ಕ್ಯಾಲಿಫೋರ್ನಿಯಾ: ಅಂಚೆ ಮತಗಳಿಗೆ ತಡೆ ನೀಡಲು ಸುಪ್ರೀಂಕೋರ್ಟ್ ನಕಾರ

ನ್ಯೂಯಾರ್ಕ್: ಪೌರತ್ವದ ಸ್ಥಿತಿ ಶಂಕಿತವಾಗಿದೆ ಎಂದು ಪ್ರತಿಪಾದಿಸಿ, 20,000ಕ್ಕೂ ಹೆಚ್ಚು ಜನರು ಚಲಾಯಿಸಿದ ಅಂಚೆ ಮತಗಳನ್ನು ಪ್ರತ್ಯೇಕಿಸಿಡುವಂತೆ ಕ್ಯಾಲಿಫೋರ್ನಿಯಾಗೆ ಸೂಚಿಸಬೇಕೆಂದು ಫೆಡರಲ್ ಸರಕಾರವು ಸಲ್ಲಿಸಿದ್ದ ಮೇಲ್ಮನವಿಯನ್ನು ಅಮೆರಿಕ ಸುಪ್ರೀಂಕೋರ್ಟ್ ಸೋಮವಾರ ತಿರಸ್ಕರಿಸಿದೆ.

ಅಮೆರಿಕ ಮಧ್ಯಂತರ ಚುನಾವಣೆಗಳ ಮತದಾನ ಪ್ರಕ್ರಿಯೆಯ ನಡುವೆಯೇ ಈ ನಿರ್ಧಾರ ಬಂದಿದೆ. ಸುಪ್ರೀಂಕೋರ್ಟ್ ಯಾವುದೇ ವಿವರಣೆ ನೀಡದೆ, ಒಂದೇ ವಾಕ್ಯದ ಅನಾಮಧೇಯ ಆದೇಶದ ಮೂಲಕ ಈ ವಿನಂತಿಯನ್ನು ವಜಾಗೊಳಿಸಿದೆ. ಈ ಮೊದಲು ಕೆಳ ನ್ಯಾಯಾಲಯಗಳು ಸಹ ನ್ಯಾಯಾಂಗ ಇಲಾಖೆಯ ಈ ಬೇಡಿಕೆಯನ್ನು ತಿರಸ್ಕರಿಸಿದ್ದವು.