ಅಬ್ದುಲ್ ಅಝೀಝ್

ಮಂಗಳೂರು: ಮೂಲತಃ ಕೂಳೂರಿನ ಪ್ರಸಕ್ತ ನಗರದಲ್ಲಿ ವಾಸವಾಗಿದ್ದ ಡಿ.ಎಂ. ಅಬ್ದುಲ್ ಅಝೀಝ್ (75) ಬುಧವಾರ ಬೆಳಗ್ಗೆ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು. ಮೃತರು ಮೂವರು ಪುತ್ರರು ಮತ್ತು ಅಪಾರ ಬಂಧುಬಳಗವನ್ನು ಅಗಲಿದ್ದಾರೆ.

ಜಮಾಅತೆ ಇಸ್ಲಾಮಿ ಹಿಂದ್‌ನ ಸಕ್ರಿಯ ಸದಸ್ಯರಾಗಿದ್ದ ಇವರು ಕಸಬಾ ಬೆಂಗರೆಯ ಎಆರ್‌ಕೆ ಶಾಲೆಯ ಎಆರ್‌ಕೆ ಟ್ರಸ್ಟ್‌ನ ಟ್ರಸ್ಟಿಯಾಗಿ, ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ್ದರು. ನಗರದ ಐಡಿಯಲ್ ಪ್ರಿಂಟರ್‌ನ ವ್ಯವಸ್ಥಾಪಕರಾಗಿ ಕಾರ್ಯ ನಿರ್ವಹಿಸಿದ್ದರು.

ಬುಧವಾರ ಸಂಜೆ ಬಂದರ್ ಝೀನತ್ ಬಕ್ಷ್ ಮಸೀದಿಯ ವಠಾರದಲ್ಲಿ ದಫನ ಕಾರ್ಯನೆರವೇರಿಸಲಾಯಿತು.