲಿ ಮೃತರ ದಫನ ಕಾರ್ಯವು ಇಂದು (ರವಿವಾರ) ರಾತ್ರಿ 9 ಗಂಟೆಗೆ ನೆರವೇರಲಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.