ಸೆನೆಗಲ್ ಕರಾವಳಿಯಲ್ಲಿ ವಲಸಿಗರ ದೋಣಿ ಮುಳುಗಿ 21 ಮಂದಿ ಮೃತ್ಯು

ಡಾಕರ್: ವಾಯುವ್ಯ ಸೆನೆಗಲ್ ಕರಾವಳಿಯಲ್ಲಿ ವಲಸಿಗರಿದ್ದ ಸಣ್ಣ ದೋಣಿಯೊಂದು ಮುಳುಗಿ ಕನಿಷ್ಠ 21 ಜನರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಗಳು ರವಿವಾರ ತಿಳಿಸಿದ್ದಾರೆ.

ಡಾಕರ್ ಮತ್ತು ಉತ್ತರದ ನಗರವಾದ ಸೆಂಟ್-ಲೂಯಿಸ್ ನಡುವಿನ ಕೆಬೆಮೆರ್ ವಿಭಾಗದ ಲೂಂಪೌಲ್ ಮರಳು ದಿಬ್ಬಗಳ ಬಳಿ ಶನಿವಾರ ದೋಣಿ ಮಗುಚಿಕೊಂಡಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. 21 ಮೃತದೇಹಗಳನ್ನು ಪತ್ತೆಹಚ್ಚಲಾಗಿದೆ ಮತ್ತು ಒಬ್ಬ ವ್ಯಕ್ತಿಯನ್ನು ಮಾತ್ರ ರಕ್ಷಿಸಲಾಗಿದೆ ಎಂದು ಸೆನೆಗಲ್‍ನ ಒಳಾಡಳಿತ ಸಚಿವಾಲಯವು ಹೇಳಿಕೆಯಲ್ಲಿ ತಿಳಿಸಿದೆ.