ಕೊಪ್ಪಳ : ನಾಪತ್ತೆಯಾಗಿದ್ದ 7 ವರ್ಷದ ಬಾಲಕಿಯ ಮೃತದೇಹ ಪತ್ತೆ

ಕೊಪ್ಪಳ : ಕೊಪ್ಪಳ ತಾಲೂಕಿನ ಕಿನ್ನಾಳ ಗ್ರಾಮದಲ್ಲಿ ಎರಡು ದಿನಗಳ ಹಿಂದೆ ಕಾಣೆಯಾಗಿದ್ದ 7 ವರ್ಷದ ಬಾಲಕಿ ಮೃತದೇಹ ರವಿವಾರ ಪತ್ತೆಯಾಗಿದೆ.

ಅನುಶ್ರೀ ಮಡಿವಾಳರ್ (7) ಮೃತ ಬಾಲಕಿಯಾಗಿದ್ದು, ಎ.19 ರಂದು ಮಧ್ಯಾಹ್ನ ಆಟ ಆಡಲು ಹೋಗಿದ್ದ ಬಳಿಕ ಕಾಣೆಯಾಗಿದ್ದಳು. ಮನೆಯ ಹತ್ತಿರದ ಪಾಳು ಜಾಗದಲ್ಲಿ ಅನುಶ್ರೀ ಮೃತದೇಹ ಪತ್ತೆಯಾಗಿದ್ದು, ಕೊಲೆ ಮಾಡಿ ಚೀಲದಲ್ಲಿ  ಹಾಕಿರುವ ಅನುಮಾನ ವ್ಯಕ್ತವಾಗಿದೆ.

ಕೊಪ್ಪಳ ಗ್ರಾಮೀಣ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.